2 Korintus 11:31 - Porjanjian Boharu Torjomahan Baso Dilakng Soari-ari

³¹ Allah ia'an Bopai doi' Tuhatn kito, Yesus, topuji sampai somanah-manahnyo. Sio tohu obai aku co bulah kotumbukan.

2 Korintus 11:31 ပူးပေါင်းရင်းမြစ်များ

Efesus 1:3

Topujiam Allah, ia'an Bopai doi' Yesus Kristus, Tuhatn inyo bokuaso di pucu' kito. Allah udah moonji'i ko kito somuo borokat rohani doi' sorugo dalapm Kristus.

Roma 9:5

Sia' nam koturutan Abrahapm, Ishak ongko Yakub, pombopaian angki-bayatn sia'. Pas Kristus monjadi monsio, Sio lahir sobagai koturutan urakng Israel jam. Sio bokuaso di pucu' la'apo pan. Sio nam Allah inyo cucu' dipuji somanahnyo. Amin!

1 Petrus 1:3

Topujicam Allah, ia'an Bopai doi' Yesus Kristus, Tuhatn kito. Allah udah monunju'an koboi'an-Nyo inyo luar biaso ko kito agatn caro ni'in: Sio bulah Yesus Kristus hidup agi' doi' antaro urakng mati. Molalu'i nantai, Sio moonju' kohidupan boharu ko kito samo sama'an kito hoyu' lahir. Obai nantai, hal ni'in moonji'i kito pongharapan inyo kuat.

Kolose 1:3

Sotiap kali koi bodoa pakai' kaitn, koi bosukur ko Allah. Sio nantai Bopai doi' Yesus Kristus, Tuhatn kito inyo bokuaso.

2 Korintus 1:3

Topuji cam Allah, ia'an nantai Bopai doi' Yesus Kristus, Tuhatn kito. Sio nam Bopai inyo kotakan mongasihi. Sio nam Allah inyo hala monguat'an hati kito.

Roma 15:6

Lalu, agatn satu hati ongko satu saro, kaitn bosamo-samo ulih momuji Allah, Bopai doi' Yesus Kristus, Tuhatn inyo bokuaso dipucu' kito.

Roma 1:25

Daripado pocayo Allah inyo bondar, sia' pocayo boko hal inyo kinyo bondar. Sia' monyombah huatan molayati boko hal inyo dipulah daripado monyombah Allah inyo mombulah la'apo pan nantai. Ongkah Sionam inyo soharusnyo dipuji somanah-manahnyo. Amin!

Yohanes 10:30

Aku huatan Bopai-Ku siku'mo.”

1 Timotius 6:16

Ongkah Sioam inyo co paca'an mati agi'. Sio nontapm dalapm cohayo inyo torakng. Cohayo nantai kotakan torakng sampai urakng co ulih mohampiki-Nyo. Co nyiant monsio di dunia ni'in inyo kalo moniant Sio. Monsio di dunia co mampu moniant Sio. Sio bokuaso huatan cucu' dihormati pakai' somanah-manahnyo! Amin.

1 Timotius 1:17

Marabo kito mohormati ongko momuji kobosaran Allah sampai somanah-manahnyo! Sio nanam Rajo inyo momorintah somanah-manahnyo, Allah inyo kinyo ulih ditiat huatan kinyo paca'an kalo mati. Ongkah Sio nanam Allah! Amin.

1 Timotius 1:11

Ajaran inyo bondar nantai sosuai agatn Kabar Boi' doi' Allah inyo bokuaso huatan cucu' mondapat pujian. Sio inyo moonju' tanggukng-jawab ko aku pakai' momboritoan Kabar Boi' nantai.

Efesus 3:14

Obai nantai aku tundu' monyungkapan di hadapan Allah Bopai.

2 Korintus 11:11

Hibo aku co mominto la'apo pan doi' kaitn? Kata'an obai aku co mongasihi kaitn ai? Allah udah tohu obai aku mongasihi kaitn!

2 Korintus 1:23

Jadi, aku moningkau Allah sobagai sasi inyo mongonal isi hatiku. Sio tohu obai ni'in bondar: Alasan ku co datakng ko Korintus obai aku co honda' bulah kaitn sakit hati agatn monogur kaitn.

Roma 9:1

Obai aku bosatu agatn Kristus, jadi pomandiran ku ni'in pasti bondar. Aku yakitn aku co bulah kotumbukan. Roh Allah mombulah hatiku yakitn mongona'i nantai jam.

Roma 1:9

Allah ia'an sasiku obai aku hala moingant kaitn dalapm doaku. Sionam Allah inyo aku layati agatn soponuh hati pakai' momboritoan Kabar Boi' mongona'i Ana'-Nyo.

Yohanes 20:17

Kato Yesus ko io, “Jangan moncanggapm Aku obai Aku bolupm noi' ko Bopai. Apo, botula'cam ko boko somadikan-Ku. Padahan ko sia' obai ni'in Aku paca'an botula' ko Bopai-Ku, Sio pan Bopai kaitn jam. Sio nam Allah-Ku huatan Allah kaitn jam.”

1 Tesalonika 2:5

Kaitn udah tohu koi co kalo bopandir bayo pakai' nyaman kaitn dinga'. Koi pan co kalo bototapu' pakai' bogoyap duit. Jadi Allah pan tohu mo nantai.

Galatia 1:20

Allah monjadi sasi aku. Somuo inyo aku tulisan ko kolai ni'in bondar. Aku co bulah kotumbukan.