1 Yohanes 5:7 - Porjanjian Boharu Torjomahan Baso Dilakng Soari-ari

⁷ Jadi ado tigo hal inyo bosasi mongona'i sopo Yesus sobondarnyo:

1 Yohanes 5:7 ပူးပေါင်းရင်းမြစ်များ

Matius 17:5

Pontongahan io bopandir nantai, sopongirap ado awatn inyo torakng turutn monungkau'i sia' somuo. Allah bopandir doi' awatn nantai, “Ni'innam Ana'-Ku inyo Ku kasihi. Io monyonangan hati-Ku. Pondinga'ancam pomandiran-Nyo!”

Matius 18:16

Aman io kinyo honda' mondinga'an nosihat kaitn, botula'cam agi' ko io agatn mombaba' siku' damo duo urakng. Obai sotiap pokaro pontikng duo tigo sasi pakai' momastian pokaro nantai bondar-bondar tojadi.

Matius 28:19

Obai nantai, botula'cam ko somuo banso. Ajaricam boko urakng oca' sia' monjadi murid-Ku. Baptiscam sia' dalapm damo Bopai, Ana', huatan Roh Allah pakai' monunju'an obai sia' pocayo ko Allah Bopai, pocayo ko Yesus, huatan Roh Allah.

Yohanes 1:1

Mulonyo, sobolupm la'apo pan dipulah, ado Sio inyo disobut ‘Pandir Allah’. Pandir nantai bosamo agatn Allah. Pandir nantai jam samo agatn Allah.

Yohanes 10:30

Aku huatan Bopai-Ku siku'mo.”

Yohanes 12:28

Bopai, muliaancam damo Duatn!” Ongko ado saro Allah doi' sorugo inyo mongatoan, “Aku udah momuliaan-Nyo. Aku paca'an momuliaan-Nyo agi'!”

Yohanes 14:17

Ponulukng nantai ia'an Roh Allah inyo monunju'an somuo inyo bondar. Boko urakng di dunia inyo co pocayo, sia' kinyo ulih monorima' Roh Allah nantai, obai sia' co moniant Sio, co mongonal Sio. Apo, kaitn mongonal Sio obai Sio ado bosamo kaitn huatan nononyo Sio bodiapm dalapm hati kaitn.

Yohanes 15:26

Aku paca'an moutus Ponulukng ko kaitn, ia'an Roh inyo boasal doi' Allah. Roh Allah nantai inyo monunju'an somuo inyo bondar. Sio paca'an bosasi mongona'i Aku.

Yohanes 5:26

Obai, Bopai moonji'i kuaso ko Ana' pakai' moonji'i hidup, samo sama'an Sio ado kuaso pakai' moonji'i hidup.

Yohanes 8:18

Ado duo sasi inyo bosasi mongona'i diri-Ku, ia'an Aku huatan Bopai inyo moutus Aku.”

Yohanes 8:54

Timbas Yesus, “Soandainyo Aku goyap hormat pakai' diri-Ku siku', jadi hormat nantai conyiant ado rotinyo. Inyo mohormati Ku nianam Bopai-Ku, ia'an Sio inyo kaitn sobut sobagai Allah kaitn nan.

Kisah Boko Rasul 2:33

Lopas nantai, Sio udah noi' ko sorugo obai kuaso Allah. Yesus pan udah monorima' Roh Allah obai Roh Allah nantai udah dijanjian Bopai-Nyo. Jadi, watu ni'in Yesus moonji'i Roh Allah ko koi. Nanam kojadian inyo udah kaitn tiat huatan dinga' molalu'i boko urakng inyo bopandir agatn bomacapm baso di si'itn.

Kisah Boko Rasul 5:32

Koi ni'in moniant somuonyo nantai agatn mato kopala' siku'. Allah udah moonji'i Roh-Nyo ko koi somuo inyo monaati Sio. Jadi Roh Allah jam mombutian somuonyo nantai bondar.”

1 Yohanes 1:1

Dalapm surat ni'in, koi monyampaian ko kaitn mongona'i Sio inyo disobut Pomandiran Allah inyo moonji'i hidup. Sio ado doi' mulonyo. Koi udah mondinga' Sio. Koi udah moniant Sio agatn mato koi siku'. Koi moniant Sio ongko koi udah moncanggapm Sio agatn jari koi siku'.

1 Yohanes 5:6

Yesus Kristusnam inyo datakng ko dunia. Huatan timpu nantai, ado hal inyo bosasi mongona'i sopo Sio sobondarnyo, ia'an nantai ara'i timpu Yesus dibaptis, huatan darah timpu Yesus mati. Co bayo ado ara'i, apo ado darah jam. Roh Allah jam bosasi mongona'i sopo Sio, obai Roh Allah bosasi somuo inyo bondar.

1 Yohanes 5:8

ia'an nantai Roh Allah, ara'i ongko darah. Kotigo hal nantai bosasi hal inyo samo mongona'i Yesus.

Wahyu 19:13

Sio momakai jubah inyo udah diconcah ko darah. Sio jam bodamoan “Pandir Doi' Allah”.