2 Korintus 11:28 - Porjanjian Boharu Torjomahan Baso Dilakng Soari-ari

²⁸ Banya' kosusahan agi' kinyo paca'an ku sobut, solaitn ni'in: Sotiap ari aku mooso dibobati obai boko pomosalahan mongona'i somuo jomaat.

2 Korintus 11:28 ပူးပေါင်းရင်းမြစ်များ

1 Korintus 7:17

Pokoknyo, ko somuo urakng pocayo aku monosihat'i: Hidupcam dalapm koadaan inyo samo watu kaitn ditingkau Allah monjadi umat-Nyo. Niannam koadaan inyo udah ditontuan Tuhatn pakai' kaitn. Aku moajaran porintah nantai di somuo jomaat.

Roma 15:16

ia'an nantai Sio moutus aku monjadi urakng inyo molayati Kristus Yesus di antaro boko banso bukainyo banso Yahudi. Aku samo sama'an imam inyo moonju' posombahan ko Allah. Obai, aku momboritoan Kabar Boi' doi' Allah ko sia' oca' sia' ulih ditorima' Allah obai Roh Allah bulah sia' monjadi borosih doi' dosa.

Kolose 2:1

Aku honda' oca' kaitn mongotohu'i obai aku bousaha koras pakai' kaitn, huatan pakai' sia' inyo di kota Laodikia, huatan pakai' urakng bukai inyo bolupm kalo botomu aku.

Roma 16:4

Sia' kalo hampir mati obai honda' monyolamant'an hidupku. Aku botorima' kasih ko sia'. Malahan, somuo jomaat urakng bukainyo urakng Yahudi botorima' kasih ko sia'.

Roma 11:13

Ni'in, aku bopandir ko kaitn boko banso bukainyo banso Yahudi. Obai aku ninam rasul inyo molayati boko urakng bukainyo urakng Yahudi, jadi aku momuji polayatanku nantai.

Kisah Boko Rasul 18:23

Io pan monotap cukup manah di su'utn. Ongko, io botula' monjongu' agi' boko urakng pocayo di propinsi Galatia huatan Frigia. Io monulukng oca' boko somadikan nantai pocayo ko Yesus agatn lobih yakitn.

Roma 1:14

Aku mooso wajib molayati somuo urakng, ia'an urakng Yunani damo urakng doi' boko banso inyo bukainyo Yunani, urakng inyo bopondidikan damo urakng inyo co bopondidikan.

Kisah Boko Rasul 20:2

Io mondataki boko urakng pocayo di boko doerah di propinsi nantai. Io moonji'i banya' nosihat oca' sia' pocayo ko Yesus agatn lobih yakitn. Lopas nian, io botula' ko propinsi Akhaya, inyo jam disobut tanah Yunani.

Kisah Boko Rasul 15:36

Boboropo watu lopas nian, Paulus bopandir ko Barnabas, “Mara kito duo bobali' ko boko somadikan di sotiap kota inyo kalo kito dataki komai. Kito udah momboritoan mongona'i boko pomandiran Tuhatn Yesus di su'utn. Jadi, soboi'nyo kito moniant sama'an la'apo koadaan kopocaya'an sia'.”

Kisah Boko Rasul 9:31

Lopas nantai somanah boboropo watu, boko urakng inyo pocayo Yesus di soluruh doerah Yudea, doerah Galilea, huatan doerah Samaria ulih hidup agatn sonang-asau. Co nyiant inyo mondorako'i sia'. Roh Allah monulukng huatan monguat'an sia'. Obai nantai, mongkitn manah mongkitn banya' urakng inyo pocayo agatn Yesus. Sia' somuo hidup agatn ponuh oso hormat ko Tuhatn inyo bokuaso.