1 Yohanes 5:19 - Porjanjian Boharu Torjomahan Baso Dilakng Soari-ari19 Kito tohu obai kito boasal doi' Allah. Apo somuo urakng di dunia sia' ado di babah kuaso Rajo Sitatn inyo jahat. အခန်းကိုကြည့်ပါ။ |
Boko somadikan, koi bangga mongona'i ni'in: Dalapm hati koi siku', koi tohu obai caro hidup koi di dunia ni'in kinyo salah, hususnyo dalapm hubukan koi agatn kaitn. Koi molabuhan boko hal agatn hati inyo tulus ongko borosih. Hati ubo nantai doi' Allah. Koi molabuhan somuonyo agatn koboi'an-Nyo, bukainyo agatn Kobijaksana'an monsio.
Niannam obainyo aku moalapi somuo ajab sonsaro ni'in. Apo aku co malu obai aku udah tohu sopo Yesus sobondarnyo. Aku pocayo ko Sio. Aku udah monyorahan polayatan ni'in ko Sio. Aku yakitn Sio paca'an monjago oca' polayatanku kinyo balakng. Sio paca'an monjago polayatanku sampai ari Sio bobali' agi' ko dunia ni'in.
Komai sobolupm kito pocayo kito co tohu jam caro hidup inyo boi' sama'an sia'. Kito co taat jam agatn Allah. Kito dikotumbuki boko hal inyo jahat. Kohonda' ongko kosonangan di dunia ni'in monguaso'i kito. Kito hala bulah kojahatan ongko hala tungi agatn urakng bukai. Kito bonci' agatn urakng bukai ongko urakng bukai pan bonci' agatn kito.
Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.