1 Yohanes 4:16 - Porjanjian Boharu Torjomahan Baso Dilakng Soari-ari

¹⁶ Kito udah tohu huatan udah pocayo obai Allah mongasihi kito. Allah nam kasih. Jadi, urakng inyo hala mongasihi Sio ongko urakng bukai, urakng nantai hidup bosatu agatn Allah huatan Allah bosatu agatn io.

1 Yohanes 4:16 ပူးပေါင်းရင်းမြစ်များ

1 Yohanes 3:24

Urakng inyo monuruti boko porintah-Nyo, io hidup bosatu agatn Allah, huatan Allah hidup bosatu agatn io. Kito tohu obai Allah hidup bosatu agatn kito obai ni'in: Sio udah moonju' Roh-Nyo ko kito.

1 Yohanes 3:1

Porotianbo, kotakan bosar kasih Allah Bopai ko kito, obai nantai kito disobut poana'an-Nyo! Memang sobondarnyo kito ninam poana'an Allah. Obai, boko urakng di dunia ni'in co mongonal kito obai dunia co mongonal Sio.

1 Yohanes 3:16

Apo kito udah mongotohu'i caro pakai' mongasihi urakng bukai doi' contoh ni'in: Yesus Kristus monyorahan hidup-Nyo pakai' monyolamant'an kito. Jadi, kito pan gola' rela monyorahan hidup kito pakai' boko somadikan kito.

1 Korintus 2:9

Apo sama'an inyo ditulis dalapm Buku Suci, “Allah jadi monyiap'an boko hal pakai' boko urakng inyo mongasihi Sio. Apo kinyo kalo ado urakng inyo moniant boko hal nantai. Kinyo kalo mombayakan boko hal nantai.”

Yohanes 6:69

Koi pocayo huatan mongotohu'i obai Duatn nianam Inyo Suci doi' Allah!”

Yohanes 9:3

Timbas Yesus, “Io buto bukainyo obai dosanyo siku' damo obai dosa urakng tuhonyo. Apo io buto oca' boko urakng ulih moniant lapo inyo paca'an tojadi agatn io, ia'an oca' boko urakng ulih moniant boko pokoroja'an Allah.

1 Yohanes 4:7

Boko somadikanku inyo tokasih, marabo kito hala mongasihi. Obai, kasih boasal doi' Allah. Urakng inyo mongasihi siku'-monyiku' nianam ana' Allah, huatan io mongonal Allah.