2 Korintus 13:7 - Porjanjian Boharu Torjomahan Baso Dilakng Soari-ari

⁷ Koi bodoa ko Allah oca' kaitn jangan bulah kojahatan. Nantai bukainyo pakai' mombutian obai koi memang lulus ujian sobagai rasul Kristus. Nantai bukainyo tujuan koi. Tujuan koi ia'an oca' kaitn bulah koboi'an, monjumpati ajaran inyo bondar. Ongko biar pan kotiat'annyo koi co lulus ujian kinyo apo-apo.

2 Korintus 13:7 ပူးပေါင်းရင်းမြစ်များ

Yakobus 1:12

Allah momborokati urakng inyo botahatn mohadapi poncoba'an. Aman io botahatn, lalu Allah paca'an moonji'i io kohidupan somanah-manahnyo di sorugo. Nianam upah inyo Allah udah janjian ko somuo urakng inyo mongasihi Sio.

2 Timotius 4:18

Tuhatn paca'an monyolamant'an aku doi' somuo usaha urakng jahat. Sio paca'an mombaba'ku agatn solamant ko dalapm Korajaan-Nyo di sorugo. Huncapm kito momuji Sio somanah-manahnyo. Amin!

2 Timotius 2:15

Bousahacam oca' Allah moanggap kolai siku' urakng inyo rajitn bokorojo. Jadicam siku' urakng pogai inyo kinyo gola' malu obai somuo pokoroja'annyo boi'. Ajarancam agatn topat ajaran inyo bondar.

1 Timotius 2:2

tomansu' boko rajo huatan somuo pomimpitn. Bodoacam oca' timpu kito hidup taat ko Allah huatan bulah koboi'an ko somuo urakng, kito ulih hidup agatn tenang huatan sonang-asau.

1 Tesalonika 5:23

Ni'inan koi bodoa ko Allah inyo moonji'i kito sonang-asau huatan bulah kaitn mongkitn lobih suci dalapm somuo hal. Koi bodoa mudahan kinyo ado boko hal inyo jahat dalapm soluruh roh kolai, jiwa kolai huatan bukakng-tubuh kolai, timpu Yesus, Tuhatn kito nononyo datakng agi' ko dunia ni'in.

Filipi 4:8

Ahirnyo, boko somadikan ku, kaitn gola' hala momikiran mongona'i boko hal inyo bondar, inyo patut dirogo'i, inyo adil, inyo borosih doi' kojahatan, inyo manis, inyo loma' didinga'. Pokoknyo, pikiran cam mongona'i la'apo pan inyo boi' ongko patut dipuji.

1 Petrus 2:12

Kaitn gola' hidup agatn caro inyo boi' di antaro boko urakng inyo bolupm mongonal Allah. Agatn ubo nantai, biar pan sia' mongatoan kaitn jahat, sia' tajahan moniant porbuatan kaitn inyo boi'. Akibatnyo, sia' pan tajahan momuliaan Allah watu Sio datakng nononyo.

2 Korintus 13:9

Apo koi sonang bondar aman koi kotiat'annyo lomah sama'an nantai. Ni'inan koi doa'an, ia'an oca' kaitn bobondar hidup sobagai boko urakng inyo pocayo.

2 Korintus 10:18

Obai, urakng inyo bondar-bondar cucu' dipuji ia'an urakng inyo dipuji Tuhatn, bukainyo urakng inyo momuji dirinyo siku'.

2 Korintus 10:10

Aku tohu ado urakng inyo bopandir, “Dalapm boko suratnyo, Paulus momakai pomandiran inyo togas huatan koras. Apo timpu io ada'an samo agatn kito, sikapnyo lomah, huatan io kinyo pandai bopandir.”

2 Korintus 8:21

Koi honda' molabuhan boko la'apo pan agatn jujur, bukainyo bayo di hadapan Tuhatn, apo di hadapan monsio jam.

2 Korintus 6:4

Apo, dalapm somuo la'apo pan inyo koi pulah, koi monunju'an obai koi ninam boko urakng inyo molayati Allah. Ia'an nantai, koi hala sabar mohadapi bomacapm pondorita'an.

1 Korintus 11:19

Memang gola' ado popisahan di antaro kaitn. Alasannyo oca' nononyo paca'an jolas sopo di antaro kaitn inyo tahatn uji.

Roma 16:10

Salapm ko Apeles. Io kalo diuji ongko monunju'an obai io totap sotia ko Kristus. Salapm ko koluarga Aristobulus ongko somuo urakng inyo diapm di rumahnyo.

Roma 13:13

Kito gola' hidup agatn caro inyo sopatn sama'an urakng inyo hidup dalapm torakng. Jangannam kito ruah-runsakan ongko hala komabu'an. Jangannam kito bulah dosa kojahatan ongko tuyut kohonda' bukakng inyo jahat. Janganam kito tungi ongko hala bokolohi.

Roma 12:17

Aman ado boko urakng inyo bulah kojahatan agatn kaitn, jangannam kaitn mombalas agatn kojahatan ko sia'. Apo, bulah koboi'an cam agatn somuo urakng.

Yohanes 17:15

Aku co minto oca' Duatn monguti' sia' doi' dunia ni'in, apo oca' Duatn molinduki sia' doi' inyo jahat, ia'an Rajo Sitatn.

Matius 6:13

Jangan mombaba' koi ko dalapm poncoba'an apo lopasan koi doi' kuaso jahat. Obai Duatn inyo umputn koraja'an, kuaso agatn komulia'an sampai somanah-manahnyo. Amin’.

Roma 1:28

Obai sia' co mooso pontikng mongonal Allah, jadi Allah mombiaran pikiran sia' monjadi rusa'. Jadi, sia' molabuhan boko hal inyo soharusnyo kinyo pantas sia' labuhan.

2 Korintus 13:6

Apo, aku harap kaitn tohu obai koi lulus ujian inyo monunju'an koi bondar-bondar rasul Kristus.

2 Korintus 13:8

Koi kinyo ulih mombulah hal inyo bolawatan agatn la'apo inyo bondar. Koi bayo ulih molabuhan sosuatu inyo sosuai agatn hal inyo bondar.