1 Yohanes 4:21 - Porjanjian Boharu Torjomahan Baso Dilakng Soari-ari

²¹ Nianam porintah inyo kito torima' doi' Sio: Urakng inyo mongasihi Allah, io gola' mongasihi somadikannyo.

1 Yohanes 4:21 ပူးပေါင်းရင်းမြစ်များ

Matius 5:43

“Kaitn udah mondinga' porintah Allah ni'in: Kasihicam sosamo kaitn huatan bonci'cam musuh kaitn.

Lukas 10:37

Timbas Guru Agama Yahudi nantai, “Urakng inyo udah monulukng urakng nantai.” “Nah,” kato Yesus, “Dalapm kohidupan kolai pan pulah ubo nantai jam!”

Yohanes 15:12

Ni'in porintah-Ku: Kaitn gola' totap hala mongasihi, samo sama'an Aku mongasihi kaitn.

Galatia 5:14

Obai somuo porintah ongko poraturan Allah di buku Hukupm Torat tocakup dalapm sobuti' porintah, “Kasihicam sosamo kolai sama'an kolai mongasihi diri kolai siku'.”

Galatia 5:6

Obai, hal bosunant kata'an kinyo bosunant co nyiant bedanyo di kito inyo ado di dalapm Kristus Yesus. Inyo pontikng ia'an aman kito pocayo ko Yesus huatan kopocaya'an nantai monyurukan kito pakai' mongasihi urakng bukai.

1 Tesalonika 4:9

Ni'inan, mongona'i hal mongasihi boko somadikan bukai inyo pocayo ko Yesus. Koi kinyo pontikng monulis surat agi' mongona'i hal nantai obai Allah udah mongajar kaitn pakai' hala mongasihi.

1 Petrus 3:8

Kosimpulannyo, kaitn somuo gola' bosatu dalapm hati huatan pikiran, hala mohibur inyo bukai, hala mongasihi agatn boi' hati ko boko somadikan kaitn inyo bukai, huatan jangan buhau.

1 Petrus 4:8

Inyo kotakan pontikng, kaitn gola' bobondar hala mongasihi. Obai, urakng inyo mongasihi ulih moamputi boko kosalahan.

1 Yohanes 2:7

Boko somadikan inyo ku kasihi! Inyo ku tulis ko kaitn bukatnnyo porintah boharu. Apo porintah ni'in ia'an porintah inyo udah manaham disampaian ko kaitn doi' mulonyo. Porintah nantaiam Pomandiran Allah inyo kalo kaitn dinga' komainyo.

1 Yohanes 3:11

Ninam borito inyo udah kaitn dinga' tangga'i mulonyo, ia'an nantai obai kito gola' hala mongasihi.

1 Yohanes 3:14

Apo kito mongasihi somadikan kito. Obai nantai, kito tohu obai kito kinyo dikuaso'i komatian agi', apo kito udah borubah. Kito mondapat'an hidup inyo sobondarnyo. Urakng inyo co mongasihi, rotinyo io ija' dikuaso'i komatian.

1 Yohanes 3:18

Poana'anKu! Jangannam kito bayo bopandir obai kito mongasihi urakng bukai damo bopandir mongona'i kasih ja'am. Apo kohonda'nyo kito bondar-bondar mongasihi agatn porbuatan ongko dalapm kobondaran.

1 Yohanes 3:23

Ninam porintah-Nyo: Kito gola' pocayo agatn damo Ana'-Nyo, ia'an Yesus Kristus. Huatan kito gola' hala mongasihi sosuai agatn porintah inyo Sio onju' ko kito.

1 Yohanes 4:11

Boko somadikanku inyo tokasih, obai Allah kotakng mongasihi kito, jadi kito pan gola' hala mongasihi.