1 Yohanes 5:12 - Porjanjian Boharu Torjomahan Baso Dilakng Soari-ari

¹² Urakng inyo pocayo agatn Ana'-Nyo, io bodapat kohidupan kokal. Apo urakng inyo kinyo pocayo agatn Ana'-Nyo, co bodapat kohidupan kokal.

1 Yohanes 5:12 ပူးပေါင်းရင်းမြစ်များ

Yohanes 3:36

Boko urakng inyo pocayo ko Ana' Allah, mondapat'an kohidupan somanah-manahnyo. Apo boko urakng inyo kinyo monaati Ana' Allah, co mondapat'an kohidupan nantai. Sia' ija' kona' hukupan doi' Allah.”

Yohanes 5:24

Pondinga'ancam bobondar inyo Ku pandiran ni'in: Somuo urakng inyo monuruti pomandiran-Ku huatan pocayo ko Allah inyo moutus Aku, sia' co dihukupm apo mondapat'an hidup somanah-manahnyo. Obai, sia' udah pindah doi' komatian somanah-manahnyo huatan mansu' ko dalapm kohidupan inyo bondar huatan somanah-manahnyo.

Yohanes 3:15

oca' somuo urakng inyo pocayo ko Sio, sia' mondapat'an kohidupan somanah-manahnyo.

Yohanes 1:12

Apo ko somuo urakng inyo monorima'-Nyo, ia'an somuo urakng inyo pocayo ko Sio, Sio moonji'i hak ko sia' pakai' monjadi boko poana'an Allah.

1 Korintus 1:30

Jadi, kaitn ado hubukan dokat agatn Kristus Yesus obai porbuatan Allah, bukainyo obai porbuatan kaitn. Yesus monjadi kopintar-corodi'an Allah bagi kito. Molalu'i Yesus, kito monjadi bondar di hadapan Allah. Kito pan monjadi umant husus pakai' umputn Sio. Sio monanggukng hukupan dosa kito pakai' monobus kito.

Markus 16:16

Boko urakng inyo kinyo pocayo paca'an di hukupm. Apo, boko urakng inyo pocayo huatan dibaptis paca'an disolamant'an.

2 Yohanes 1:9

Urakng inyo monuruti ajaran inyo salah doi' ajaran Kristus nantai, boroti Allah conyiant di dalapm hatinyo. Apo urakng inyo hidupnyo monuruti ajaran Kristus, boroti Allah Bopai ongko Ana'-Nyo ado dalapm hatinyo

Ibrani 3:14

Obai, kito bokorojosamo agatn Kristus aman kito hala kuat pocayo ko Sio. Samo sama'an mulonyo, kito gola' totap kuat pocayo sampai ahir hidup kito.

Galatia 2:20

Obai aku kinyo hidup agi' agatn caro sama'an komai. Ni'in, Kristus monontuan caro hidupku. Aku hidup di dunia ni'in agatn caro boharu obai aku pocayo ko Sio. Sio nantai Ana' Allah inyo kotakan mongasihi aku. Sio monyorahan diri-Nyo sampai mati sobagai kurbatn inyo monggonti'i aku.