2 Korintus 1:21 - Porjanjian Boharu Torjomahan Baso Dilakng Soari-ari

²¹ Allah inyo bulah koi ongko kaitn kuat bosatu agatn Kristus. Sio jam inyo momilih kito.

2 Korintus 1:21 ပူးပေါင်းရင်းမြစ်များ

1 Yohanes 2:27

Apo kaitn udah monorima' Roh Allah doi' Yesus Kristus. Roh Allah totap ado di kaitn. Obai nantai, kaitn kinyo pontikng diajari urakng bukai. Roh Allahmo moajari kaitn mongona'i boko la'apo pan. Ajaran-Nyo bondar, kinyo tumbukan. Jadi, sosuai agatn lapo inyo Sio ajaran ko kaitn komai, kohonda'nyo kaitn totap hidup bosatu agatn Kristus.

1 Yohanes 2:20

Apo kaitn udah monorima' Roh Allah doi' Sio Inyo Kudus. Nantai obainyo kaitn somuo mongotohu'i inyo bondar.

1 Petrus 5:10

Apo, pondorita'an nantai sotogalmo. Allah siku' paca'an bulah hidup kaitn monjadi sompurna. Sio pasti mohibur kaitn huatan bulah kaitn botahatn. Sio pasti monulukng kaitn oca' kaitn ulih pocayo agatn kuat. Sio inyo hala monunju'an koboi'an-Nyo. Sio bokuaso pakai' somanah-manahnyo, huatan Sio udah moningkau kaitn oca' mondapat bagian doi' kuaso-Nyo nantai obai kaitn pocayo ko Kristus.

Roma 8:9

Apo kaitn kinyo hidup monuruti kohonda' monsio. Kaitn tajahan hidup monuruti Roh Allah, aman Roh Allah ado di dalapm diri kaitn. Aman Roh Kristus kinyo diapm di dalapm diri monsio, rotinyo urakng nian bukainyo umputn Kristus.

2 Tesalonika 3:3

Apo Tuhatn Yesus hala sotia. Sio paca'an monguat'an hati kaitn. Sio paca'an molinduki kaitn doi' Rajo Sitatn.

Kisah Boko Rasul 10:38

Yesus mula'i polayatan-Nyo. Yesus boasal doi' kota Nazaret. Sio mula'i polayatan-Nyo di doerah Galilea. Allah moonji'i Roh-Nyo ko Yesus. Allah jam moonji'i kuaso ko Sio. Jadi, Yesus botula' ko mono-mono, molabuhan boko hal inyo boi', Sio monundukng boko roh jahat doi' urakng banya'. Sio ulih molabuhan somuo macapm mujisat obai Allah ado bosamo agatn Sio.

2 Tesalonika 2:8

Hoyu' pado watu nantai Rajo inyo kotakng jahat nantai paca'an datakng. Apo, nono somuo kuasonyo paca'an dikalahan Yesus, Tuhatn di pucu' somuo hal. Yesus paca'an datakng agatn kuaso-Nyo. Yesus paca'an mombunuhnyo agatn pomandiran-Nyo mo.

2 Korintus 5:5

Allah siku' inyo monyiap'an kito pakai' nantai. Sio moonju' Roh-Nyo ko kito sobagai jaminan obai Sio tajahan moonju' ko kito somuo inyo Sio janjian.

Yohanes 3:34

Obai urakng inyo diutus Allah monyampaian boko pomandiran Allah, obai Roh Allah udah dionju' ko Sio soponuhnyo.

Wahyu 3:18

Obai nantai, Aku momadahi kaitn oca' momboli omas doi' Aku, omas inyo udah dimurnian dalapm api. Kaitn gola' molabuhan nantai oca' kaitn bondar-bondar monjadi dampu. Bolicam pakai'an putih doi' Aku oca' kaitn bopakaian, oca' monutupi koadaan kaitn kolanjakng inyo bulah kaitn malu. Bolicam ubat pakai' dipalitan ko mato kaitn oca' kaitn ulih moniant.

Wahyu 1:6

Sio bulah kito monjadi sobuah banso, boko imam inyo molayati Allah, Bopai-Nyo. Yesusnam inyo mulia ongko bokuaso somanah-manahnyo. Amin!

2 Tesalonika 2:17

monguat'an hati kaitn oca' kaitn hala molabuhan huatan momandiran boko hal inyo boi'.

1 Tesalonika 3:13

Koi bodoa oca' ni'inan Tuhatn monguat'an hati kaitn. Jadi, pas Yesus, Tuhatn kito agatn boko urakng suci umputn Sio, nononyo datakng, Allah Bopai kito moanggap kaitn kinyo bosalah huatan suci.

Kolose 2:7

Kohonda'nyo kaitn totap pocayo ko Sio huatan botumbuh dalapm Sio. Kohonda'nyo kaitn botambah kuat pocayo ko somuo ajaran inyo bondar inyo udah disampaian ko kaitn. Kohonda'nyo hati kaitn hala bosukur.

Roma 16:25

Topujicam Allah! Io inyo bokuaso bulah kaitn kuat pocayo sosuai agatn Kabar Boi' mongona'i Yesus Kristus inyo ku boritoan. Kabar Boi' nantai momadahan mongona'i hajat Allah pakai' somuo banso. Somanah boabad-abad, conyiant monsio inyo mongotohu'i hajat Allah nantai.

1 Korintus 1:8

Sio jam paca'an monguat'an hati kaitn sampai pado ahir joman. Sio paca'an molabuhan nantai oca' kaitn kinyo dianggap salah timpu Yesus Kristus, Tuhatn inyo bokuaso atas kito datakng bobali'.

Ibrani 13:9

Jangan tontuyutan boko bomacapm ajaran molikahan inyo mombulah kaitn sosat. Obai, inyo boi' ia'an hati kaitn monjadi kuat doi' kasih karunia Allah, bukainyo doi' boko poraturan mongona'i pomakatn. Boko poraturan nantai kinyo ado gunonyo pakai' boko urakng inyo moikutinyo.