2 Korintus 12:1 - Porjanjian Boharu Torjomahan Baso Dilakng Soari-ari

¹ Aku hala momuji diriku, biar pan conyiant gunonyo. Watu ni'in aku momuji diriku mongona'i boko poniant'an doi' Tuhatn, watu Sio momadahan boko hal ko aku.

2 Korintus 12:1 ပူးပေါင်းရင်းမြစ်များ

Yohanes 16:7

Apo sobondarnyo, lobih boi' pakai' kaitn aman Aku botula'. Pomandiran-Ku nantai bondar! Obai, aman Aku co botula', Ponulukng kinyo datakng ko kaitn. Apo aman Aku botula', Aku paca'an moutus Ponulukng nantai ko kaitn.

Yohanes 18:14

Kayafasnam inyo kalo bopandir ko boko pomimpitn urakng Yahudi, katonyo, “Lobih boi' aman siku' urakng ja'am mati pakai' banso kito.”

Kisah Boko Rasul 18:9

Pado suatu malapm, Paulus ado poniant'an. Tuhatn bopandir ko io, “Jangan gola'! Torus ja' momboritoan Kabar Boi'. Jangan botongga' momboritoan mongona'i hal nantai.

Kisah Boko Rasul 23:11

Pas malapm nantai Tuhatn Yesus bodiritn di sopia' Paulus ongko bopandir ko io, “Jangan gola'. Kolai udah borani momboritoan mongona'i Aku di Yerusalem. Nononyo kolai gola' borani jam momboritoan mongona'i Aku di Roma.”

1 Korintus 10:23

Ado boko urakng bopikir, “Somuonyo ulih pakai' kito.” Pikiran nantai kinyo salah. Memang bondar kito hidup bebas. Apo kinyo somuo porbuatan boguno. Kinyo somuo porbuatan bulah urakng bukai monjadi lobih kuat socaro rohani.

1 Korintus 14:6

Soumpamonyo aku datakng ko kaitn ongko bopandir pakai baso roh, aku co nyiant gunonyo pakai' kaitn! Aku boguno aman monyampaian ko kaitn mongona'i boko hal inyo Allah poniant'an ko aku. Damo aku monjolasan boko hal doi' Roh Allah inyo aku kotohu'i. Damo ku monyampaian posatn-pontal doi' Allah damo mongajar sosuatu ko kaitn.

1 Korintus 6:12

Ado inyo bopikir, “Somuonyo ulih pakai' kito.” Apo ingant cam obai kinyo somuo hal boguno pakai' kito ubo nian jam pakai' urakng bukai. Jadi la'apo pan ulih mo pakai'ku, apo aku co honda' hidupku dikuaso'i la'apo pan di dunia ni'in.

2 Korintus 12:11

Aku torus momuji diri samo sama'an urakng budu. Apo kaitn momoso ku molabuhan nantai. Obai gola' kaitn am inyo momuji botulukan ku. Biar pan aku ni'in urakng inyo conyiant ado rotinyo, aku co kalah agatn boko urakng totontu nantai inyo kaitn anggap sobagai boko rasul inyo luar biaso.

2 Korintus 12:5

Aku honda' momuji urakng nantai. Apo aku co honda' momuji diriku siku' kocuali aku momuji diri mongona'i hal inyo monunju' obai aku lomah.)

2 Korintus 12:7

Tuhatn co honda' aku monjadi buhau obai boko poniant'an inyo luar biaso nantai. Nantaiam sobabnyo, aku dionji'i somacapm ponyakit sama'an duri di dalapm isiku. Ponyakit nantai ia'an alat Rajo Sitatn inyo mohontapmku oca' aku co monjadi buhau.

2 Korintus 12:9

Apo Tuhatn co molabuhan nantai. Sio momandiran ko aku, “Aku monunju'an koboi'an ko kolai. Nantai cukup bagi kolai. Obai, timpu urakng lomah, justru watu nantai kuaso-Ku bondar-bondar ulih ditiat.” Nantaiam sobabnyo aku lobih sonang momuji diri mongona'i hal inyo monunju'an kolomahanku. Obai timpu lomah, Kristus monguat'anku agatn kuaso-Nyo.

2 Korintus 8:10

Jadi, ninam pondapatku mongona'i hal nantai. Ni'in paca'an boguno pakai' kaitn: Tohutn komai, kaitn udah mula'i moonji'i sumbakan nantai. Ongko kaitn bondar-bondar ado kohonda' pakai' molabuhan nantai!

Galatia 1:12

Obai aku co monorima' borito nantai doi' monsio. Co nyiant urakng inyo moajari aku mongona'i borito nantai. Yesus Kristus siku', inyo monyatoan Kabar Boi' nantai ko aku.

Efesus 3:3

Sio momboritoan ko aku roncana-Nyo inyo komai kinyo dikotohu'i monsio. Di pucu' Aku udah monulis socaro panda' ko kaitn mongona'i hal nantai.

1 Tesalonika 4:15

Koi honda' monyampaian ko kaitn pomandiran ni'in doi' Tuhatn Yesus: boko urakng pocayo inyo ija' hidup watu Sio datakng paca'an botomu Yesus. Apo kito kinyo paca'an mondoholu'i sia' inyo udah mati.

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.