2 Korintus 2:14 - Porjanjian Boharu Torjomahan Baso Dilakng Soari-ari

¹⁴ Apo bosukur ko Allah! Sio moirikan koi dalapm pawai boko urakng inyo monang obai koi hidup di dalapm Kristus. Allah momakai koi pakai' monyampaian borito mongona'i Kristus di mono-mono, samo sama'an bou harupm.

2 Korintus 2:14 ပူးပေါင်းရင်းမြစ်များ

Roma 8:37

Apo, somuonyo nantai culih mongalahan kito obai Kristus inyo mongasihi kito bulah kito bondar-bondar monang.

Efesus 5:2

Kaitn gola' mongasihi urakng bukai samo sama'an Kristus udah mongasihi kaitn ia'an Sio monyorahan diri-Nyo monjadi kurbatn posombahan pakai' monanggukng hukupan dosa kito. Sio monjadi posombahan harupm inyo monyonangan Allah.

Roma 6:17

Memang komai kaitn ia'an hulutn dosa. Apo, bosukurcam ko Allah, obai watu ni'in kaitn bondar-bondar udah monaati ajaran bondar inyo udah disampaian ko kaitn.

2 Korintus 9:15

Bosukurcam ko Allah obai poonju'-Nyo inyo kotakan borogo nantai!

Kolose 2:15

Watu nantai, Sio mongalahan somuo kuaso di dunia huatan somuo roh inyo ado kuaso. Agatn caro nantai, Sio bulah sia' monjadi malu di muka' umum.

Roma 15:19

Sio pan momakai bomacapm mujisat ongko kuaso Roh Allah. Ubo nianam caronyo aku momboritoan soluruh Kabar Boi' mongona'i Kristus doi' kota Yerusalem sampai ko doerah Ilirikum.

Wahyu 7:12

Kato sia', “Amin! Pujicam Allah kito inyo mulia. Sio hala bijaksana, kuat ongko bokuaso. Sio cucu' dionji'i sukur ongko hormat sampai somanah-manahnyo! Amin!”

Kolose 1:23

Nantai paca'an tojadi aman kaitn totap pocayo ko Yesus agatn kuat. Jangan sampai kaitn tongga' pocayo. Kaitn gola' sotia huatan yakitn moharap'an obai Allah momonuhi somuo inyo Sio janjian dalapm Kabar Boi'. Memang kaitn udah mondinga' Kabar Boi' nantai. Kabar Boi' nantai udah diboritoan ko boko urakng di mono-mono. Aku ni'in, Paulus, udah monjadi polayatn inyo momboritoan Kabar Boi' nantai.

Kolose 1:6

inyo udah disampaian ko kaitn. Kabar Boi' nantai tongahan diboritoan di mono-mono sampai bokombakng huatan bobuah. Sama'an nantaiam jam inyo tojadi di antaro kaitn, doi' watu kaitn mondinga' Kabar Boi' nantai lalu mongoroti koboi'an Allah inyo sobondarnyo.

Filipi 4:18

Ni'in, aku udah ado somuo inyo ku pontikan, malahan lobih doi' nantai, obai aku udah monorima' doi' Epafroditus somuo inyo kaitn kiripan. Allah sonang agatn poonju' kaitn nantai inyo samo sama'an posombahan inyo bou harupm damo kurbatn bonatakng inyo Sio torima' agatn sonang hati.

Efesus 5:20

Hala bosukur cam ko Allah Bopai kito pakai' somuo hal, bosukur cam ko Sio dalapm damo Tuhatn kito, Yesus Kristus.

2 Korintus 8:16

Koi bosukur ko Allah obai Sio bulah hati Titus bondar-bondar honda' monulukng kaitn samo sama'an koi jam bondar-bondar honda' monulukng kaitn.

2 Korintus 1:11

Kaitn jam tuyut monulukng koi agatn banya' doa kaitn pakai' koi. Jadi, nononyo, timpu Allah monunju'an koboi'an-Nyo ko koi, jadi banya' urakng paca'an bosukur obai nantai.

1 Tesalonika 3:9

Obai nantai, koi kotakng rindakng-rigah. Jadi, watu koi bodoa di hadapan Allah, koi kotakng bosukur mongona'i kaitn.

1 Korintus 15:37

Bukakng-tubuh urakng mati bayo samo sama'an bigi' mo, umpamonyo bigi' gandupm damo bigi' inyo bukai. Inyo ditanam nantai bigi' bukainyo batakng inyo udah bosar.

Yohanes 16:33

Aku momadahan somuonyo nantai ko kaitn oca' hati kaitn ado sonang-asau obai kaitn bosatu agatn Aku. Kaitn paca'an mondorita' di dunia ni'in. Apo, pontokuhancam hati kaitn! Aku udah mongalahan kuaso di dunia ni'in!”

Roma 1:8

Potamo-tamo, aku moucap sukur ko Allah molalu'i Yesus Kristus pakai' kaitn somuo. Obai, urakng di mono-mono di soluruh dunia mondinga' obai kaitn pocayo ko Yesus.

1 Korintus 12:8

Umpamonyo, ko urakng ni'in Roh Allah moonji'i komampuan bopandir agatn kopintar-corodi'an. Ko urakng nian Roh Allah moonji'i komampuan pakai' mongotohu'i sosuatu ongko monyampaian boko hal nantai agatn jolasko urakng bukai.

1 Korintus 15:57

Apo bosukurcam ko Allah obai dosa kinyo mongalahan kito agatn caro nantai. Allah bulah kito monang obai Yesus Kristus, Tuhatn inyo bokuaso di pucu' kito.

1 Tesalonika 1:8

Kabar Boi' mongona'i Tuhatn Yesus tosebar doi' kaitn ko urakng di propinsi Makedonia huatan Akhaya. Apo kinyo bayo sampai di su'utn. Watu ni'in, boko urakng di mono-mono mondinga' obai kaitn pocayo ko Allah. Obai nantai, watu koi mondataki boko tompat bukai, koi kinyo gola' mongisahan mongona'i kaitn.

1 Timotius 2:8

Obai nantai, ongko aku bohak momuhun ko somuo lolaki: Di mono aja' kaitn bokumpul, kaitn gola' bodoa. Apo bodoa agatn hati inyo borosih. Jangan monyimpatn ponggodi dalapm hati. Jangan bokonjahatan agatn urakng bukai.

2 Timotius 2:2

Kolai udah mondinga' aku mongajar di hadapan urakng banya'. Jadi, ajarancam ajaran nantai ko boko urakng inyo ulih dipocayo huatan pandai mongajar urakng bukai.