2 Korintus 11:25 - Porjanjian Boharu Torjomahan Baso Dilakng Soari-ari

²⁵ Tigo kali aku dipantu' agatn batakng kayu ulih boko urakng Roma. Sokali ado boko urakng inyo honda' mombunuh ku monikapm ku agatn batu. Tigo kali di lout aku karapm di kapal. Tomansu' sokali aku imba'-imbul di tongah lout soari somalapm.

2 Korintus 11:25 ပူးပေါင်းရင်းမြစ်များ

Kisah Boko Rasul 14:19

Lopas nian boboropo urakng Yahudi doi' Antiokhia huatan Ikonium datakng ko santai. Sia' moyakit'an banya' urakng di kota Listra nantai oca' kinyo pocayo agatn pomandiran Paulus. Ongko sia' monikapm Paulus agatn batu pakai' mombunuh io. Watu sia' bopikir Paulus udah mati, sia' mombuakan bukakngnyo ko luar kota nantai.

Ibrani 11:37

Sia' ditikapm agatn batu sampai mati, ado inyo disayat agatn gorgaji, ongko inyo dibunuh agatn podakng. Ado inyo kinyo ado kodiapan huatan bayo bopakaian inyo dipulah doi' kulit domba damo kulit kambikng. Sia' jaro, bouyuh-bojorih ongko didorako'i.

Kisah Boko Rasul 16:37

Apo Paulus bopandir ko boko potugas inyo datakng, “Boko pojabat kota ni'in udah monyiuh oca' koi dipoduda'an di muka' umum. Sia' momansu'an koi ko dalapm ponjara. Apo, sia' co moadili koi doholu, obai koi warga negara Roma! Ni'inan sia' honda' koi botula' socaro bototapu'. Co mungkitn! Biar sia' siku' datakng ko si'itn ongko mongoluaran koi koluar doi' ponjara!”

Kisah Boko Rasul 14:5

Boko urakng inyo molawatn Paulus ongko Barnabas, bohoupm agatn boko urakng Yahudi huatan boko pomimpitn sia' pakai' mondorako'i huatan monikapi Paulus ongko Barnabas agatn batu.

Matius 21:35

Apo boko potani ponyewa kobutn nantai monangkap boko hulutn nantai. Inyo siku' sia' pantu, inyo siku' agi' sia' bunuh, huatan inyo siku' urakng bukai agi' sia' tikapi agatn batu.

Kisah Boko Rasul 22:24

Ongko, komandatn pasukan nantai lansukng monyiuh oca' Paulus dibaba' mansu' ko dalapm markas. Io moonji'i porintah oca' Paulus diporiso kapikng dipodularan. Io honda' tohu ma'apo boko urakng banya' nantai mondorah kotakan godi agatn Paulus sama'an nantai.

Matius 20:19

Lalu sia' paca'an monyorahan Sio ko boko urakng inyo bukainyo urakng Yahudi oca' Sio dipoulu'an, disipat, dipantu' lalu dibunuh di kayu salib. Apo watu ari kotigo, Allah paca'an bulah Sio bobali' hidup agi'.”

1 Timotius 1:19

Ado boko urakng inyo monula' saro hati sia' ongko ajaran inyo bondar. Baba'annyo, sia' kinyo bondar-bondar pocayo agi' agatn Yesus.