2 Korintus 2:12 - Porjanjian Boharu Torjomahan Baso Dilakng Soari-ari

¹² Timpu aku ko kota Troas pakai' momboritoan Kabar Boi' mongona'i Kristus, Tuhatn udah monunju'an jalatn pakai' molayati Sio di su'utan.

2 Korintus 2:12 ပူးပေါင်းရင်းမြစ်များ

Kisah Boko Rasul 14:27

Jadi, watu sia' tuntukng di Antiokhia, sia' mongumpulan boko urakng pocayo ko Yesus. Sia' duo mongisahan somuo inyo udah Allah labuhan dalapm polayatan sia'. Hususnyo, sia' mongisahan mongona'i Allah inyo moonji'i caro oca' banya' urakng inyo bukainyo urakng Yahudi monjadi pocayo ko Yesus.

Kisah Boko Rasul 16:11

Ongko, koi botula' doi' Troas, bolayar ko pulau Samotrake. Kohobu'annyo, koi ko kota Neapolis.

Kisah Boko Rasul 16:8

Jadi, sia' bojalatn torus molalu'i doerah Misia tuntukng di kota Troas.

Kisah Boko Rasul 20:8

Koi somuo bokumpul di ruakan di tingkat pucu', lantai tigo. Ado banya' pompolitoan inyo bonyalo.

Roma 1:1

Surat ni'in doi' aku, Paulus, urakng inyo molayati Kristus Yesus. Aku ditingkau pakai' monjadi rasul, huatan dihususan pakai' momboritoan Kabar Boi' doi' Allah.

1 Korintus 16:9

Obai ado banya' kosompatan dalapm polayatan aku di si'itn. Kosompatan nantai bosar huatan boguno bondar. Biar pan banya' jam urakng inyo bolawatan agatn aku.

1 Korintus 9:12

Aman urakng bukai bohak mondapat'an kopontikan hidup nantai doi' kaitn, sobondarnyo koi lobih bohak agi' mondapat'an kopontikan hidup nantai doi' kaitn. Apo koi co kalo monuntut hak nantai. Koi totap monanggukng la'apo pan. Obai, koi co honda' bulah sosuatu inyo ulih mohalaki urakng mondinga' Kabar Boi' mongona'i Kristus.

1 Korintus 9:14

Samo sama'an nantai jam, Tuhatn Yesus udah bulah poraturan ni'in: Boko urakng inyo momboritoan Kabar Boi', sia' bohak mondapat'an kopontikan hidup doi' pokoroja'an nantai.

1 Korintus 9:16

Masudku, aku co bohak bompangkakan diri watu momboritoan Kabar Boi' doi' Allah. Obai, nantai inyo memang soharusnyo ku labuhan. Biar pan aku colako aman co momboritoan Kabar Boi' nantai.

2 Korintus 10:14

Obai, komai koi udah datakng ko kaitn lalu momadahan Kabar Boi' mongona'i Kristus. Jadi, koi co molalu'i batas nantai.

2 Korintus 11:4

Obai, kaitn siap monorima' urakng inyo datakng mombaba' ajaran inyo salah mongona'i Yesus. Nantai bukainyo doi' ajaran inyo bondar mongona'i Yesus inyo udah koi boritoan ko kaitn komai. Kaitn pan honda' monorima' roh inyo bukainyo doi' Roh Allah inyo udah kaitn torima' komai. Kaitn honda' pocayo ajaran inyo bukai doi' Kabar Boi' inyo udah kaitn pocayo komai.

2 Korintus 11:7

Timpu aku momboritoan ko kaitn Kabar Boi' doi' Allah, aku co minto kaitn mombayarku. Kata'an nantai salah bai? Cado jam! Molabuhan lou' ubo nantai, aku morendahan diri oca' kaitn dihormati.

2 Korintus 4:3

Mungkitn ado boko urakng inyo kinyo mongoroti Kabar Boi' inyo koi boritoan. Apo nantai ongkah boko urakng inyo paca'an bonaso,

2 Korintus 4:4

ia'an boko urakng inyo kinyo honda' pocayo. Rajo Sitatn, inyo monguaso'i dunia ni'in, udah bulah sia' co mongoroti. Io bulah mato hati sia' monjadi buto oca' sia' co moniant cohayo, ia'an Kabar Boi' mongona'i Kristus inyo mulia, Kristus inyo nianam samo agatn rupo Allah.

2 Korintus 8:18

Kinyo haja' Titus, koi pan moutus siku' somadikan koi ko kaitn. Somuo jomaat mohormati io obai io monulukng dalapm polayatan momboritoan Kabar Boi'.

2 Korintus 9:13

Doi' polayatan inyo kaitn labuhan nantai. Sia' tajahan momuji Allah obai kotaatan kaitn tohadap kabar boi' mongona'i Kristus inyo udah kaitn jumpati. Sia' pan paca'an momuji Allah obai kaitn agatn sonang hati moonju' sumbakan ko sia' ongko ko somuo urakng.

Kolose 4:3

Aku tongahan dalapm ponjara obai aku momboritoan Kabar Boi'. Jadi, bodoa jam pakai' koi oca' Allah moonji'i jalatn pakai' koi momboritoan Kabar Boi' mongona'i Kristus, ia'an hajat Allah inyo komai kinyo dikotohu'i monsio.

1 Tesalonika 3:2

koi momutusan pakai' moutus somadikan koi, Timotius, ko kaitn. Timotius bokorojo samo agatn koi pakai' molayati Allah jam dalapm momboritoan Kabar Boi' mongona'i Kristus. Koi moutus io pakai' monguat'an hati kaitn oca' kaitn lobih kuat pocayo ko Yesus, huatan oca' io momadahi kaitn pakai' totap kuat timpu kaitn mohadapi ajab sonsaro.