2 Korintus 13:5 - Porjanjian Boharu Torjomahan Baso Dilakng Soari-ari

⁵ Uji bo diri kaitn siku' aman kaitn bondar-bondar hidup ubo urakng inyo pocayo agatn Kristus. Poriso'i cam diri kaitn! Pasti kaitn tohu obai Kristus Yesus ado di dalapm hati kaitn. Aman Sio kinyo ado di dalapm kaitn, rotinyo kaitn kinyo bondar-bondar pocayo.

2 Korintus 13:5 ပူးပေါင်းရင်းမြစ်များ

1 Korintus 11:28

Obai nantai, sotiap urakng gola' boriso'i dirinyo doholu. Lopas nantai, hoyu' io ulih bopua' roti huatan minum anggur nantai.

1 Korintus 9:27

Apo aku molatih bukakng-tubuhku agatn koras. Aku mongondalian diriku. Aku molabuhan boko hal nantai oca' lopas momboritoan Kabar Boi' ko urakng bukai, jangan sampai aku malahan kinyo cucu' di hadapan Allah.

Wahyu 2:5

Jadi, ingant cam kotakan jouham kaitn udah jatu'. Tongga'an cam boko dosa kaitn ongko labuhancam la'apo inyo kaitn labuhan sama'an somulonyo. Aman cado, nononyo Aku paca'an datakng ko kaitn lalu monguti' tihakng pompolitoan kaitn doi' tompatnyo.

Galatia 6:4

Jadi, jangan mombandikan diri kaitn agatn urakng bukai. Poriso'icam porbuatan kaitn siku'. Agatn caro nantai, kaitn ulih bangga obai porbuatan kaitn siku', bukai obai kaitn moanggap diri kaitn lobih boi' doi' urakng bukai.

Ibrani 12:15

Bojojagocam oca' jangan ado siku' urakng pan di antaro kaitn inyo moninggalan kasih karunia Allah. Aman ado urakng inyo molabuhan nantai, io monjadi samo sama'an tontanaman agatn buah inyo pohit huatan boracutn. Io morusa' kosatuan kaitn ongko mombulah urakng banya' mombulah dosa.

1 Korintus 11:31

Apo aman kito boriso'i diri kito doholu, ongko kito co paca'an dihukupm.

Titus 1:16

Sia' mongatoan obai sia' mongonal Allah. Apo porbuatan sia' monunju'an obai sia' kinyo mongonal Allah. Allah campah agatn sia'. Sia' kinyo taat ko Sio. Sia' kinyo mampu molabuhan la'apo pan inyo boi'.

Galatia 2:20

Obai aku kinyo hidup agi' agatn caro sama'an komai. Ni'in, Kristus monontuan caro hidupku. Aku hidup di dunia ni'in agatn caro boharu obai aku pocayo ko Sio. Sio nantai Ana' Allah inyo kotakan mongasihi aku. Sio monyorahan diri-Nyo sampai mati sobagai kurbatn inyo monggonti'i aku.

Yohanes 14:23

Timbas Yesus ko io, “Urakng inyo mongasihi Aku, io paca'an monuruti pomandiran-Ku. Bopai-Ku paca'an mongasihi io. Bopai huatan Aku paca'an datakng ko io lalu bodiapm dalapm hati io.

Roma 8:10

Memang tubuh kito tajahannyo mati obai dosa. Apo, aman Kristus diapm di dalapm diri kaitn, Roh-Nyo tajahan moonji'i kaitn kohidupan kokal obai kaitn monjadi bondar di hadapan Allah.

Ibrani 4:1

Obai nantai, boko somadikan, kito gola' boboi'. Allah udah bojanji obai somuo urakng inyo pocayo ulih mansu' ko dalapmtompat torahat inyo Sio siap'an. Janji Allah nantai ija' bolaku pakai' kito watu joman ni'in. Apo, kaitn gola' boboi' oca' conyiant di antaro kaitn inyo culih mansu'.

1 Korintus 9:24

Pasti kaitn tohu obai dalapm potandikan bolapat'an bonggidi'an, somuo sia' tuyut bonggidi'an. Apo bayo siku' inyo bodapat hadiah. Samo sama'an nantai, kaitn gola' bousaha hidup agatn caro inyo monyonangan Allah oca' bodapat hadiah inyo Allah onju'.

1 Korintus 3:16

Inyo gola' kaitn kotohu'i kaitn samo sama'an Rumah Allah huatan Roh Allah bodiapm di antaro kaitn somuo.

Yohanes 15:4

Kaitn gola' totap bosatu agatn Aku, lalu Aku paca'an totap bosatu agatn kaitn. Aman dahatn kinyo bosatu agatn kondukngnyo, jadi dahatn nantai culihnyo bobuah sonsiku'annyo. Ubo nian jam, kaitn culih bobuah aman kaitn co totap bosatu agatn Aku.

Titus 2:2

Ajaricam boko lolaki inyo udah tuho oca'nyo ulih monahan diri sia'. Sia' gola' sopatn ongko pintar-corodi'. Sia' gola' totap pocayo ko Yesus, mongasihi Allah ongko urakng bukai, huatan botahatn dalapm mohadapi ajab sonsaro.

Efesus 3:17

Agatn sama'an nantai Kristus hala diapm dalapm hati kaitn obai kaitn pocayo ko Sio. Kasih-Nyo monjadi dasar kohidupan kaitn huatan mombulah kaitn mongkitn kuat.

Yohanes 17:26

Aku udah mongonalan Damo Duatn ko sia'. Aku paca'an hala momadahan ko sia' mongona'i Duatn oca' kasih Duatn ko Aku totap di dalapm hati sia' huatan oca' Aku totap bosatu agatn sia'.”

Yohanes 17:23

Ia'an, Aku bosatu agatn sia' huatan Duatn bosatu agatn Aku. Nantai oca' sia' monyatu agatn sompurna. Agatn caro ubo nian, lalu boko urakng di dunia monjadi tohu obai Duatn nam inyo udah moutus Aku. Boko urakng di dunia pan monjadi tohu obai Duatn mongasihi boko urakng inyo pocayo agatn Aku, samo agatn Duatn mongasihi Aku.

Yakobus 4:4

Kaitn co sotia ko Allah samo sama'an siku' urakng inyo bomporajoan rotinyo co sotia ko pasakannyo. Kaitn gola' mongotohu'i ni'in: Boko urakng inyo moncintai kosonangan di dunia ni'in, sia' monjadi musuh Allah. Jadi, aman kaitn moncintai kosonangan di dunia ni'in, rotinyo kaitn monjadi musuh Allah.

Kolose 2:7

Kohonda'nyo kaitn totap pocayo ko Sio huatan botumbuh dalapm Sio. Kohonda'nyo kaitn botambah kuat pocayo ko somuo ajaran inyo bondar inyo udah disampaian ko kaitn. Kohonda'nyo hati kaitn hala bosukur.

Kolose 1:27

Allah honda' momadahan ko sia' obai roncana-Nyo kotakan boi' pakai' boko banso inyo bukainyo banso Yahudi. Ni'innam roncana-Nyo: Kristus ulih hidup di dalapm diri kaitn urakng inyo bukainyo urakng Yahudi. Rotinyo, kaitn ulih yakitn moharap'an obai kaitn paca'an monorima' kohormatan doi' Allah.

Kolose 1:23

Nantai paca'an tojadi aman kaitn totap pocayo ko Yesus agatn kuat. Jangan sampai kaitn tongga' pocayo. Kaitn gola' sotia huatan yakitn moharap'an obai Allah momonuhi somuo inyo Sio janjian dalapm Kabar Boi'. Memang kaitn udah mondinga' Kabar Boi' nantai. Kabar Boi' nantai udah diboritoan ko boko urakng di mono-mono. Aku ni'in, Paulus, udah monjadi polayatn inyo momboritoan Kabar Boi' nantai.

Galatia 4:19

Uai boko poana'anku. Aku ajab sonsaro agi' samo sama'an siku' urakng botina' ajab sonsaro tongahan mohidap-porut. Aku paca'an hala ajab sonsaro sampai kaitn monjadi samo sama'an Kristus.

2 Korintus 6:16

Co mungkitn Rumah Allah bohubukan agatn berhala. Allah hala ada'an di antaro kito. Jadi, kito samo sama'an Rumah umputn Allah inyo hidup. Samo sama'an pandir Allah inyo ditulis di Buku Suci, “Aku tajahan diapm di antaro sia'. Aku tajahan hidup bosamo-samo agatn sia'. Aku tajahan monjadi Allah sia'. Sia' tajahan monjadi umant-Ku.”

1 Korintus 6:19

Co tohu bai kaitn aman bukakng-tubuh kaitn masikng-masikng samo sama'an rumah pakai' Roh Allah. Huatan Roh Allah udah moonji'i Roh-Nyo pakai' bodiapm dalapm kaitn. Rotinyo kaitn bukai umputn kaitn siku' agi'.

1 Korintus 6:2

Kaitn gola' tohu obai boko urakng pocayo paca'an mohakipi dunia ni'in! Jadi kaitn tomansu' boko urakng inyo paca'an mohakipi dunia ni'in. Ongko, kaitn pan gola' mampu mohakipi boko pokaro kocit.

Yohanes 6:56

Sotiap urakng inyo bopua' isi-Ku huatan minum darah-Ku, sia' nam inyo bosatu agatn Aku huatan Aku bosatu agatn sia'.

Yohanes 6:6

(Sobondarnyo Yesus udah tohu lapo inyo paca'an Sio pulah. Apo, Sio botakutn nantai pakai' mouji Filipus.)

1 Petrus 5:9

Jadi, kaitn gola' totap pocayo kokuat pakai' molawatn Rajo Sitatn nantai. Obai, kaitn tohu obai boko somadikan soiman di soluruh dunia mondorita' jam samo sama'an kaitn jam.

Ibrani 6:8

Apo aman lakau nantai bayo mohasilan rado duri huatan boko solalakng, jadi lakau nantai co boguno. Kinyo manah am lakau nantai tajahan dihukupm Allah. Koponsuahannyo, lakau nantai tajahan dicucul habis.

1 Korintus 6:15

Co tohu bai kaitn aman bukakng-tubuh kito siku'-monyiku' samo sama'an anggota bukakng-tubuh Kristus. Obai kito anggota bukakng-tubuh Kristus, jadi kito culih monyorahan bukakng-tubuh kito ko lahukng!

Roma 1:28

Obai sia' co mooso pontikng mongonal Allah, jadi Allah mombiaran pikiran sia' monjadi rusa'. Jadi, sia' molabuhan boko hal inyo soharusnyo kinyo pantas sia' labuhan.

Titus 1:13

Pomandiran nabi nantai memang bondar! Jadi, boko urakng Kreta inyo udah dikotumbuki gola' diolikan. Olikanbo sia' agatn togas oca' kopocaya'an sia' sosuai agatn ajaran inyo bondar.

2 Timotius 3:8

Boko urakng nantai bisi pikiran inyo jahat huatan udah co pocayo agi'. Sia' molawatn ajaran inyo bondar, samo sama'an Yanes ongko Yambres molawatn Musa.

1 Timotius 2:15

Biar pan Hawa bodosa boko botina' ulih disolamant'an agatn molahiran ana'. Aman sia' hala pocayo ko Yesus, aman sia' mongasihi urakng bukai, huatan aman sia' hidup agatn caro inyo suci huatan ulih monjago dirinyo.

Kolose 2:19

Io tongga' pocayo ajaran inyo bondar mongona'i Kristus. Kristus inyo momimpitn somuo urakng pocayo samo sama'an kopala' bokuaso ko bukakng-tubuhnyo. Kopontikan bukakng-tubuh nantai diponuhi huatan bukakng-tubuh nantai totap sobuti' obai ado hubukan agatn inyo bukainyo. Kopala' nantai moatur somuonyo oca' bukakng-tubuh-Nyo botumbuh sama'an inyo dikohonda'i Allah.