2 Korintus 11:16 - Porjanjian Boharu Torjomahan Baso Dilakng Soari-ari

¹⁶ Samo agatn ku pandiran tontai: Jangan ado urakng inyo moanggap aku budu. Apo aman kaitn moanggap aku budu, aku muhun kaitn monorima' aku sobagai urakng inyo budu. Agatn ubo nantai, aku ulih sodikit momuji diri.

2 Korintus 11:16 ပူးပေါင်းရင်းမြစ်များ

2 Korintus 11:1

Apo, aku muhun kaitn sabar agatn aku obai aku gola' sodikit bopandir ubo urakng budu inyo momuji dirinyo siku'. Memang kaitn sabar agatn aku.

2 Korintus 11:19

Samo sama'an kaitn siap monorima' boko urakng inyo budu nantai. Timpu kaitn monorima' sia', kaitn bopikir kaitn kotakan bijaksana.

2 Korintus 12:1

Aku hala momuji diriku, biar pan conyiant gunonyo. Watu ni'in aku momuji diriku mongona'i boko poniant'an doi' Tuhatn, watu Sio momadahan boko hal ko aku.

2 Korintus 12:11

Aku torus momuji diri samo sama'an urakng budu. Apo kaitn momoso ku molabuhan nantai. Obai gola' kaitn am inyo momuji botulukan ku. Biar pan aku ni'in urakng inyo conyiant ado rotinyo, aku co kalah agatn boko urakng totontu nantai inyo kaitn anggap sobagai boko rasul inyo luar biaso.

2 Korintus 12:6

Umpamonyo aku totap honda' momuji diri, nantai kinyo boroti aku urakng inyo budu. Obai, aku ulih momuji diri mongona'i hal inyo bondar. Apo cuku molabuhan nantai oca' jangan ado urakng inyo bopikir aku kotakan hebat obai poniant'an nantai. Aku honda' oca' sia' bayo monilaiku bodasaran lapo inyo sia' tiat ku labuhan ongko lapo inyo sia' dinga' inyo ku pandiran. Kinyo lobih doi' nantai.

2 Korintus 5:13

Aman ado urakng inyo moanggap koi gogilo, co apomo, obai porbuatan koi pakai' molayati Allah. Aman ado urakng inyo moanggap koi pintar corodi', nantai pakai' molayati kaitn.