2 Korintus 1:15 - Porjanjian Boharu Torjomahan Baso Dilakng Soari-ari

¹⁵ Obai aku yakitn kaitn paca'an bangga ko koi, jadi aku bohajat pakai' monjongu' kaitn duo kali, oca' kaitn diborokati duo kali. Hajatnyo aku holu monjongu' kaitn,

2 Korintus 1:15 ပူးပေါင်းရင်းမြစ်များ

1 Korintus 4:19

Apo aman Tuhatn mongohonda'i, aku paca'an copat datakng ko kaitn. Watu nantai, aku co paca'an borotian pomandiran boko urakng inyo buhau nantai. Aku honda' moniant aman sia' bondar-bondar ado kuaso Allah dalapm hidup sia'.

Roma 1:11

Obai aku honda' bondar botomu agatn kaitn pakai' bobagi komampuan husus doi' Roh Allah oca' kaitn dikuatan.

Roma 15:29

Aku tohu timpu aku datakng monjongu' kaitn, aku tajahan mombaba' banya' borokat doi' Kristus pakai' kaitn.

2 Korintus 6:1

Sobagai urakng inyo bokorojo samo agatn Allah, jadi koi muhun ko kaitn: Jangannam bulah koboi'an Allah nantai monjadi sia-sia.

1 Korintus 11:34

Aman ado urakng inyo kolaparan, soboi'nyo io makatn doholu di rumahnyo. Labuhan cam somuo nantai oca' aman kaitn bokumpul, kaitn co monyobab'an Allah mohukupm kaitn. Watu aku datakng ko Korintus, aku paca'an mongajar kaitn mongona'i boko hal inyo bukai agi'.

Matius 1:19

Apo Yusuf nantai ia'an urakng inyo boi' hati. Io pan co honda' momaluan Maria di hadapan urakng banya'. Obai nantai, io bopikir honda' mombalakan potunangannyo agatn Maria socaro bototapu'.

2 Korintus 12:14

Porotianbo! Aku udah siap monjongu' kaitn kotigo kalinyo. Timpu nantai, aku totap kinyo tajahan jadi bobatn pakai' kaitn. Obai, aku cuku goyap kodampuan kaitn apo aku monggoyapi kaitn. Nantai wajar, obai kaitn samo sama'an boko bobia'ku. Boko bobia' kinyo gola' mongumpulan kodampuan pakai' urakng tuhonyo. Urakng tuhonam inyo gola' mongumpulan kodampuan pakai' poana'annyo.