2 Korintus 11:20 - Porjanjian Boharu Torjomahan Baso Dilakng Soari-ari

²⁰ Kaitn siap monorima' boko urakng nantai inyo momacalan kaitn, inyo monguaso'i kaitn, inyo monipu goyap kountukan doi' kaitn, inyo ongkah bompopangkakng am, inyo mohanyam kaitn.

2 Korintus 11:20 ပူးပေါင်းရင်းမြစ်များ

Markus 12:40

Sia' monipu boko botina' balu ongko morampas rumah sia'. Sia' moucap'an doa inyo kotakng panjakng, apo nantai bayo pompadah mo. Obai somuo porbuatan sia' inyo jahat nantai, Allah pasti tajahan mohukupm sia' lobih borat!”

Lukas 6:29

Aman urakng monompilikng pipi kiba' kaitn biaran io monompilikng pipi kanan kaitn jam. Huatan aman urakng monguti' jubah kaitn onju' jam baju kaitn.

1 Korintus 4:11

Malahan sampai watu ni'in, koi kolaparan ongko korahakan. Pakai'an inyo koi kona'an udah buru'am. Koi hala dipoduda'an. Koi co nyiant kodiapan obai hala bojalatn konuang-konaing momboritoan Kabar Boi'.

2 Korintus 1:24

Aku co bomasud obai koi honda' momoso lapo inyo gola' kaitn pocayo. Obai, koi tohu kaitn pocayo agatn kuat ko Kristus. Apo, inyo ku masud ia'an koi honda' bokorojo samo oca' bulah kaitn bondar-bondar sonang-nyaman.

2 Korintus 10:5

Musuh koi mombaba' ajaran inyo salah. Apo, koi mongalahan somuo nantai. Urakng inyo buhau bulah pagar inyo kotakan tinggi inyo mohalaki monsio mongonal Allah. Apo koi morobahan somuo nantai. Urakng ado pikiraninyo kinyo boi'. Apo, koi monangkap somuo pikiran nantai ongko mongajar oca' monsio monaati Kristus.

2 Korintus 11:3

Apo aku gola' kaitn paca'an ditipu, samo sama'an joman komai Hawa ditipu ular inyo licik nantai, ia'an Rajo Sitatn. Aman ubo nian, kaitn paca'an monjadi sosat huatan kinyo bobondar sotia ko Kristus.

2 Korintus 12:16

Boi'am! Kito sotuju obai aku co kalo monjadi bobatn pakai' kaitn. Apo ado urakng inyo bopikir obai aku licik ongko monipu kaitn pakai' mondapat'an untukng doi' kaitn.

Galatia 2:4

Memang ado boko urakng inyo monyosahan oca' urakng inyo pocayo agatn Yesus gola' disunant. Apo sia' inyo monyosahan nantai kinyo bondar-bondar pocayo agatn Yesus. Sia' mansu' dalapm kolompok kito socaro bokokolit. Sia' honda' mohalaki caro hidup kito inyo bebas doi' koharusan pakai' monaati Hukupm Torat. Kito bebas doi' nantai obai kito disolamant'an ulih mo Yesus Kristus. Apo sobondarnyo, sia' honda' oca' kito jam gola' monaati Hukupm Torat samo sama'an siku' urakng hulutn gola' monaati habakngnyo.

Galatia 4:3

Ubo nian jam agatn kito. Komai, kito sama'an bobia' inyo ija' kocit obai kito dikuaso'i boko poraturan doi' bomacapm-macapm agama di dunia ni'in.

Galatia 4:9

Apo ni'in kaitn udah ado hubukan agatn Allah. Kata'an lobih topat aman aku mongatoan obai Allah inyo bulah hubukan agatn kaitn. Obai nantai, jangan bobali' agi' monaati boko roh dunia inyo co bokuaso huatan co nyiant gunonyo. Jangan monjadi boko hulutn sia'.

Galatia 5:1

Kristus udah mombebasan kito oca' kito bondar-bondar bebas. Obai nantai am, jangan bobali' agi' samo sama'an hulutn inyo gola' momikul bobatn.

Galatia 5:10

Apo Tuhatn bulahku yakitn obai kaitn kinyo paca'an pocayo ko ajaran inyo bukainyo doi' ajaranku. Allah paca'an mohukupm sopo pan urakngnyo inyo mongacauan pikiran kaitn.

Galatia 6:12

Ado boko urakng inyo honda' mompangkakan kohebatan diri siku' dalapm boko hal inyo kotiat'an. Sia' nantaiam inyo bousaha momoso kaitn pakai' bosunant oca' kaitn ulih disolamant'an, bukainyo bayo obai Kristus mati di kayu salib. Sia' molabuhan nantai oca' sia' kinyo didorako'i boko urakng yahudi.

Filipi 3:19

Ponjadi'nyo, boko urakng nantai tajahan bonaso. Sia' hidup monuruti kohonda' tubuh sia' siku' daripado hidup monuruti kohonda' Allah. Sia' bangga mongona'i boko porbuatan sia' inyo jahat inyo soharusnyo mombulah sia' malu. Sia' bayo bopikir mongona'i boko hal di dunia ni'in mo.

1 Tesalonika 2:5

Kaitn udah tohu koi co kalo bopandir bayo pakai' nyaman kaitn dinga'. Koi pan co kalo bototapu' pakai' bogoyap duit. Jadi Allah pan tohu mo nantai.