2 Korintus 1:9 - Porjanjian Boharu Torjomahan Baso Dilakng Soari-ari

⁹ Memang nantai porasa'an koi, samo agatn koi dihukupm mati. Apo pondorita'an nantai tojadi oca' koi jangan bompajakan kokuatan diri koi siku', apo bompajakan Allah inyo bulah urakng mati bobali' hidup agi'.

2 Korintus 1:9 ပူးပေါင်းရင်းမြစ်များ

2 Korintus 3:5

Aku co bomasud obai koi ado komampuan siku' inyo bulah koi sanggup molabuhan polayatan ni'in. Apo, koi sanggup obai kuaso Allah.

Ibrani 11:19

Apo Abrahapm totap rela momposombahan ana'nyo obai io pocayo Allah bokuaso mombulah Ishak hidup agi' doi' komatian. Jadi, ulih dikatoan Abrahapm udah monorima' Ishak bobali' doi' komatian.

2 Korintus 4:7

Kabar Boi' mongona'i Kristus inyo kotakan borogo nantai koi baba' dalapm diri koi inyo kinyo borogo, inyo dipulah doi' tanah. Agatn ubo nantai oca' nyata obai kuaso inyo luar biaso nantai boasal doi' Allah, bukainyo doi' diri koi siku'.

Lukas 18:9

Di santai ado boboropo urakng inyo buhau. Sia' yakitn obai diri sia' siku' bondar. Sia' pan ngombabahan urakng bukai. Jadi, Yesus bokisah agatn sia',

Roma 8:36

Ado inyo totulis dalapm Buku Suci: “Obai koi pocayo ko Duatn, jadi sotiap ari boko urakng honda' mombunuh koi. Koi samo sama'an boko domba inyo tajahan disombolih.”

2 Korintus 1:8

Boko somadikan, kohonda' koi oca' kaitn mongotohu'i mongona'i pondorita'an inyo koi alapi di propinsi Asia Kocit. Pondorita'an nantai kotakng borat sampai koi co sanggup botahatn. Koi putus asa, osonyo honda' mati ja'am.

2 Korintus 1:10

Sio udah monyolamant'an koi doi' bohayo komatian nantai. Sio pan paca'an torus monyolamant'an koi. Koi yakitn ongko boharap ko Sio obai Sio paca'an monyolamant'an koi agi'.