2 Korintus 2:7 - Porjanjian Boharu Torjomahan Baso Dilakng Soari-ari

⁷ Jadi, ni'in, kaitn gola' moamputi io, ongko mohibur io oca' hatinyo kinyo monjadi kotakan salu' sampai bulah io putus asa.

2 Korintus 2:7 ပူးပေါင်းရင်းမြစ်များ

1 Korintus 15:54

Watu bukakng-tubuh kito diubah sama'an nantai, ongko pomandiran ni'in inyo totulis dalapm Buku Suci paca'an tojadi, “Kuaso komatian udah dikalahan. Tuhatn udah monang.”

2 Korintus 2:8

Obai nantai, aku muhun kaitn monunju'an obai kaitn bobondar mongasihi io.

2 Korintus 5:4

Apo somanahan kito di dalapm bukakng-tubuh ni'in, kito mongoluh obai bobatnnyo borat. Bukainyo obai kito honda' mati, moninggalan bukakng-tubuh ni'in, apo obai kito honda' mondapat'an bukakng-tubuh boharu nantai. Kito honda' samo sama'an nantai oca' bukakng-tubuh ni'in inyo bayo somontaromo dikuaso'i inyo hidup.

2 Korintus 7:10

Obai, aman urakng mooso salu' agatn caro inyo Allah kohonda'i, akibatnyo urakng nian moninggalan dosanyo. Jadi, urakng nian disolamant'an. Jadi, io co monyosal obai porasa'an salu' nantai. Apo, aman salu' nantai boasal doi' dunia, moakibat'an komatian.

Efesus 4:32

Apo kaitn gola' boi' hati huatan monunju'an bolas-kasihan. Kaitn gola' moamputi urakng bukai samo sama'an Allah moamputi kaitn molalu'i Kristus.

Filipi 2:27

Memang bondar, io sakit, hampir mati. Apo Allah monunju'an bolas kasihan ko io. Bukainyo bayo io ja', apo Allah monunju'an kasih sayang-Nyo jam ko aku. Allah kinyo mombiaran io mati, oca' ponyalu'ku nantai kinyo botambah.

Kolose 3:13

Aman ado urakng inyo bulah kosalahan agatn urakng bukai, kaitn gola' samo-samo sabar tohadap inyo bukai huatan samo moamputi, ongko kaitn pan gola' moamputi urakng bukai.

1 Tesalonika 4:13

Boko somadikan, koi kotakng honda' oca' kaitn mongotohu'i mongona'i la'apo inyo paca'an tojadi ko boko urakng inyo pocayo lopas sia' mati. Koi co honda' kaitn bulikng samo sama'an boko urakng inyo kinyo pocayo ko Yesus. Sia' co nyiant pongharapan obai boko urakng inyo mati paca'an bobali' hidup.

2 Tesalonika 3:6

Boko somadikan, koi mondinga' ado urakng pocayo inyo losa' bokorojo. Sia' co honda' hidup sosuai agatn ajaran inyo koi sampaian ko kaitn. Obai koi ado hak doi' Tuhatn Yesus Kristus, koi monyiuh kaitn: Jangan bokawal agatn boko urakng inyo hidup sama'an nantai.