2 Korintus 11:10 - Porjanjian Boharu Torjomahan Baso Dilakng Soari-ari

¹⁰ Aku bangga obai aku co gola' minto la'apo pan doi' kaitn. Conyiant siku' urakng pan di soluruh doerah Akhaya inyo paca'an mohalaki ku momadahan mongona'i kobanggaanku nantai. Hal nantai kotakng bondar am samo sama'an ajaranku mongona'i Kristus bondar.

2 Korintus 11:10 ပူးပေါင်းရင်းမြစ်များ

Kisah Boko Rasul 18:12

Pado watu Paulus ija' di kota Korintus, pomorintah Romawi moangkat Galio monjadi gubernur propinsi Akhaya nantai. Watu nantai, boko urakng Yahudi bosamo-samo molawatn Paulus. Sia' mombaba' io ko pohadapan Galio pakai' diadili.

Kisah Boko Rasul 18:27

Boboropo watu lopas nantai, Apolos honda' botula' ko propinsi Akhaya. Jadi boko urakng pocayo di Efesus honda' monulukng io. Sia' monulis surat ko boko urakng pocayo di su'utn oca' io ditorima' agatn boi'. Di Akhaya, ado boko urakng inyo pocayo Yesus obai Allah monunju'an koboi'an-Nyo ko sia'. Watu Apolos sampai di su'utn, io sangant monulukng sia'.

Roma 1:9

Allah ia'an sasiku obai aku hala moingant kaitn dalapm doaku. Sionam Allah inyo aku layati agatn soponuh hati pakai' momboritoan Kabar Boi' mongona'i Ana'-Nyo.

Roma 16:5

Sampaian salapm jam ko jomaat inyo bokumpul di rumah sia'. Salapm ko Epenetus, somadikan inyo ku kasihi. Io nam urakng inyo potamo di doerah Asia inyo monjadi pocayo ko Kristus.

Roma 9:1

Obai aku bosatu agatn Kristus, jadi pomandiran ku ni'in pasti bondar. Aku yakitn aku co bulah kotumbukan. Roh Allah mombulah hatiku yakitn mongona'i nantai jam.

1 Korintus 16:15

Boko somadikan, kaitn mongotohu'i Stefanus huatan koluarganyo. Sia' nantai boko urakng potamo di doerah Akhaya inyo pocayo ko Yesus. Sia' jam bousaha monulukng urakng bukai inyo pocayo. Jadi, aku momuhun oca' kaitn

2 Korintus 1:1

Surat ni'in doi' ku, Paulus. Aku dipilih pakai' monjadi rasul Kristus Yesus obai nantai kohonda' Allah. Salapm jam doi' Timotius, somadikan kito. Surat ni'in pakai' jomaat Allah di kota Korintus ongko somuo urakng inyo husus umputn Allah di somuo propinsi Akhaya.

2 Korintus 1:23

Jadi, aku moningkau Allah sobagai sasi inyo mongonal isi hatiku. Sio tohu obai ni'in bondar: Alasan ku co datakng ko Korintus obai aku co honda' bulah kaitn sakit hati agatn monogur kaitn.

2 Korintus 10:15

Koi co momuji diri agatn polayatan inyo urakng bukai labuhan di luar batas inyo Allah tontuan pakai' koi. Apo, koi momuji mongona'i polayatan koi di antaro kaitn. Polayatan nantai ija' dalapm batas inyo Allah tontuan pakai' koi. Koi boharap obai kaitn mongkitn kuat pocayo ko Kristus. Ongko obai nantai, kaitn paca'an lobih mohormati koi.

2 Korintus 11:12

Apo ninam alasan ku co kalo minto duit doi' kaitn samo sama'an boko urakng totontu nantai: Ia'an nantai, oca' sia' conyiant kosompatan pakai' momuji diri agatn bopandir sia' samo sama'an koi.

2 Korintus 11:31

Allah ia'an Bopai doi' Tuhatn kito, Yesus, topuji sampai somanah-manahnyo. Sio tohu obai aku co bulah kotumbukan.

2 Korintus 12:19

Somanahan ni'in, kaitn bopikir obai koi bousaha mombela diri tohadap kaitn. Apo, boko somadikan inyo ku kasihi, sobondarnyo ninam tujuan koi: (Koi mongatoan ni'in di hadapan Allah ongko sobagai urakng inyo hidup di dalapm Kristus.) Somuo inyo koi labuhan ia'an pakai' monulukng kaitn somongkitn kuat pocayo agatn Tuhatn.

2 Korintus 9:2

Obai, aku udah tohu kaitn bondar-bondar honda' moonji'i sumbakan pakai' nantai. Dalapm hal nantai, ko boko urakng di propinsi Makedonia Aku momuji kaitn. Aku momadahannyo ko sia' obai kaitn di propinsi Akhaya udah siap moonji'i sumbakan doi' tohutn komai. Jadi, somangant kaitn mombulah banya' doi' sia' honda' moonji'i sumbakan jam.

Galatia 1:20

Allah monjadi sasi aku. Somuo inyo aku tulisan ko kolai ni'in bondar. Aku co bulah kotumbukan.

Galatia 2:20

Obai aku kinyo hidup agi' agatn caro sama'an komai. Ni'in, Kristus monontuan caro hidupku. Aku hidup di dunia ni'in agatn caro boharu obai aku pocayo ko Sio. Sio nantai Ana' Allah inyo kotakan mongasihi aku. Sio monyorahan diri-Nyo sampai mati sobagai kurbatn inyo monggonti'i aku.

1 Tesalonika 2:10

Watu koi bosamo agatn kaitn inyo pocayo agatn Yesus, kaitn udah moniant agatn mato siku' caro hidup koi. Allah udah moniant jam. Koi hidup pakai' monyonangan Allah, co molabuhan kosalahan. Koi hala molabuhan inyo bondar.

1 Tesalonika 2:5

Kaitn udah tohu koi co kalo bopandir bayo pakai' nyaman kaitn dinga'. Koi pan co kalo bototapu' pakai' bogoyap duit. Jadi Allah pan tohu mo nantai.

1 Timotius 2:7

Nianam Kabar Boi' inyo gola' aku boritoan. Nantaiam alasannyo aku diutus monjadi rasul pakai' momboritoannyo. Pomandiran aku ni'in bondar. Aku co bulah tumbukan. Aku dipilih pakai' mongajar boko urakng inyo bukainyo urakng Yahudi oca' sia' tohu la'apo inyo bondar mongona'i Yesus.