2 Korintus 10:18 - Porjanjian Boharu Torjomahan Baso Dilakng Soari-ari

¹⁸ Obai, urakng inyo bondar-bondar cucu' dipuji ia'an urakng inyo dipuji Tuhatn, bukainyo urakng inyo momuji dirinyo siku'.

2 Korintus 10:18 ပူးပေါင်းရင်းမြစ်များ

Lukas 16:15

Apo Yesus bopandir ko sia', “Kaitn bousaha oca' di hadapan urakng bukai kaitn kotiat'annyo boi' huatan hala bondar. Apo Allah tohu isi hati kaitn inyo sobondarnyo jahat. Banyaꞌ hal inyo dirogo'i ulih monsio, kinyo dirogo'i ulih Allah.

1 Korintus 4:5

Obai nianam, jangan kaitn monilai boko urakng bukai. Tantian sampai Yesus datakng. Sio paca'an monoraki la'apo inyo diombakan di dalapm potakng. Sio paca'an moniant'an somuo pikiran inyo ado dalapm hati sotiap urakng. Ongko, Allah inyo paca'an momuji sia' sosuai agatn polayatan sia' siku'-monyiku'.

Roma 2:29

Sobali'nyo, urakng inyo bondar-bondar Yahudi ia'an urakng inyo hatinyo bojiwa Yahudi; huatan urakng inyo bondar-bondar disunant ia'an sunant di hati inyo dikorojoan ulih Roh Allah, bukainyo ditulis dalapm buku. Urakng sama'an nian monorima' pujian doi' Allah, bukainyo doi' monsio.

2 Korintus 10:12

Ado boko urakng totontu inyo momuji diri sia' siku'. Soandainyo sia' memang hebat, koi co borani mongatoan diri koi samo hebat sama'an sia'. Apo sobondarnyo sia' budu. Obai, sia' ongkah mombandikan dirinyo agatn diri sia' siku'. Sia' momakai ponilaian sia' siku' monganggap dirinyo hebat.

Yohanes 12:43

Sia' lobih sonang dihormati boko monsio, daripado dihormati Allah.

1 Petrus 1:7

Tujuan doi' somuo kosusahan nantai ia'an pakai' mombutian aman kaitn bondar-bondar pocayo ko Tuhatn kata'an cadoai. Kopocaya'an kaitn nantai lobih borogo daripado omas. Biar pan kinyo tahatn somanahnyo, omas pan diuji agatn api pakai' mombutian aman omas nian murni kata'an cado. Jadi, kopocaya'an kaitn pan diuji jam. Agatn ubo nantai, aman kaitn bobondar pocayo, nononyo kaitn tajahannyo dipuji, dimuliaan, ongko dihormati, nantai tajahannyo tojadi watu Yesus Kristus datakng agi' monyatoan diri-Nyo.

2 Korintus 13:7

Koi bodoa ko Allah oca' kaitn jangan bulah kojahatan. Nantai bukainyo pakai' mombutian obai koi memang lulus ujian sobagai rasul Kristus. Nantai bukainyo tujuan koi. Tujuan koi ia'an oca' kaitn bulah koboi'an, monjumpati ajaran inyo bondar. Ongko biar pan kotiat'annyo koi co lulus ujian kinyo apo-apo.

2 Korintus 6:4

Apo, dalapm somuo la'apo pan inyo koi pulah, koi monunju'an obai koi ninam boko urakng inyo molayati Allah. Ia'an nantai, koi hala sabar mohadapi bomacapm pondorita'an.

Roma 14:18

Urakng inyo molayati Kristus agatn caro hidup ubo nantai, io monyonangan Allah ongko dihormati monsio.

2 Timotius 2:15

Bousahacam oca' Allah moanggap kolai siku' urakng inyo rajitn bokorojo. Jadicam siku' urakng pogai inyo kinyo gola' malu obai somuo pokoroja'annyo boi'. Ajarancam agatn topat ajaran inyo bondar.

2 Korintus 5:12

Koi co bogoyap pujian doi' kaitn. Apo, koi honda' moonji'i alasan inyo boi' ko kaitn pakai' momuji koi di hadapan boko urakng inyo biaso momuji diri mongona'i boko hal inyo kotiat'an, bukainyo mongona'i hati.

2 Korintus 3:1

Jangan bopikir koi mula'i momuji diri koi siku'. Boko urakng bukai nantai pontikng surat inyo momuji koboi'an sia' oca' kaitn pocayo ko sia'. Damo sia' pontikng surat doi' kaitn oca' urakng bukai pocayo sia'. Apo koi samo sokali co pontikng surat nantai.

1 Korintus 11:19

Memang gola' ado popisahan di antaro kaitn. Alasannyo oca' nononyo paca'an jolas sopo di antaro kaitn inyo tahatn uji.

Roma 16:10

Salapm ko Apeles. Io kalo diuji ongko monunju'an obai io totap sotia ko Kristus. Salapm ko koluarga Aristobulus ongko somuo urakng inyo diapm di rumahnyo.

Kisah Boko Rasul 2:22

Petrus molajuan pandirnyo, Watu ni'in boko somadikanku urakng Israel, dinga'an pomandiranku ni'in. Yesus doi' laman Nazaret diutus ulih Allah. Allah udah mombutian nantai obai Allah molabuhan somuo macapm mujisat di tongah-tongah kaitn somuo molalu'i Sio. Kaitn udah mongotohu'i nantai.