1 Yohanes 4:13 - Porjanjian Boharu Torjomahan Baso Dilakng Soari-ari

¹³ Ninam caronyo kito tohu obai kito bosatu agatn Allah, huatan Allah bosatu agatn kito: Ia'an nantai obai Allah udah moonju' Roh-Nyo ko kito.

1 Yohanes 4:13 ပူးပေါင်းရင်းမြစ်များ

1 Korintus 2:12

Jadi, kito kinyo monorima' roh inyo boasal doi' dunia ni'in. Molaitan kito monorima' Roh Allah. Agatn sama'an nian, kito ulih mongoroti somuo koboi'an inyo dionju' Allah ko kito.

1 Korintus 6:19

Co tohu bai kaitn aman bukakng-tubuh kaitn masikng-masikng samo sama'an rumah pakai' Roh Allah. Huatan Roh Allah udah moonji'i Roh-Nyo pakai' bodiapm dalapm kaitn. Rotinyo kaitn bukai umputn kaitn siku' agi'.

1 Yohanes 2:3

Aman kito monaati boko porintah Allah, hal nantai monunju'an obai kito bondar-bondar mongonal Sio.

1 Yohanes 2:5

Apo urakng inyo monuruti Pomandiran Allah, urakng nantai bondar-bondar ado kasih Allah di dalapm hatinyo. Hal nantai monunju'an obai kito hidup bosatu agatn Allah

1 Yohanes 3:24

Urakng inyo monuruti boko porintah-Nyo, io hidup bosatu agatn Allah, huatan Allah hidup bosatu agatn io. Kito tohu obai Allah hidup bosatu agatn kito obai ni'in: Sio udah moonju' Roh-Nyo ko kito.