2 Korintus 10:15 - Porjanjian Boharu Torjomahan Baso Dilakng Soari-ari

¹⁵ Koi co momuji diri agatn polayatan inyo urakng bukai labuhan di luar batas inyo Allah tontuan pakai' koi. Apo, koi momuji mongona'i polayatan koi di antaro kaitn. Polayatan nantai ija' dalapm batas inyo Allah tontuan pakai' koi. Koi boharap obai kaitn mongkitn kuat pocayo ko Kristus. Ongko obai nantai, kaitn paca'an lobih mohormati koi.

2 Korintus 10:15 ပူးပေါင်းရင်းမြစ်များ

Roma 15:20

Aku hala honda' momboritoan di boko tompat inyo bolupm kalo urakng konal agatn damo Kristus. Obai, aku co honda' monorusan polayatan inyo udah dimula'i urakng bukai.

2 Tesalonika 1:3

Boko somadikan, koi bosukur ko Allah obai kaitn. Cucu' mo koi bosukur obai kaitn mongkitn kuat pocayo ko Yesus. Somuo kaitn pan mongkitn mongasihi siku'-monyiku'.

2 Korintus 10:13

Apo koi co ubo nian. Koi co momuji diri lobih doi' batasnyo. Koi co momuji diri agatn polayatan urakng bukai di doerah bukai. Koi bayo momuji mongona'i polayatan inyo Allah onju' ko koiam. Polayatan nantai tomansu' polayatan koi di antaro kaitn!

Kisah Boko Rasul 5:13

Boko urakng bukai inyo bolupm pocayo agatn Yesus kinyo borani bogabukng agatn sia', apo banya' urakng mohormati sia'.