1 Yohanes 4:4 - Porjanjian Boharu Torjomahan Baso Dilakng Soari-ari

⁴ Apo, boko poana'anku, kaitn boasal doi' Allah. Kaitn udah mongalahan boko nabi palsu nantai. Obai, Roh Allah inyo ado di dalapm diri kaitn lobih bokuaso daripado roh Musuh Kristus inyo ado di dalapm dunia.

1 Yohanes 4:4 ပူးပေါင်းရင်းမြစ်များ

Yohanes 12:31

Watu ni'in udah gonapam watunyo dunia ni'in dihakipi. Watu ni'in jam, io inyo monguaso'i dunia ni'in, ia'an Rajo Sitatn, paca'an dikalahan.

Yohanes 14:30

Aku kinyo paca'an banya' bopandir agi' ko kaitn, obai io inyo monguaso'i dunia ni'in, ia'an Rajo Sitatn, tongahan datakng. Io kinyo bokuaso tohadap Aku,

Yohanes 16:11

Sio paca'an bulah sia' sadar mongona'i hukupan doi' Allah obai Rajo Sitatn inyo monguaso'i dunia ni'in udah dihukupam.

Yohanes 17:23

Ia'an, Aku bosatu agatn sia' huatan Duatn bosatu agatn Aku. Nantai oca' sia' monyatu agatn sompurna. Agatn caro ubo nian, lalu boko urakng di dunia monjadi tohu obai Duatn nam inyo udah moutus Aku. Boko urakng di dunia pan monjadi tohu obai Duatn mongasihi boko urakng inyo pocayo agatn Aku, samo agatn Duatn mongasihi Aku.

Roma 8:31

Aman kito bopikir mongona'i somuonyo nantai, la'apo inyo ulih kito pandiran? Aman Allah di pihak kito, conyiant ado la'apo pan inyo ulih mongalahan kito!

Roma 8:37

Apo, somuonyo nantai culih mongalahan kito obai Kristus inyo mongasihi kito bulah kito bondar-bondar monang.

1 Korintus 2:12

Jadi, kito kinyo monorima' roh inyo boasal doi' dunia ni'in. Molaitan kito monorima' Roh Allah. Agatn sama'an nian, kito ulih mongoroti somuo koboi'an inyo dionju' Allah ko kito.

1 Korintus 6:13

Pomakatn dipulah pakai' moisi'i porut kito. Porut kito dipulah pakai' mooso'i pomakatn: Apo Allah paca'an mohancuran kododuonyo. Allah co bulah bukakng-tubuh kito pakai' bomporajoan. Bukakng-tubuh kito dipulah pakai' molabuhan boko hal inyo monyonangan Tuhatn Yesus. Tuhatn inyo monguaso'i bukakng-tubuh kito.

2 Korintus 4:4

ia'an boko urakng inyo kinyo honda' pocayo. Rajo Sitatn, inyo monguaso'i dunia ni'in, udah bulah sia' co mongoroti. Io bulah mato hati sia' monjadi buto oca' sia' co moniant cohayo, ia'an Kabar Boi' mongona'i Kristus inyo mulia, Kristus inyo nianam samo agatn rupo Allah.

2 Korintus 6:16

Co mungkitn Rumah Allah bohubukan agatn berhala. Allah hala ada'an di antaro kito. Jadi, kito samo sama'an Rumah umputn Allah inyo hidup. Samo sama'an pandir Allah inyo ditulis di Buku Suci, “Aku tajahan diapm di antaro sia'. Aku tajahan hidup bosamo-samo agatn sia'. Aku tajahan monjadi Allah sia'. Sia' tajahan monjadi umant-Ku.”

Efesus 2:2

Watu nantai, caro hidup kaitn samo sama'an boko urakng di dunia ni'in inyo kinyo mongonal Allah. Kaitn tuyut Rajo Sitatn inyo bokuaso di langit di pucu' somuo kuaso jahat. Io ia'an roh inyo bokorojo dalapm hati boko urakng inyo kinyo monaati Allah.

Efesus 3:17

Agatn sama'an nantai Kristus hala diapm dalapm hati kaitn obai kaitn pocayo ko Sio. Kasih-Nyo monjadi dasar kohidupan kaitn huatan mombulah kaitn mongkitn kuat.

Efesus 6:10

Jadi, kohonda'nyo kaitn monjadi kuat agatn kokuatan inyo kaitn dapatan doi' kuaso Tuhatn, obai kaitn bosatu agatn Sio.

1 Yohanes 2:1

Boko poana'anku! Aku monulis somuo ni'in ko kaitn oca' kaitn jangan bulah dosa. Apo, aman ado di antaro kito inyo bulah dosa, kito ado siku' urakng inyo monulukng kito di hadapan Allah. Urakng nantai ia'an Yesus Kristus inyo adil.

1 Yohanes 2:13

Pombopaian! Aku monulisan ni'in ko kaitn obai kaitn udah mongonal Yesus Kristus, ia'an Sio inyo udah ado sobolupm dunia dipulah. Boko urakng muda'! Aku monulis ni'in ko kaitn obai kaitn udah mongalahan inyo jahat.

1 Yohanes 3:20

Biar pan mungkitn hati kito honda' monyalahan kito, aman kito bondar-bondar mongasihi urakng bukai, kito totap tenang di hadapan Allah. Obai, Sio lobih bosar daripado hati kito. Sio mongotohu'i boko la'apo pan.

1 Yohanes 3:24

Urakng inyo monuruti boko porintah-Nyo, io hidup bosatu agatn Allah, huatan Allah hidup bosatu agatn io. Kito tohu obai Allah hidup bosatu agatn kito obai ni'in: Sio udah moonju' Roh-Nyo ko kito.

1 Yohanes 4:13

Ninam caronyo kito tohu obai kito bosatu agatn Allah, huatan Allah bosatu agatn kito: Ia'an nantai obai Allah udah moonju' Roh-Nyo ko kito.

1 Yohanes 4:16

Kito udah tohu huatan udah pocayo obai Allah mongasihi kito. Allah nam kasih. Jadi, urakng inyo hala mongasihi Sio ongko urakng bukai, urakng nantai hidup bosatu agatn Allah huatan Allah bosatu agatn io.

1 Yohanes 4:6

Apo, koi boasal doi' Allah. Urakng inyo mongonal Allah, monorima' ajaran koi. Urakng inyo co boasal doi' Allah, kinyo monorima' ajaran koi. Ubo nianam caronyo kito mongotohu'i pobedaan roh inyo ado di urakng nantai ia'an Roh Allah inyo monunju'an somuo inyo bondar ongko roh bukai inyo mombaba' ajaran kinyo bondar.

1 Yohanes 5:19

Kito tohu obai kito boasal doi' Allah. Apo somuo urakng di dunia sia' ado di babah kuaso Rajo Sitatn inyo jahat.

1 Yohanes 5:4

obai somuo ana' Allah ulih mongalahan kojahatan di dunia ni'in. Kito ulih molabuhan nantai obai kito pocayo ko Yesus Kristus.

Wahyu 12:11

Boko somadikan kito udah mongalahannyo agatn darah Ana' Domba nantai, huatan agatn borito inyo bondar doi' Allah inyo sia' boritoan. Sia' sanggup mongurbatan diri sia' sampai mati.