1 Yohanes 4:5 - Porjanjian Boharu Torjomahan Baso Dilakng Soari-ari

⁵ Boko nabi palsu nantai boasal doi' dunia ni'in. Obai nantai, sia' bopandir mongona'i boko hal inyo ado di dunia ni'in huatan boko urakng inyo ado di dunia ni'in pocayo ko sia'.

1 Yohanes 4:5 ပူးပေါင်းရင်းမြစ်များ

Lukas 16:8

Lopas nian habakng nantai momuji bendahara inyo kinyo jujur nantai obai io cukup pandai, pakai' bodapat caro hidup lopas jadi ditongga'an.” Lalu Yesus monyimpulan. Kato-Nyo, “Boko urakng inyo jahat cukup pandai tohadap sosamonyo. Sia' lobih pandai daripado boko urakng inyo hidup dalapm torakng.

Yohanes 17:14

Udah-Ku padahannam ko sia' somuo pomandiran Duatn. Jadi boko urakng dunia bonci'an sia', obai sia' bukainyo umputn dunia, samo sama'an Aku inyo bukainyo umputn dunia jam.

Yohanes 17:16

Sia' bukainyo umputn dunia, samo sama'an Aku inyo bukainyo umputn dunia jam.

Yohanes 3:31

Urakng inyo datakng doi' sorugo urakng nanam inyo bokuaso doi' la'apo pan. Urakng inyo boasal doi' dunia ninam monsio biaso, ongkah bopandir mongona'i boko hal duniaam. Yesus datakng doi' sorugo. Sionam inyo bokuaso doi' la'apo pan.

Yohanes 8:23

Yesus bopandir ko sia', “Kaitn boasal doi' babah, apo Aku boasal doi' pucu'. Kaitn doi' dunia ni'in. Aku bukatnnyo doi' dunia ni'in.

2 Timotius 4:3

Obai paca'an datakng watunyo, boko urakng kinyo honda' monorima' ajaran inyo bondar. Sia' bayo monuruti kohonda' sia' siku' mo. Jadi, sia' paca'an mongumpulan boko guru inyo moajaran boko hal inyo nyamanam sia' dinga'.

Wahyu 12:9

(Nago bosar nantai ia'an ular inyo monipu doi' joman komai. Io jam disobut Si Iblis damo Rajo Sitatn. Io inyo monipu somuo urakng di dunia.) Io ditikapan ko bumi bososamo agatn somuo molekatnyo.