1 Yohanes 5:10 - Porjanjian Boharu Torjomahan Baso Dilakng Soari-ari

¹⁰ Urakng inyo pocayo ko Ana' Allah, boroti io pocayo agatn kosasian Allah nantai dalapm hatinyo. Apo urakng inyo co pocayo agatn kosasian nantai, boroti io moanggap Allah bulah kotumbukan. Obai, io kinyo pocayo agatn kosasian Allah mongona'i Ana'-Nyo.

1 Yohanes 5:10 ပူးပေါင်းရင်းမြစ်များ

Yohanes 3:16

Obai, Allah kotakng mongasihi boko urakng di dunia ni'in. Sampai, Sio udah monyorahan Ana'-Nyo inyo tunggal. Allah molabuhan nantai, oca' somuo urakng inyo pocayo ko Ana'-Nyo, sia' co bonaso di noraka, apo sia' dapat hidup somanah-manahnyo di sorugo.

Yohanes 3:18

Boko urakng inyo pocayo ko Sio, sia' co dihukupm. Apo boko urakng inyo co pocayo ko Sio, udah ado koputusan sia' paca'an dihukupm, obai sia' co pocayo ko damo Ana' Allah inyo tunggal.

Yohanes 3:33

Apo, somuo urakng inyo pocayo agatn pomandiran-Nyo, sia' moaku'i obai Allah bondar.

Yohanes 5:38

Kaitn co monyimpatn Pomandiran Allah dalapm hati kaitn obai kaitn co pocayo Aku inyo diutus-Nyo.

Kisah Boko Rasul 8:37

Filipus bopandir, “Aman Habakng somombondarnyo pocayo ko Yesus, Habakng ulih dibaptis.” Kato pojabat nantai, “Aku pocayo Yesus nantai Rajo Inyo Dijanjian Allah. Yesus nantai Ana' Allah.”]

Roma 8:16

Roh Allah bosamo agatn roh kito monyatoan obai kito nam poana'an Allah.

Galatia 4:1

Aku monogasan hal ni'in: Siku' urakng ana' paca'an monguaso'i somuo hal inyo diwarisan bopainyo dionju' ko io. Apo aman ana' nantai ija' bobia', paca'an ado boko polayatn inyo ditugasan pakai' monjago ana'nyo. Ado jam boko polayatn pakai' mourus kodampuan umputn ana'nyo nantai. Ana' inyo muda' nantai gola' monaati boko polayatn nantai. Obai nantaiam, ana' nantai samo sama'an siku' urakng hulutn. Niannam koadaan ana' nantai sampai watu inyo ditontuan bopainyo.

Galatia 4:6

Obai kito boko poana'an Allah, ongko Sio moutus Roh Ana'-Nyo ko kito. Roh-Nyo mansu' ko dalapm hati kito. Roh-Nyo bulah kito bodoa somombondarnyo agatn mongatoan, ‘Bopai, oi Bopaiku’.

Kolose 3:3

Obai, caro hidup kaitn inyo manah nantai udah mati. Kaitn dionji'i hidup inyo boharu. Kristus ia'an puku' hidup kaitn nantai. Ni'in, hidup kaitn nantai tobumbutn bosamo Kristus di dalapm Allah. Apo, watu Kristus bobali' agi' ko dunia ni'in, urakng bukai paca'an moniant hidup kaitn bosamo Sio dalapm komulia'an.

Ibrani 3:12

Jadi, boko somadikan, boboi'cam oca' kinyo ado di antaro kaitn inyo bohati jahat inyo kinyo honda' pocayo ko Allah. Jangan sampai kaitn botongga' taat ko Allah inyo hidup.

2 Petrus 1:19

Obai nantai, koi monjadi lobih yakitn agi' obai pomandiran boko nabi mongona'i Kristus bondar. Soboi'nyo kaitn pan gola' mondinga'an pomandiran boko nabi. Pomandiran nantai paca'an mombimbikng kaitn ko jalatn inyo bondar samo sama'an cohayo pompolitoan di tompat inyo potakng, sampai matoari moncara' ongko bintakng timur, ia'an Kristus, bosinar dalapm hati kaitn.

1 Yohanes 1:10

Jadi, aman kito bopandir obai kito cokalo bulah dosa, boroti kito moanggap Allah bulah kotumbukan. Huatan kito co monorima' Pomandiran Allah dalapm hati kito.

1 Yohanes 5:1

Urakng inyo pocayo obai Yesus nam Kristus, Rajo Inyo Dijanjian Allah, urakng nantai am ana' Allah. Urakng inyo mongasihi Allah Bopai, mongasihi poana'an Allah jam.

Wahyu 12:17

Ongko, nago nantai monjadi kotakng godi ko botina' nantai. Io botula' boparakng molawatn koturutannyo inyo bukai, ia'an sia' inyo monaati boko porintah Allah huatan pocayo agatn kuat ko somuo inyo Yesus pandiran.

Wahyu 2:17

Sopo pan inyo ulih mondinga', kohonda'nyo io momporhatian somuo pomandiran Roh Allah ko boko jomaat. Ko boko urakng inyo monang, Aku paca'an moonju' doi' pomakatn bodamoan manna inyo kinyo kotohuan di mono tompatnyo. Aku pan paca'an moonji'i sobuah batu putih ko sia' siku'-monyiku'. Di batu nantai totulis damo boharu, inyo kinyo dikotohu'i urakng bukai. Bayo urakng inyo monorima' batu nantaiam paca'an mongotohu'i damo nantai.”

Wahyu 2:28

Ko boko urakng inyo monang, Aku jam paca'an moonju' bintakng timur.