2 Korintus 1:19 - Porjanjian Boharu Torjomahan Baso Dilakng Soari-ari

^19-20 Obai, Ana' Allah, Yesus Kristus, pan kinyo gangga'-gua'an di antaro ‘Au’ ongko ‘Cado’. Aku, Silas ongko Timotius udah momboritoan ko kaitn mongona'i Kristus, ia'an Rajo Inyo Dijanjian Allah. Molalu'i Sio, somuo janji Allah monjadi nyata, samo sama'an ado jawaban ‘Au’ doi' Allah. Jadi, di dalapm Kristus bayo ado ‘Au’. Nianam sobabnyo, watu kito mongatoan ‘Amin’ pakai' momuji Allah, kito mongatoan ‘Amin’ dalapm damo Kristus.

2 Korintus 1:19 ပူးပေါင်းရင်းမြစ်များ

Matius 17:5

Pontongahan io bopandir nantai, sopongirap ado awatn inyo torakng turutn monungkau'i sia' somuo. Allah bopandir doi' awatn nantai, “Ni'innam Ana'-Ku inyo Ku kasihi. Io monyonangan hati-Ku. Pondinga'ancam pomandiran-Nyo!”

Matius 24:35

Pocayocam agatn pomandiran-Ku, obai biar pan langit huatan bumi paca'an boahir, pomandiran-Ku totap kinyo tohu boahir.

Matius 27:40

Kato sia', “Uai Duatn inyo honda' morobahan Rumah Allah lalu mombangunnyo agi' dalapm tigo ari! Aman Duatn bondar-bondar Ana' Allah, solamant'anbo diri Duatn. Turutnbo doi' kayu salib nian!”

Matius 27:54

Kopala' pasukan ongko boko projurit inyo monjago Yesus moniant gompa bumi ongko somuo inyo tojadi nantai. Obai nianam, sia' monjadi gola' bondar. Kato sia', “Bondaram, Urakng ni'in bondar-bondar Ana' Allah!”

Matius 3:17

Lalu todinga' saro Allah doi' sorugo mongatoan, “Ninam Ana'-Ku inyo Ku kasihi. Io monyonangan hati-Ku.”

Matius 4:3

Ongko Rajo Sitatn, tukakng tumbukan nantai, datakng ko Yesus. Rajo Sitatn bopandir ko Sio, “Aman Duatn bondar-bondar Ana' Allah, pulahbo batu ni'in monjadi roti.”

Markus 1:1

Ninam Kabar Boi' mongona'i Yesus Kristus, Ana' Allah.

Lukas 1:35

Timbas Molekat nantai ko Maria: “Roh Allah tajahan datakng ko kolai. Kuaso Allah molinduki kolai. Obai nian, Ana' inyo kolai lahiran nantai disobut Kudus, Ana' Allah.

Yohanes 1:34

Huatan watu ni'in, aku udah moniant nantai tojadi. Aku moonji'i kosasian, ‘Urakng ninam Ana' Allah!’ ”

Yohanes 1:49

Kato Natanael ko Sio, “Wah, Guru! Pasti, Duatn ninam Ana' Allah! Duatn ninam Rajo urakng Israel!”

Yohanes 19:7

Kato boko urakng Yahudi nantai ko io, “Koi ado poraturan agama. Monurut poraturan nantai, Sio gola' dihukupm mati. Obai, Sio mongatoan diri-Nyo Ana' Allah!”

Yohanes 20:28

Kato Tomas ko Sio, “Duatn nam Tuhatn huatan Allah-ku!”

Yohanes 20:31

Apo somuo hal inyo ado di si'itn, ditulis oca' kaitn pocayo obai Yesus nam Rajo Inyo Dijanjian Allah, Rajo inyo disobut “Kristus”. Huatan oca' kaitn pocayo obai Yesus nam Ana' Allah. Agatn pocayo nantai, kaitn mondapat'an hidup bosatu agatn Sio.

Yohanes 3:16

Obai, Allah kotakng mongasihi boko urakng di dunia ni'in. Sampai, Sio udah monyorahan Ana'-Nyo inyo tunggal. Allah molabuhan nantai, oca' somuo urakng inyo pocayo ko Ana'-Nyo, sia' co bonaso di noraka, apo sia' dapat hidup somanah-manahnyo di sorugo.

Yohanes 6:69

Koi pocayo huatan mongotohu'i obai Duatn nianam Inyo Suci doi' Allah!”

Yohanes 8:58

Kato Yesus ko sia', “Pondinga'an boboi'cam inyo Ku pandiran ni'in: Sobolupm Abrahapm dilahiran, Aku udah Adoam!”

Kisah Boko Rasul 15:22

Boko rasul, boko ponotua' huatan somuo boko urakng inyo pocayo agatn Yesus monorima' nosihat Yakobus. Sia' momutusan pakai' monulis surat ko boko urakng bukai Yahudi inyo pocayo agatn Yesus. Sia' momilih boboropo urakng doi' antaro sia' pakai' monyampaian surat nantai. Boko urakng nantai paca'an botula' ko kota Antiokhia bosamo Paulus ongko Barnabas. Jadi, sia' momilih Silas ongko Yudas (inyo disobut Barsabas). Koduo urakng nantai pomimpitn inyo dihormati di antaro boko urakng inyo pocayo agatn Yesus di Yerusalem. Surat inyo sia' sampaian, dinga' ni'innan bunyinyo: “Salapm ko boko somadikan inyo bukai Yahudi di kota Antiokhia, di propinsi Siria, di propinsi Kilikia. Hormat doi' koi, boko somadikan kaitn di kota Yerusalem. Koi boko rasul huatan boko ponotua'

Kisah Boko Rasul 16:1

Paulus ongko Silas botula' ko kota Derbe ongko ko kota Listra. Di Listra ado Timotius. Io udah pocayo agatn Yesus. Indainyo urakng Yahudi inyo udah pocayo agatn Yesus, apo bopainyo urakng Yunani.

Kisah Boko Rasul 18:5

Lopas nian, Silas ongko Timotius datakng doi' propinsi Makedonia. Jadi, Paulus ulih momakai somuo watunyo pakai' momboritoan ko somuo urakng inyo boagama Yahudi. Paulus momboritoan agatn jolas obai Yesus nantai Rajo Inyo Dijanjian Allah.

Kisah Boko Rasul 8:36

Dalapm pojalatan, sia' molalu'i tompat inyo ado ara'i. Pojabat nantai bopandir, “Tiat, di si'itn ado ara'i. Tulukng duatn mombaptis aku.” [

Kisah Boko Rasul 9:20

Lopas jadi io ulih moniant agi' huatan monjadi kuat agi', io lansukng botula' ko boko rumah sombayakng urakng agama Yahudi. Io momboritoan obai Yesus nantai Ana' Allah.

2 Korintus 1:1

Surat ni'in doi' ku, Paulus. Aku dipilih pakai' monjadi rasul Kristus Yesus obai nantai kohonda' Allah. Salapm jam doi' Timotius, somadikan kito. Surat ni'in pakai' jomaat Allah di kota Korintus ongko somuo urakng inyo husus umputn Allah di somuo propinsi Akhaya.

1 Tesalonika 1:1

Ko inyo tohormat boko urakng pocayo di kota Tesalonika. Kaitn inyo monjadi umputn Allah Bopai ongko Yesus Kristus, Tuhatn inyo bokuaso di pucu' kito. Salapm doi' aku, Paulus ongko doi' Silas huatan Timotius. Kasih karunia ongko sonang-asau doi' Allah, Bopai kito, huatan Tuhatn Yesus Kristus monyoroto'i kolai.

2 Tesalonika 1:1

Ko inyo tohormat boko urakng inyo pocayo di kota Tesalonika. Kaitn inyo pocayo ko Allah Bopai kito huatan Yesus Kristus, Tuhatn kito. Salapm doi' aku, Paulus. Doi' Silas huatan Timotius jam.

1 Timotius 3:16

Sobondarnyo la'apo inyo tosimpatn dalapm kopocaya'an kito kotakan luar biaso! Boko hal nantai monunju'an caro hidup inyo monyonangan Allah. Boko hal nantai ia'an: “Yesus moniant'an diri-Nyo dalapm rupo monsio. Roh Allah monyatoan obai inyo dilabuhan Yesus bondar. Yesus monyatoan diri-Nyo ko boko molekat. Boko urakng momboritoan mongona'i Yesus ko somuo banso. Boko urakng di soluruh dunia monjadi pocayo ko Yesus. Allah bulah Yesus noi' ko sorugo dalapm komulia'an.”

Ibrani 1:11

Somuonyo nantai paca'an lonyap, apo Duatn totap ada'an somanah-manahnyo. Langit ongko bumi ni'in paca'an monjadi samo sama'an pakai'an inyo buru'.

Ibrani 13:8

Yesus Kristus kinyo borubah. Sio totap samo sokomai, ni'inan sampai somanah-manahnyo.

1 Petrus 5:12

Aku monulis surat singkat ni'in di tulukng Silas. Io nam somadikan, somadikan soiman inyo sotia. Aku monulis surat ni'in pakai' momadahi huatan moonji'i somangant ko kaitn. Aku pan honda' oca' kaitn yakitn obai isi suratku ni'in bondar-bondar mongona'i koboi'an Allah. Kaitn gola' totap hidup dalapm koboi'an-Nyo nantai.

2 Petrus 1:17

Koi ado bosamo agatn Sio di pucu' bukit inyo suci. Watu Allah Bopai-Nyo mohormati ongko momuliaan Sio. Allah inyo kotakan Bokuaso mongatoan, “Ninam Ana'-Ku inyo Ku kasihi. Io monyonangan hati-Ku.” Koi siku' mondinga' saro Allah doi' sorugo nantai.

1 Yohanes 1:3

Koi momboritoan ko kaitn mongona'i somuo inyo koi tiat huatan inyo koi dinga', oca' kaitn paca'an bosatu hati agatn koi. Kosatuan inyo koi pulah ia'an koi bosatu agatn Allah Bopai huatan agatn Ana'-Nyo, Yesus Kristus.

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.

2 Yohanes 1:9

Urakng inyo monuruti ajaran inyo salah doi' ajaran Kristus nantai, boroti Allah conyiant di dalapm hatinyo. Apo urakng inyo hidupnyo monuruti ajaran Kristus, boroti Allah Bopai ongko Ana'-Nyo ado dalapm hatinyo

Wahyu 1:11

Saro nantai bopandir, “Kolai gola' monulis somuo hal inyo paca'an ditiatan ko kolai. Lalu, kolai gola' mongiripm buku nantai ko kotujuh jomaat ni'inan: Efesus, Smirna, Pergamus, Tiatira, Sardis, Filadelfia, ongko Laodikia.”

Wahyu 1:17

Pas aku moniant-Nyo, aku lansukng tokosungkapm di hadapan kaki-Nyo sama'an urakng mati. Apo Sio molota'an longan kanan-Nyo ko aku. Kato-Nyo, “Jangan gola'! Aku ninam inyo Potamo ongko inyo toahir,

Wahyu 1:8

“Akunam inyo Potamo ongko inyo Toahir,” kato Tuhatn Allah, inyo Maho Kuaso, inyo ado watu ni'in, inyo udah ado doi' joman komai, huatan inyo ado sotorusnyo.

Wahyu 2:18

“Tuliscam pomandiran ni'in ko molekat inyo monjago jomaat di Tiatira: Pomandiran ni'in doi' ana' Allah, inyo mato-Nyo sama'an api huatan kaki-Nyo sama'an tombago