2 Korintus 11:7 - Porjanjian Boharu Torjomahan Baso Dilakng Soari-ari

⁷ Timpu aku momboritoan ko kaitn Kabar Boi' doi' Allah, aku co minto kaitn mombayarku. Kata'an nantai salah bai? Cado jam! Molabuhan lou' ubo nantai, aku morendahan diri oca' kaitn dihormati.

2 Korintus 11:7 ပူးပေါင်းရင်းမြစ်များ

Kisah Boko Rasul 20:33

Aku co kalo mongohonda'i dionji'i kodampuan ulih urakng bukai, boi' borupo pira', omas, damo pakai'an.

Kisah Boko Rasul 20:34

Kaitn siku' tohu obai aku bokorojo pakai' momonuhi somuo kopontikan aku. Aku bokorojo bulah kemah agatn bokorojo siku'. Doi' pokoroja'an nantai, aku mondapat'an cukup pakai' boko kawal inyo molayati bosamo agatn aku jam.

Roma 1:1

Surat ni'in doi' aku, Paulus, urakng inyo molayati Kristus Yesus. Aku ditingkau pakai' monjadi rasul, huatan dihususan pakai' momboritoan Kabar Boi' doi' Allah.

1 Korintus 9:12

Aman urakng bukai bohak mondapat'an kopontikan hidup nantai doi' kaitn, sobondarnyo koi lobih bohak agi' mondapat'an kopontikan hidup nantai doi' kaitn. Apo koi co kalo monuntut hak nantai. Koi totap monanggukng la'apo pan. Obai, koi co honda' bulah sosuatu inyo ulih mohalaki urakng mondinga' Kabar Boi' mongona'i Kristus.

1 Korintus 9:6

Urakng bukai inyo molayati kaitn kinyo gola' bogoyap pogota'an bukai pakai' moncukupi kopontikan hidup. Jadi, sobondarnyo aku huatan Barnabas pan bohak pakai' mondapat'an ungkus hidup soari-ari doi' kaitn.

2 Korintus 10:1

Aku ninam, Paulus, udah tohu obai ado boboropo urakng di antaro kaitn inyo bopandir bunyi ni'in: “Timpu Paulus ado bosamo agatn kito, io sabar. Io borani monogur kito bayo agatn surat timpu io jouh doi' kito.” Jadi, ni'in, aku muhun ko kaitn agatn sabar samo sama'an Kristus jam sabar ongko boi' hati.

2 Korintus 10:16

Agatn ubo nantai, koi ulih momboritoan Kabar Boi' di boko doerah bukai jam, ia'an nantai boko doerah inyo bolupm dilayati urakng bukai. Koi co gola' momuji diri agatn hasil polayatan inyo dilabuhan urakng bukai di doerah inyo Allah tontuan pakai' sia'.

2 Korintus 12:13

Kata'an ado lou' inyo ku labuhan pakai' jomaat inyo bukai inyo kinyo ku labuhan pakai' kaitn? Conyiant jam, ongkah ado sobuti' hal ni'in: Ia'an aku co kalo monjadi bobatn pakai' kaitn. Aman kaitn moanggap hal nantai kinyo adil, amputi ku cam!

2 Korintus 2:12

Timpu aku ko kota Troas pakai' momboritoan Kabar Boi' mongona'i Kristus, Tuhatn udah monunju'an jalatn pakai' molayati Sio di su'utan.

1 Tesalonika 2:9

Boko somadikan, pasti kaitn ingant kotakng kuat koi bokorojo watu koi ado bosamo agatn kaitn di Tesalonika. Koi uyuh-jorih bokorojo siakng malapm pakai' momonuhi kopontikan koi siku'. Jadi, watu koi momboritoan Kabar Boi' doi' Allah, kaitn kinyo gola' momonuhi kopontikan koi.

2 Tesalonika 3:8

Koi co kalo makatn co bobayar. Koi uyuh jorih bokorojo siakng malapm pakai' momonuhi kopontikan koi siku'. Jadi, koi co kalo mouyuhi kaitn.