1 Yohanes 4:6 - Porjanjian Boharu Torjomahan Baso Dilakng Soari-ari

⁶ Apo, koi boasal doi' Allah. Urakng inyo mongonal Allah, monorima' ajaran koi. Urakng inyo co boasal doi' Allah, kinyo monorima' ajaran koi. Ubo nianam caronyo kito mongotohu'i pobedaan roh inyo ado di urakng nantai ia'an Roh Allah inyo monunju'an somuo inyo bondar ongko roh bukai inyo mombaba' ajaran kinyo bondar.

1 Yohanes 4:6 ပူးပေါင်းရင်းမြစ်များ

Lukas 10:22

Lalu Yesus bopandir ko boko urakng banyaꞌ, “Bopai-Ku udah moonji'i somuo kuaso ongko pongotohuan ko Aku. Conyiant siku' pan inyo bondar-bondar mongonal Ana', solaitn Bopai. Conyiant jam inyo bondar-bondar mongonal Bopai solaitn Ana', huatan boko urakng inyo Ana' nantai pilih pakai' mongonalan Bopai.”

Yohanes 10:16

Apo ado jam boko domba bukai inyo bukainyo doi' kabatn domba ni'in inyo umputn-Ku. Aku gola' mombaba' sia' jam. Sia' paca'an mondinga'an saro-Ku. Somuo domba-Ku paca'an monjadi sokabatn agatn siku' pongombolo.

Yohanes 10:27

Boko domba-Ku mondinga'an saro-Ku. Aku mongonal sia' huatan sia' tuyut Aku.

Yohanes 10:3

Ponjago kandakan mombuka' lawakng pakai' pongombolo nantai. Boko domba mondinga'an saro pongombolo nantai. Io moningkau boko dombanyo agatn damo sia' siku'-monyiku'. Io moirikan sia' ko luar.

Yohanes 13:20

Pondinga'an bobondarcam! La'apo inyo Ku pandiran ni'in: Sotiap urakng inyo monorima' urakng inyo Ku utus, rotinyo io monorima' Aku jam. Huatan sotiap urakng inyo monorima' Aku, rotinyo io pan monorima' Allah inyo moutus Aku.”

Yohanes 14:17

Ponulukng nantai ia'an Roh Allah inyo monunju'an somuo inyo bondar. Boko urakng di dunia inyo co pocayo, sia' kinyo ulih monorima' Roh Allah nantai, obai sia' co moniant Sio, co mongonal Sio. Apo, kaitn mongonal Sio obai Sio ado bosamo kaitn huatan nononyo Sio bodiapm dalapm hati kaitn.

Yohanes 15:26

Aku paca'an moutus Ponulukng ko kaitn, ia'an Roh inyo boasal doi' Allah. Roh Allah nantai inyo monunju'an somuo inyo bondar. Sio paca'an bosasi mongona'i Aku.

Yohanes 16:13

Apo nononyo, timpu Roh Allah datakng, Sio paca'an moirikng kaitn oca' mongoroti somuo inyo bondar. Obai, Sio co paca'an mongatoan doi' diri-Nyo siku', apo Sio paca'an momadahan pomandiran inyo Sio dinga' doi' Bopai-Nyo. Sio pan paca'an momadahannyo ko kaitn boko hal inyo paca'an tojadi nononyo.

Yohanes 18:37

Lalu Pilatus botakutn ko Yesus, “Aman ubo nian kolai memang rajo ai?” Timbas Yesus, “Kolai mo inyo monyobut obai Aku ninam rajo. Ninam alasan Aku lahir, Aku datakng ko dalapm dunia ni'in. Ia'an, oca' Aku momadahan mongona'i lapo inyo bondar. Somuo urakng inyo honda' hidup dalapm kobondaran, sia' monuruti pomandiran-Ku.”

Yohanes 20:21

Sokali agi', Yesus bopandir ko sia', “Sonang-asau pakai' kaitn!” Samo sama'an Bopai-Ku moutus Aku, ubo nian jam Aku moutus kaitn.

Yohanes 8:19

Jadi, sia' bopandir ko Sio, “Di mono kironyo Bopai Duatn?” Timbas Yesus, “Kaitn co mongonal Aku damo Bopai-Ku. Soandainyo, kaitn bobondar mongonal Aku, pasti kaitn mongonal Bopai-Ku jam.”

Yohanes 8:23

Yesus bopandir ko sia', “Kaitn boasal doi' babah, apo Aku boasal doi' pucu'. Kaitn doi' dunia ni'in. Aku bukatnnyo doi' dunia ni'in.

Roma 1:1

Surat ni'in doi' aku, Paulus, urakng inyo molayati Kristus Yesus. Aku ditingkau pakai' monjadi rasul, huatan dihususan pakai' momboritoan Kabar Boi' doi' Allah.

Roma 11:8

Samo sama'an inyo totulis dalapm Buku Suci: “Allah mombulah sia' oca' co honda' mongoroti mongona'i caro hidup inyo bondar. Sampai ari ni'in pan, mato sia' kinyo bondar-bondar moniant. Kolindakan sia' kinyo bondar-bondar mondinga'.”

1 Korintus 14:37

Aman ado urakng inyo bopikir dirinyo bisi komampuan pakai' monyampaian posatn-pontal doi' Allah, damo io bopikir io bisi komampuan rohani inyo bukai, urakng sama'an nantai gola' mongotohu'i ni'in: Somuo inyo aku pandiran ko kaitn nantai ia'an boko porintah doi' Tuhatn.

2 Korintus 10:7

Kaitn gola' bopikir boboi' mongona'i lapo inyo kaitn kotohu'i. Aman ado urakng inyo yakitn mongotohu'i obai io nam umputn Kristus, urakng nian gola' mongotohu'i ni'in: Koi pan umputn Kristus jam samo sama'an io jam.

2 Tesalonika 1:8

Sio paca'an mohukupm sia' inyo co honda' mongonal Allah, sia' co honda' pocayo Kabar Boi' mongona'i Yesus, Tuhatn kito.

1 Timotius 4:1

Ingantcam Roh Allah udah mongatoan agatn togas obai paca'an ado boko urakng inyo paca'an co pocayo agi' ko Yesus. Sia' paca'an pocayo ko boko urakng inyo mongajar boko ajaran inyo salah. Boko ajaran nantai doi' boko roh jahat.

2 Petrus 3:2

Aku honda' oca' kaitn moingant pomandiran inyo komai udah dipandiran doi' boko nabi Allah, huatan jam oca' kaitn moingant apo inyo boko rasul udah sampaian ko kaitn, ia'an boko porintah doi' Yesus Kristus, Ponyolamant huatan Tuhatn pucu' kito.

1 Yohanes 4:1

Boko somadikanku inyo tokasih, udah ado banya' nabi palsu di dunia ni'in. Obai nantaiam, jangannam pocayo agatn somuo urakng inyo mongatoan obai Roh Allah ado di inyo. Apo poriso'icam lobih holu ajaran sia' nantai pakai' mongotohu'i aman roh inyo ado di inyo boasal doi' Allah kata'an cado.

1 Yohanes 4:4

Apo, boko poana'anku, kaitn boasal doi' Allah. Kaitn udah mongalahan boko nabi palsu nantai. Obai, Roh Allah inyo ado di dalapm diri kaitn lobih bokuaso daripado roh Musuh Kristus inyo ado di dalapm dunia.

1 Yohanes 4:8

Urakng inyo co mongasihi urakng bukai, co mongonal Allah. Obai, Allah nam kasih.

1 Yohanes 5:19

Kito tohu obai kito boasal doi' Allah. Apo somuo urakng di dunia sia' ado di babah kuaso Rajo Sitatn inyo jahat.

Yudas 1:17

Apo, kaitn, boko somadikanku inyo ku kasihi, ingant cam pomandiran inyo komai udah dipadahan ko kaitn doi' boko rasul Yesus Kristus, Tuhatn inyo bokuaso.