2 Korintus 2:13 - Porjanjian Boharu Torjomahan Baso Dilakng Soari-ari

¹³ Apo, aku co botomu agatn somadikanku Titus di su'utan. Jadi, hatiku kinyo nyamanam. Obai nantai, aku bokotohuan lalu botula' ko propinsi Makedonia.

2 Korintus 2:13 ပူးပေါင်းရင်းမြစ်များ

2 Korintus 12:18

Aku udah minto oca' Titus monjongu' kaitn bosamo-samo agatn somadikan inyo bukainyo. Timpu nantai, kata'an Titus bayo goyap kountukan doi' kaitn ai? Cado jam! Caro bopikirnyo ongko caro hidupnyo jujur samo sama'an aku jam.

2 Timotius 4:10

obai Kreskes udah botula' ko propinsi Galatia. Titus botula' ko propinsi Dalmatia. Demas pan botula' ko kota Tesalonika. Apo Demas moninggalan aku obai io kotakng kidah agatn boko kosonangan di dunia ni'in.

Galatia 2:3

Titus bosamo agatn aku timpu nantai. Io nantai bukainyo urakng Yunani. Apo ruponyo sia' kinyo momoso oca' io disunant.

Galatia 2:1

Lopas jadi ompat bolas tohutn, aku botula' agi' ko Yerusalem agatn bimbikan Allah. Aku ko siatn bosamo Barnabas. Titus pan tuyut bosamo aku. Di Yerusalem, ado boko pomimpitn urakng inyo pocayo. Boko pomimpitn nantai dianggap tohormat. Aku moadoan potomuan husus bayo agatn sia' mo. Dalapm potomuan nantai, aku monjolasan ko boko pomimpitn nantai isi Kabar Boi' inyo aku boritoan ko boko banso bukai Yahudi. Aku monjolasan polayatanku nantai obai aku kuatir mungkitn polayatan aku watu komai ulih monjadi co boroti jam.

2 Korintus 8:23

Titus, io nam kawal ku inyo bokorojo samo agatn aku pakai' molayati kaitn. Ongko koduo somadikan inyo bukai nantai, sia' nam boko urakng inyo diutus boko jomaat. Sia' monunju'an obai Kristus mulia.

2 Korintus 8:16

Koi bosukur ko Allah obai Sio bulah hati Titus bondar-bondar honda' monulukng kaitn samo sama'an koi jam bondar-bondar honda' monulukng kaitn.

2 Korintus 8:6

Obai sia' molabuhan nantai, lalu koi minto oca' Titus monjongu' kaitn oca' jadiam mongumpulan sumbakan nantai doi' kaitn. Memang komai io inyo momula'i polayatan inyo boi' nantai.

2 Korintus 7:13

Obai hasil nantai, jadi hati koi dikuatan. Solaitn nantai, koi pan sonang bondar agatn moniant obai Titus sonang. Obai, kaitn somuo bulah hatinyo tenang.

Markus 6:46

Lopas urakng banya' nantai botula', Yesus mondaki ko bukit pakai' bodoa.

Roma 15:26

Obai, boko jomaat di doerah Makedonia ongko Akhaya udah mombulah koputusan pakai' moonji'i sumbakan nantai pakai' monulukng urakng pocayo inyo jaro di Yerusalem.

2 Korintus 7:14

Sobolupm Titus monjongu' kaitn, aku momadahannyo ko io obai kaitn nam urakng inyo boi'. Jadi, kaitn co bulah aku malu. Koi hala momadahan boko hal inyo bondar ko kaitn. Ubo nian jam, somuo koboi'an kaitn inyo koi padahan ko Titus, somuo nantai tonyato bondar jam.

Kisah Boko Rasul 21:6

Lopas jadi bopadah pulakng, koi noi' jumpat ko kapal, huatan sia' pulakng ko rumah siku'-monyiku'.