2 Korintus 1:13 - Porjanjian Boharu Torjomahan Baso Dilakng Soari-ari

^13-14 Obai, koi bayo monulis boko hal inyo dapat kaitn baco ongko ngoroti. Kaitn udah dapat ngoroti sobagi'an. Apo, ubo nantai jam, aku boharap kaitn paca'an mongoroti somuonyo. Agatn ubo nantai, aku boharap watu Tuhatn Yesus datakng, kaitn paca'an bangga ko koi samo sama'an koi paca'an bangga ko kaitn.

2 Korintus 1:13 ပူးပေါင်းရင်းမြစ်များ

2 Korintus 4:2

Apo koi co molabuhan boko porbuatan inyo momaluan inyo gola' sampai diombakan. Koi co monipu urakng timpu koi momboritoan Pomandiran Allah mongona'i Kristus. Koi pan co moncampuran ajaran inyo salah agatn pomandiran Allah nantai. Sobali'nyo, koi mongajar boko hal inyo bondar agatn torus torakng. Ubo nian polayatan koi di hadapan Allah, jadi somuo urakng ulih monilai koi dalapm hati sia' siku'.

Filemon 1:6

Aku bodoa oca' hubukan boi' antaro kolai agatn urakng bukai inyo pocayo ni'in ado hasilnyo: Kolai ulih mongotohu'i mongona'i somuo inyo boi' inyo umputn kito dalapm Kristus.

2 Korintus 13:6

Apo, aku harap kaitn tohu obai koi lulus ujian inyo monunju'an koi bondar-bondar rasul Kristus.

2 Korintus 5:11

Koi tohu lapo rotinyo gola' agatn Tuhatn, obai nantai koi bousaha monyakitan urakng. Allah udah mongotohu'i obai hati koi tulus. Aku honda' oca' kaitn pan mongotohu'i nantai.

Kisah Boko Rasul 27:39

Pas matoari udah moncara', sia' ulih moniant tanah darat. Sia' kinyo tohu tompat nantai. Apo sia' moniant ado tolu' agatn pantai pasir. Jadi, sia' honda' mongkalan kapal di pantai nantai.

1 Korintus 1:8

Sio jam paca'an monguat'an hati kaitn sampai pado ahir joman. Sio paca'an molabuhan nantai oca' kaitn kinyo dianggap salah timpu Yesus Kristus, Tuhatn inyo bokuaso atas kito datakng bobali'.