1 Yohanes 5:20 - Porjanjian Boharu Torjomahan Baso Dilakng Soari-ari

²⁰ Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.

1 Yohanes 5:20 ပူးပေါင်းရင်းမြစ်များ

Yohanes 17:3

Ninam hidup inyo kokal, ia'an obai sia' mongonal ongkah Duatam Allah inyo bondar, huatan pan obai sia' mongonal Yesus Kristus inyo udah Duatn utus.

Lukas 24:45

Lopas nantai Yesus pan mombuka' pikiran sia' pakai' mongoroti masud Buku Suci.

Yohanes 14:9

Timbas Yesus ko io, “Filipus, Aku udah cukup manah bosamo kaitn. Hibo sampai watu ni'in kolai bolupm mongonal Aku? Urakng inyo udah moniant Aku, rotinyo udah moniant Bopai jam. Jadi, hibo kolai bopandir sama'an nantai, ‘Pulah oca' koi ulih moniant Bopai agatn mato koi sikuꞌ’?

1 Timotius 3:16

Sobondarnyo la'apo inyo tosimpatn dalapm kopocaya'an kito kotakan luar biaso! Boko hal nantai monunju'an caro hidup inyo monyonangan Allah. Boko hal nantai ia'an: “Yesus moniant'an diri-Nyo dalapm rupo monsio. Roh Allah monyatoan obai inyo dilabuhan Yesus bondar. Yesus monyatoan diri-Nyo ko boko molekat. Boko urakng momboritoan mongona'i Yesus ko somuo banso. Boko urakng di soluruh dunia monjadi pocayo ko Yesus. Allah bulah Yesus noi' ko sorugo dalapm komulia'an.”

1 Yohanes 5:1

Urakng inyo pocayo obai Yesus nam Kristus, Rajo Inyo Dijanjian Allah, urakng nantai am ana' Allah. Urakng inyo mongasihi Allah Bopai, mongasihi poana'an Allah jam.

Yohanes 20:28

Kato Tomas ko Sio, “Duatn nam Tuhatn huatan Allah-ku!”

Wahyu 3:7

“Tuliscam pandir ni'in ko molekat inyo monjago jomaat di Filadelfia: Pomandiran ni'in doi' Sio, Inyo Kudus, Inyo Bondar, inyo monjujut kunci Rajo Daud, ia'an kunci pakai' mansu' Koraja'an Allah. Aman Sio mombuka' lawakngnyo, conyiant ado siku' urakng pan inyo ulih monutupnyo. Aman Sio monutup lawakngnyo, conyiant ado siku' urakng pan inyo ulih mombuka'nyo.

1 Yohanes 4:16

Kito udah tohu huatan udah pocayo obai Allah mongasihi kito. Allah nam kasih. Jadi, urakng inyo hala mongasihi Sio ongko urakng bukai, urakng nantai hidup bosatu agatn Allah huatan Allah bosatu agatn io.

Roma 9:5

Sia' nam koturutan Abrahapm, Ishak ongko Yakub, pombopaian angki-bayatn sia'. Pas Kristus monjadi monsio, Sio lahir sobagai koturutan urakng Israel jam. Sio bokuaso di pucu' la'apo pan. Sio nam Allah inyo cucu' dipuji somanahnyo. Amin!

Yohanes 10:30

Aku huatan Bopai-Ku siku'mo.”

1 Yohanes 4:2

Agatn caro inyo ninam kaitn tohu aman roh inyo ado di inyo boasal doi' Allah: Aman urakng nantai moaku'i obai Yesus Kristus udah datakng ko dunia ni'inan monjadi monsio, rotinyo roh inyo ado di dalapm dirinyo nian boasal doi' Allah.

1 Yohanes 2:6

Urakng inyo mongatoan obai io hidup bosatu agatn Allah, urakng nantai gola' hidup agatn caro samo sama'an Yesus Kristus.

Ibrani 1:8

Apo Allah bopandir dinga' ni'in mongona'i Ana'-Nyo, “Duatn, oi Allah, momorintah di pucu' tahta Duatn somanah-manahnyo. Duatn momorintah agatn adil di dalapm Koraja'an Duatn.

Titus 2:13

kapikng kito monantian ari kodatakan Allah inyo Maho Kuaso ongko Ponyolamant kito, Yesus Kristus, ia'an ari inyo kito harapan agatn rindakng-rigah,

Kisah Boko Rasul 20:28

Kaitn gola' monjago diri kaitn huatan urakng bukai inyo udah pocayo agatn Yesus oca' totap pocayo. Allah udah monobus monsio doi' hukupan dosa agatn darah-Nyo sikuꞌ. Jadi, sia' udah monjadi umant Allah siku'. Kaitn udah dipilih Roh Allah pakai' momimpitn sia' nantai. Obai nantai, kaitn gola' monjago sia' samo sama'an gombala monjago kabatn dombanyo.

Yohanes 17:14

Udah-Ku padahannam ko sia' somuo pomandiran Duatn. Jadi boko urakng dunia bonci'an sia', obai sia' bukainyo umputn dunia, samo sama'an Aku inyo bukainyo umputn dunia jam.

Wahyu 19:11

Lopas nian, aku moniant sorugo tobuka', wah, ado siku' kuda putih. Urakng inyo monunggaki kuda nantai bodamoan “Inyo Sotia” huatan “Inyo Bondar”. Sio mohakipi huatan boparakng agatn adil.

Wahyu 15:3

Sia' monyanyian nyanyian Musa, hulutn Allah, huatan nyanyian Ana' Domba, ubo ni'in bunyinyo: “Tuhatn Allah Inyo Maho Kuaso! Boko porbuatan Duatn kotakan hebat huatan mohiratan. Duatam Rajo di pucu' boko banso. Boko porbuatan Duatn adil huatan bondar.

Wahyu 6:10

Dalapm poniant'anku, sia' tongahan moningkau kotakan borakng, “Oh, Tuhatn Inyo Maho Kuaso, Inyo Kudus ongko Inyo Bondar! Ija' apo manahnyo sampai Duatn paca'an mohakipi ongko mohukupm boko urakng inyo mombunuh koi?”

Wahyu 3:14

“Tuliscam pomandiran ni'in ko molekat inyo monjago jomaat di Laodikia: Pomandiran ni'in doi' Aku, inyo disobut Amin inyo momadahan mongona'i Allah agatn sotia ongko agatn bondar. Aku nam sumber somuo la'apo pan dipulah Allah.

1 Yohanes 4:14

Huatan obai koi udah moniant obai Allah Bopai kito udah moutus Ana'-Nyo monjadi Ponyolamant boko urakng di dunia. Koi momboritoan nantai.

Filipi 3:9

ongko oca' aku ulih bosatu agatn Sio. Aku monjadi bondar di hadapan Allah bukainyo obai usaha ku siku' monaati Hukupm Torat. Aku monjadi bondar obai aku pocayo agatn Kristus. Allah inyo molabuhan nantai. Sio mombulah monsio monjadi bondar di hadapan-Nyo aman sia' pocayo.

2 Korintus 4:6

Obai, Allah inyo bopandir, “Kohonda'nyo ado torakng inyo bocohayo doi' kogolapan!” Sio jam inyo mombulah torakng bocohayo di dalapm hati kito. Ia'an, Sio mombulah oca' kito ngoroti agatn hal ni'in: Komulia'an Allah dapat ditiat di dalapm muho Kristus.

Yohanes 15:4

Kaitn gola' totap bosatu agatn Aku, lalu Aku paca'an totap bosatu agatn kaitn. Aman dahatn kinyo bosatu agatn kondukngnyo, jadi dahatn nantai culihnyo bobuah sonsiku'annyo. Ubo nian jam, kaitn culih bobuah aman kaitn co totap bosatu agatn Aku.

Yohanes 14:23

Timbas Yesus ko io, “Urakng inyo mongasihi Aku, io paca'an monuruti pomandiran-Ku. Bopai-Ku paca'an mongasihi io. Bopai huatan Aku paca'an datakng ko io lalu bodiapm dalapm hati io.

Yohanes 14:20

Timpu nantai, kaitn paca'an tohu obai Aku bosatu agatn Bopai, kaitn bosatu agatn Aku, huatan Aku bosatu agatn kaitn.

Yohanes 14:6

Kato Yesus ko io, “Aku samo sama'an jalatn inyo bondar pakai' mongonal Allah, jalatn inyo monuju ko kohidupan inyo sobondarnyo. Aman ado urakng inyo honda' datakng ko Allah Bopai, ongkah molalu'i Aku am jalatnnyo.

Yohanes 1:18

Co nyiant ado siku' urakng pan inyo kalo moniant Allah, kocuali Yesus, Ana' Tunggal-Nyo. Sio inyo ado hubukan kotakng dampikng agatn Allah Bopai. Sio inyo monyatoan Allah ko kito.

Lukas 21:15

Obai Aku siku' tajahan moonji'i ko kaitn komampuan pakai' mongatoan pomandiran inyo topat, sampai boko musuh kaitn kinyo paca'an ulih monontakng ongko monikaki kaitn.

Matius 13:11

Timbas Yesus, “Kaitn udah dionji'i pongorotian mongona'i Koraja'an Sorugo inyo bolupm dikotohu'i urakng bukai. Apo urakng banya' ni'in bolupm dionji'i pongorotian nantai.

1 Yohanes 2:24

Jadi, jangan kaitn tongga'an pocayo agatn ajaran inyo bondar, ia'an ajaran inyo udah kaitn dinga' doi' kaitn hoyu' mula'i pocayo. Aman kaitn molabuhan nantai, lalu kaitn paca'an hala hidup bosatu agatn Allah Bopai huatan Yesus Kristus, Ana'-Nyo.

Efesus 3:18

Aku bodoa oca' kaitn bosamo somuo urakng inyo pocayo ulih mongoroti obai Kristus kotakng mongasihi kaitn. Kasih-Nyo kotakng luar, kotakng panjakng, kotakng tinggi, huatan kotakng dalapm.

2 Korintus 5:17

Boko urakng inyo ado di dalapm Kristus, sia' monjadi monsio boharu. Sia' udah botongga' hidup agatn caro inyo manah. Sobondarnyo, sia' hidup agatn caro inyo boharu.

1 Korintus 1:30

Jadi, kaitn ado hubukan dokat agatn Kristus Yesus obai porbuatan Allah, bukainyo obai porbuatan kaitn. Yesus monjadi kopintar-corodi'an Allah bagi kito. Molalu'i Yesus, kito monjadi bondar di hadapan Allah. Kito pan monjadi umant husus pakai' umputn Sio. Sio monanggukng hukupan dosa kito pakai' monobus kito.

Yohanes 17:25

Oi Bopai inyo hala molabuhan inyo bondar. Memang boko urakng dunia co mongonal Duatn. Apo Aku mongonal Duatn ongko sia' ni'in tohu obai Duatn inyo udah moutus Aku.

Yohanes 8:42

Kato Yesus ko sia', “Soandainyo Allah bondar Bopai kaitn, pasti kaitn paca'an mongasihi Aku. Obai, Aku datakng doi' Allah. Huatan, Aku datakng bukainyo kohonda'-Ku siku', apo kohonda' Sio inyo moutus Aku.

1 Yohanes 2:23

Obai, urakng inyo monula' Ana', boroti urakng nantai kinyo hidup bosatu agatn Allah Bopai. Apo, urakng inyo monorima' Ana', boroti urakng nantai hidup bosatu agatn Bopai.

1 Yohanes 5:5

Sopo pan inyo ulih mongalahan dunia? Ongkah urakng inyo pocayo am obai Yesus nam Ana' Allah.

1 Yohanes 5:15

Obai kito tohu nantai, jadi kito pan tohu jam obai kito udah mondapat'an lapo ja' inyo udah kito pinto doi'-Nyo.

1 Yohanes 5:18

Kito tohu obai somuo urakng inyo monjadi poana'an Allah, sia' co hidup dalapm dosa. Sia' dilinduki Ana' Allah, ia'an Yesus Kristus. Rajo Sitatn kinyo ulih bulah la'apo pan agatn sia'.