2 Korintus 10:1 - Porjanjian Boharu Torjomahan Baso Dilakng Soari-ari

¹ Aku ninam, Paulus, udah tohu obai ado boboropo urakng di antaro kaitn inyo bopandir bunyi ni'in: “Timpu Paulus ado bosamo agatn kito, io sabar. Io borani monogur kito bayo agatn surat timpu io jouh doi' kito.” Jadi, ni'in, aku muhun ko kaitn agatn sabar samo sama'an Kristus jam sabar ongko boi' hati.

2 Korintus 10:1 ပူးပေါင်းရင်းမြစ်များ

2 Korintus 10:10

Aku tohu ado urakng inyo bopandir, “Dalapm boko suratnyo, Paulus momakai pomandiran inyo togas huatan koras. Apo timpu io ada'an samo agatn kito, sikapnyo lomah, huatan io kinyo pandai bopandir.”

Matius 11:29

Tuyut'i cam porintah-Ku. Bolajarcam doi' Aku, obai Aku lomah-lombut huatan rondah hati. Aman kaitn molabuhan nantai, ongko jiwa kaitn paca'an mooso sonang.

Galatia 5:2

Aku, Paulus, inyo bopandir ko kaitn. Dinga'ancam pomandiranku! Aman kaitn disunant, jadi komatian Kristus pakai' kaitn kinyo paca'an boguno.

Roma 12:1

Obai somuonyo nantai, boko somadikan, ni'in aku kotakan muhun ko kaitn: Obai Allah monunju'an kasih-Nyo ko kaitn, jadi kaitn gola' monyorahan diri kaitn ko Sio samo sama'an kurbatn posombahan inyo hidup. Kaitn gola' hidup agatn caro inyo borosih doi' dosa ongko monyonangan Sio. Nianam caro inyo bondar pakai' monyombah Sio.

2 Korintus 11:30

Aman aku toposo momuji diri, jadi aku paca'an momuji diri mongona'i hal inyo monunju'an kolomahanku.

1 Korintus 2:3

Somanahan aku bosamo agatn kaitn, aku lomah. Aku bogogora' obai gola'.

Wahyu 1:9

Aku, Yohanes, somadikan kaitn inyo sonasib agatn kaitn, inyo bosamo ajab sonsaro agatn warga Koraja'an Allah, huatan bosamo botahatn mohadapi ajab sonsaro kapikng monantian Yesus. Aku udah momboritoan Pomandiran doi' Allah ongko boko hal inyo Yesus padahan ko aku. Obai nantaiam, aku dibuakan ko sobuah pulau inyo bodamoan Patmos.

1 Petrus 2:11

Boko somadikan inyo ku kasihi. Kaitn samo sama'an urakng asikng diapm somontaro mo di dunia ni'in. Jadi, aku bondar-bondar momuhun ko kaitn oca' jangan monuruti boko kohonda' bukakng-tubuh inyo jahat. Somuo kohonda' nantai boparakng molawatn hati kaitn.

Filemon 1:9

Apo, obai aku mongasihi kolai, soboi'nyo aku mominto ja'am. (Aku, Paulus, udah tuhoam ongkopan ni'in tongahan ditahatn dalapm ponjara obai Kristus Yesus.)

2 Tesalonika 3:17

Salapm doi' aku, Paulus. Aku monulis salapm ni'in agatn jariku siku'. Aku momakai caro ni'in dalapm sotiap suratku oca' kaitn tohu surat ni'in ia'an tulisanku.

Efesus 4:1

Obai nantai, sama'an ni'inan nosihat doi' ku, ia'an aku inyo ditamoan ko dalapm ponjara obai aku molayati Tuhatn Yesus. Kaitn udah ditingkau monjadi umant Allah. Jadi, aku muhun oca' kaitn hidup agatn caro inyo cucu' pakai' boko urakng inyo ditingkau sama'an nantai.

Galatia 4:13

Pasti kaitn ija' ingant potamo kali aku datakng ko kaitn. Aku sampat momboritoan Kabar Boi' ko kaitn obai bukakng-tubuhku boponyakit.

2 Korintus 12:5

Aku honda' momuji urakng nantai. Apo aku co honda' momuji diriku siku' kocuali aku momuji diri mongona'i hal inyo monunju' obai aku lomah.)

2 Korintus 11:21

Koi co boulahan kaitn ubo nian. Dalapm hal sama'an nantai koi memang lomah. Apo aman boko urakng totontu nantai borani momuji diri sia' jadi aku pan borani jam. (Rotinyo aku bopandir samo sama'an urakng inyo budu!)

2 Korintus 10:7

Kaitn gola' bopikir boboi' mongona'i lapo inyo kaitn kotohu'i. Aman ado urakng inyo yakitn mongotohu'i obai io nam umputn Kristus, urakng nian gola' mongotohu'i ni'in: Koi pan umputn Kristus jam samo sama'an io jam.

2 Korintus 10:2

Aku muhun agatn kaitn: Jangan momoso ku monunju'an obai aku borani monogur kaitn agatn koras timpu aku ado bosamo agatn kaitn nononyo. Aku bopikir gola' molabuhan samo sama'an nantai tohadap boko urakng totontu nantai inyo monyangko obai caro hidup koi ongkah monuruti kohonda' monsio.

2 Korintus 7:4

Aku borani bopandir ko kaitn agatn torus-torakng. Apo, aku pan bangga bondar agatn kaitn. Biar pan koi mohadapi banya' pondorita'an, kaitn kotakan monguat'an hati koi. Jadi, hati koi kotakan sonang-nyaman.

2 Korintus 6:1

Sobagai urakng inyo bokorojo samo agatn Allah, jadi koi muhun ko kaitn: Jangannam bulah koboi'an Allah nantai monjadi sia-sia.

2 Korintus 5:20

Koi ni'in ia'an boko utusan Kristus. Molalu'i koi Allah siku' tontu-sama'an inyo moningkau urakng. Jadi, atas damo Kristus, koi momuhun, “Bodamaicam agi' agatn Allah.”

2 Korintus 3:12

Obai koi yakitn moharap'an mongona'i hal nantai, jadi koi borani momboritoan mongona'i Pojanjian Boharu nantai.

1 Korintus 4:10

Sama'annyo koi budu obai koi molayati Kristus. Apo kaitn bokopintar-corodi'an obai kaitn pocayo ko Kristus. Koi lomah. Apo, kaitn kuat. Koi kinyo cucu' dihormati. Apo kaitn tohormat.

Roma 15:15

Apo, aku totap borani monulis agatn torus-torakng pakai' moingant'an mongona'i boboropo hal. Aku borani monulis somuo nantai obai Allah udah monunju'an kasih-Nyo ko aku,

Roma 10:20

Solaitn nantai pan, nabi Yesaya borani momadahan pomandiran Allah ni'in, “Aku mombulah oca' boko urakng inyo kinyo monggoyapi Aku udah mongonal Aku. Boko monsio inyo kinyo botakutn mongona'i sopo Aku, Aku udah moniant'an diri-Ku ko sia'.”

Kisah Boko Rasul 8:32

Bagian Buku Suci inyo dibaco pojabat nantai dinga' ni'innan: “Sio dibaba' pakai' dibunuh samo ubo siku' domba dibaba' pakai' disombolih. Apo Sio nantai co mongatoan la'apo pan samo ubo siku' domba kinyo bosaro timpu urakng mongguntikng bulunyo.

Matius 21:5

“Padahan ko boko pondudu' di kota Yerusalem, ‘Porotiancam, Rajo kaitn tongahan datakng ko kaitn! Sio lomah-lombut. Sio monunggakng koledai botina', ongko siku' ana' koledai inyo muda'.’ ”

1 Korintus 4:21

Watu aku datakng, kaitn honda' la'apo? Honda' aku datakng agatn mombaba' ponyipat? Kata'an kaitn honda' aku datakng agatn lomah-lombut monunju'an aku mongasihi kaitn?

Efesus 3:1

Nantaiam sobabnyo aku, Paulus ditamoan ko dalapm ponjara obai molayati Kristus Yesus momboritoan Kabar Boi' ko kaitn boko urakng bukainyo urakng Yahudi. Obai aku molabuhan nantai, jadi aku

Filipi 4:5

Honda'nyo somuo urakng ulih moniant sikap kaitn inyo boi' hati. Ingant! Tuhatn Yesus kinyo manah agi' datakng am.

Kolose 1:23

Nantai paca'an tojadi aman kaitn totap pocayo ko Yesus agatn kuat. Jangan sampai kaitn tongga' pocayo. Kaitn gola' sotia huatan yakitn moharap'an obai Allah momonuhi somuo inyo Sio janjian dalapm Kabar Boi'. Memang kaitn udah mondinga' Kabar Boi' nantai. Kabar Boi' nantai udah diboritoan ko boko urakng di mono-mono. Aku ni'in, Paulus, udah monjadi polayatn inyo momboritoan Kabar Boi' nantai.

Filemon 1:19

Aku, Paulus, monulis ni'in agatn jariku siku' pakai' monjaminnyo: “Aku tajahan molunasinyo nantai.” (Apo, jangan tongkolupatn kolai bohutakng agatn aku ia'an nantai kohidupan kolai inyo boharu dalapm Yesus Kristus.)