2 Korintus 2:1 - Porjanjian Boharu Torjomahan Baso Dilakng Soari-ari

¹ Jadi, aku udah bulah koputusan obai aku co paca'an datakng agi' ko kaitn huatan bulah ponyalu'.

2 Korintus 2:1 ပူးပေါင်းရင်းမြစ်များ

Kisah Boko Rasul 11:29

Lopas jadi, mondinga' posatn nantai, somuo murid Yesus di Antiokhia momutusan pakai' monulukng boko somadikan nantai inyo tinggal di doerah Yudea. Sia' mongumpulan sumbakan. Sotiap urakng moonji'i sumbakan sobanya' mungkitn, sosuai agatn pongulihan siku'-monyiku'.

Kisah Boko Rasul 15:2

Apo Paulus ongko Barnabas kotakan kinyo sotuju agatn ajaran boko urakng nantai. Nontu sia' botikakng mongona'i mosalah nantai. Obai nantai, Paulus ongko Barnabas huatan boko urakng bukai diutus ko kota Yerusalem. Sia' diutus pakai' mombahas mosalah sunant nantai agatn boko rasul Yesus huatan boko ponotua' di Yerusalem.

Kisah Boko Rasul 15:37

Barnabas sotuju, apo io honda' oca' Yohanes (inyo jam disobut Markus) tuyut bosamo sia' agi'.

1 Korintus 2:2

Obai, aku jadi bulah koputusan bayo pakai' momboritoan mongona'i Yesus. Ia'an pan aku momboritoan obai Yesus ia'an Rajo Inyo Dijanjian Allah inyo disobut Kristus, huatan Sio mati di kayu salib. Aku co honda' momboritoan ko kaitn mongona'i boko hal inyo bukai.

1 Korintus 4:21

Watu aku datakng, kaitn honda' la'apo? Honda' aku datakng agatn mombaba' ponyipat? Kata'an kaitn honda' aku datakng agatn lomah-lombut monunju'an aku mongasihi kaitn?

1 Korintus 5:3

Sobab, biar pan bukakngku co nyiant bosamo kaitn, apo hatiku ado di antaro kaitn. Samo sama'an timpu aku ado bosamo kaitn, aku momutusan io gola' dihukupm.

2 Korintus 1:23

Jadi, aku moningkau Allah sobagai sasi inyo mongonal isi hatiku. Sio tohu obai ni'in bondar: Alasan ku co datakng ko Korintus obai aku co honda' bulah kaitn sakit hati agatn monogur kaitn.

2 Korintus 13:10

Nianam sobabnyo aku monulis surat ni'in timpu ku bolupm ado bosamo agatn kaitn. Oca' watu aku bosamo kaitn nononyo, aku co gola' botindak koras momakai kuaso inyo Tuhatn onju' ko aku. Sio moonju' kuaso nantai pakai' monulukng kaitn lobih kuat, bukainyo pakai' mohancuran kopocaya'an kaitn.

2 Korintus 2:4

Memang aku monulis surat nantai agatn hati inyo hancur ongko podih, ongko pan banya' moncucuran ara'i mato. Apo aku co honda' bulah kaitn monjadi salu'. Kohonda'ku oca' kaitn tohu kotakan bosar kasihku ko kaitn somuo.

Titus 3:12

Aku paca'an moutus Artemas damo Tikhikus ko kolai pakai' molayati di pulau Kreta di su'utn. Pas salah siku' doi' sia' datakng, kohonda'ku kolai copat datakng ko aku di kota Nikopolis. Aku udah momutusan pakai' bodiapm di su'utn somanah musipm dingin ni'in.