2 Korintus 12:16 - Porjanjian Boharu Torjomahan Baso Dilakng Soari-ari

¹⁶ Boi'am! Kito sotuju obai aku co kalo monjadi bobatn pakai' kaitn. Apo ado urakng inyo bopikir obai aku licik ongko monipu kaitn pakai' mondapat'an untukng doi' kaitn.

2 Korintus 12:16 ပူးပေါင်းရင်းမြစ်များ

1 Tesalonika 2:5

Kaitn udah tohu koi co kalo bopandir bayo pakai' nyaman kaitn dinga'. Koi pan co kalo bototapu' pakai' bogoyap duit. Jadi Allah pan tohu mo nantai.

1 Tesalonika 2:3

Obai koi momboritoan Kabar Boi' inyo bondar. Co nyiant alasan inyo salah dalapm hati koi. Koi co moncubo ngontumbuki.

2 Korintus 12:13

Kata'an ado lou' inyo ku labuhan pakai' jomaat inyo bukai inyo kinyo ku labuhan pakai' kaitn? Conyiant jam, ongkah ado sobuti' hal ni'in: Ia'an aku co kalo monjadi bobatn pakai' kaitn. Aman kaitn moanggap hal nantai kinyo adil, amputi ku cam!

2 Korintus 7:2

Sokali agi' aku muhun, tunju'anbo obai kaitn mongasihi koi. Koi co kalo bulah salah agatn sopo pan di antaro kaitn. Koi co kalo morugian kaitn damo monipu-mongolakar kaitn pakai' mondapat'an kountukan.

2 Korintus 4:2

Apo koi co molabuhan boko porbuatan inyo momaluan inyo gola' sampai diombakan. Koi co monipu urakng timpu koi momboritoan Pomandiran Allah mongona'i Kristus. Koi pan co moncampuran ajaran inyo salah agatn pomandiran Allah nantai. Sobali'nyo, koi mongajar boko hal inyo bondar agatn torus torakng. Ubo nian polayatan koi di hadapan Allah, jadi somuo urakng ulih monilai koi dalapm hati sia' siku'.

2 Korintus 1:12

Boko somadikan, koi bangga mongona'i ni'in: Dalapm hati koi siku', koi tohu obai caro hidup koi di dunia ni'in kinyo salah, hususnyo dalapm hubukan koi agatn kaitn. Koi molabuhan boko hal agatn hati inyo tulus ongko borosih. Hati ubo nantai doi' Allah. Koi molabuhan somuonyo agatn koboi'an-Nyo, bukainyo agatn Kobijaksana'an monsio.

2 Korintus 6:8

Kadakng urakng mohormati koi, kadakng sia' mohanyam koi. Kadakng urakng momuji koi, kadakng sia' mongonjaha'i koi. Koi hala bopandir bondar, apo ado inyo bopikir obai koi monipu urakng.

2 Korintus 11:20

Kaitn siap monorima' boko urakng nantai inyo momacalan kaitn, inyo monguaso'i kaitn, inyo monipu goyap kountukan doi' kaitn, inyo ongkah bompopangkakng am, inyo mohanyam kaitn.