1 Yohanes 4:17 - Porjanjian Boharu Torjomahan Baso Dilakng Soari-ari

¹⁷ Agatn ubo ni'inan kito paca'an tohu aman kito bondar-bondar ado kasih Allah di dalapm hati kito: Ia'an nantai aman kito co gola'an Ari Ponghakipan nononyo. Kito jangan gola'am obai di dunia ni'in kito hidup agatn caro inyo samo sama'an Kristus.

1 Yohanes 4:17 ပူးပေါင်းရင်းမြစ်များ

1 Yohanes 4:12

Conyiant ado siku' urakng pan inyo kalo moniant Allah. Apo, aman kito hala mongasihi, jadi Allah bosatu agatn kito, huatan kito bondar-bondar ado kasih Allah dalapm hati kito.

1 Yohanes 2:28

Jadi, poana'anku! Kaitn gola' hidup bosatu agatn Kristus, oca' Sio datakng nononyo agi', kito co gola' huatan co malu mohadap Sio.

1 Yohanes 3:3

Somuo urakng inyo yakitn moharapan obai Sio paca'an mombulah nantai tojadi, sia' monjago diri oca' co bulah dosa samo sama'an Sio co bulah dosa.

1 Yohanes 2:5

Apo urakng inyo monuruti Pomandiran Allah, urakng nantai bondar-bondar ado kasih Allah di dalapm hatinyo. Hal nantai monunju'an obai kito hidup bosatu agatn Allah

Roma 8:29

Doi' komai, Allah udah tohu sopo inyo tajahan dipilih Sio. Doi' komai, Sio pan udah momutusan oca' sia' monjadi sorupo agatn Ana'-Nyo, Yesus. Agatn ubo nantai, Yesus monjadi Ana'-Nyo inyo potamo di antaro banya' somadikan.

Yohanes 15:20

Ingantcam pomandiran-Ku ni'in ko kaitn komai: Siku' urakng hulutn kinyo lobih pontikng doi' habakngnyo. Aman sia' udah mondorako'i Aku, jadi sia' pan paca'an mondorako'i kaitn. Apo aman sia' monuruti pomandiran-Ku, jadi sia' pan paca'an monuruti pomandiran kaitn.

1 Yohanes 3:1

Porotianbo, kotakan bosar kasih Allah Bopai ko kito, obai nantai kito disobut poana'an-Nyo! Memang sobondarnyo kito ninam poana'an Allah. Obai, boko urakng di dunia ni'in co mongonal kito obai dunia co mongonal Sio.

2 Petrus 3:7

Apo, Allah mongombolo langit ongko bumi inyo ado watu ni'in agatn Pomandiran-Nyo jam. Sio mongombolo somuonyo nantai sampai watu Sio mohukupmnyo agatn api, ongko mombonasoan boko urakng inyo kinyo taat ko Sio.

2 Petrus 2:9

Obai Tuhatn udah molabuhan somuonyo nantai, jadi udah jolas Sio tohu caronyo monyolamant'an boko urakng bondar doi' ajab sonsaro di antaro boko urakng jahat. Tuhatn jam tohu caronyo mohukupm boko urakng jahat sampai hukupan toahir timpu ari Ponghakipan nononyo,

Yakobus 2:22

Jadi, udah jolas Abrahapm bukatn bayo pocayo ko Allah, apo molabuhan porbuatan inyo monyonangan Allah jam. Porbuatan Abrahapm monunju'an obai io bondar-bondar pocayo.

Matius 12:36

Jadi, dinga'anbo ni'in: Timpu Ari Ponghakipan Allah nononyo, sotiap urakng gola' botanggukng jawab agatn sotiap pomandiran inyo kalo dipandirannyo agatn sombarakan.

Matius 11:24

Dinga'anbo! Timpu Ari Ponghakipan Allah nononyo, hukupan ko kaitn di Kapernaum paca'an lobih borat daripado hukupan ko boko urakng jahat di Sodom nantai.”

Matius 11:22

Dinga'anbo! Timpu Ari Ponghakipan Allah nono, hukupan ko kaitn di Khorazim huatan Betsaida paca'an lobih borat daripado hukupan ko boko urakng jahat di Tirus ongko Sidon nantai.

Matius 10:25

Udah cukup aman siku' urakng murid monjadi samo sama'an gurunyo huatan siku' urakng hulutn monjadi samo sama'an habakngnyo. Aku ni'in pomimpitn kaitn huatan sia' udah moningkau Aku sobagai Rajo Sitatn. Jadi, pasti paca'an mompolakuan kaitn agatn lobih jahat agi'!.”

Matius 10:15

Dinga'ancam ni'in! Hukupan inyo sia' torima' watu Ari Ponghakipan paca'an lobih borat doi' hukupan ko kota Sodom agatn Gomora di joman komai.”

Yakobus 2:13

Watu ari ponghakipan Allah co paca'an monunju'an koboi'an ko urakng inyo co monunju'an koboi'an. Apo, boko urakng inyo monunju'an koboi'an, sia' co gola' dihukupm.

Yohanes 17:22

Aku udah moonju' komulia'an ko sia', ia'an komulia'an inyo Duatn onju' ko Aku nam. Aku moonju' komulia'an nantai oca' sia' bosatu, samo agatn Kito ni'in siku'mo.

Ibrani 9:27

Allah udah monontuan monsio mati sokali mo. Lopas nantai, sia' dihakipi.

1 Yohanes 2:6

Urakng inyo mongatoan obai io hidup bosatu agatn Allah, urakng nantai gola' hidup agatn caro samo sama'an Yesus Kristus.

1 Yohanes 3:7

Boko poana'anku! Jangan pocayo agatn ajarannyo salah doi' sopo pan. Urakng inyo hidup bondar di hadapan Allah nianam urakng inyo bondar, samo sama'an Kristus ia'an bondar.