1 Yohanes 3:7 - Porjanjian Boharu Torjomahan Baso Dilakng Soari-ari

⁷ Boko poana'anku! Jangan pocayo agatn ajarannyo salah doi' sopo pan. Urakng inyo hidup bondar di hadapan Allah nianam urakng inyo bondar, samo sama'an Kristus ia'an bondar.

1 Yohanes 3:7 ပူးပေါင်းရင်းမြစ်များ

Matius 5:20

Dinga'anbo ni'in: Kaitn gola' hidup bujur bondar di hadapan Allah, lobih daripado boko guru agama Yahudi, huatan lobih daripado pomimpitn agama Yahudi doi' kolompok Farisi. Aman cado, kaitn kinyo paca'an mansu' ko dalapm Koraja'an Sorugo.”

Lukas 1:75

monyombah Sio huatan hala monjouhan diri doi' dosa, ongko molabuhan hal inyo boi' di hadapan Tuhatn, soumur hidup kito.”

Kisah Boko Rasul 10:35

Apo Allah monorima' boko urakng doi' banso mono ja'. Allah paca'an monorima' boko urakng aman sia' mohormati Sio huatan molabuhan inyo bondar.

Roma 2:13

Apo urakng monjadi bondar di hadapan Allah bukai obai mondinga' Hukupm Torat, apo obai monaati Hukupm Torat nantai.

1 Korintus 6:9

Kaitn gola' tohu boko urakng inyo co hidup bujur bondar di hadapan Allah, sia' co paca'an bodapat bagian dalapm Koraja'an Allah! Kaitn gola' sobondarannyo yakitn boko hal ni'in. Boko urakng inyo pombontina', boko urakng inyo monyombah lompatukng, boko urakng inyo bomporajoan, boko urakng inyo bokohonda'an agatn sosamo jonis,

Efesus 5:6

Jangan totipu aman ado urakng inyo monyampaian ajaran inyo bukainyo doi' nantai. Pomandirannyo kinyo bondar. Obai, pastiam Allah paca'an mohukupm boko urakng inyo molabuhan somuo macapm porbuatan jahat nantai, ia'an boko urakng inyo kinyo taat ko Sio.

Efesus 5:9

Obai ni'inan, hasil doi' caro hidup dalapm torakng nantai: urakng nantai bulah koboi'an, bondar di hadapan Allah, huatan moikuti ajaran inyo bondar.

Filipi 1:11

Hidup kaitn tajahan molimpah agatn porbuatan inyo bondar-bondar boi' inyo ongkah ulih dihasilan Yesus Kristus. Jadi Allah tajahan dipuji ongko dimuliaan.

Ibrani 1:8

Apo Allah bopandir dinga' ni'in mongona'i Ana'-Nyo, “Duatn, oi Allah, momorintah di pucu' tahta Duatn somanah-manahnyo. Duatn momorintah agatn adil di dalapm Koraja'an Duatn.

Ibrani 7:2

Lopas nantai, Abrahapm moonju' ko Melkisedek populuhan doi' somuo bando barakng inyo dirampas io watu boparakng nantai. Damo Melkisedek potamo-tamo boroti ‘rajo inyo bulah inyo bondar’. Ongko damo bukainyo ia'an ‘rajo inyo mombaba' sonang-asau’ obai io ia'an rajo Salem huatan Salem rotinyo ‘sonang-asau’.

Yakobus 1:22

Jadi, kaitn gola' monaati Pomandiran-Nyo. Jangan ongkah mondinga'annam, obai aman ubo nian kaitn monipu diri kaitn siku'.

Yakobus 2:19

Kolai mongatoan obai kolai pocayo ongkah ado siku' Allaham. Nian boi'! Apo cubo bopikir. Boko roh jahat pan pocayo sama'an kolai jam! Huatan hal nian bulah boko roh jahat nantai bogogora'.

1 Petrus 2:24

Kristus siku' pan udah monanggukng hukupan dosa kito watu Sio mati di kayu salib. Sio molabuhan nantai oca' kito jangan bulah dosa agi', oca' kito dapat hidup agatn caro inyo bondar di hadapan Allah. Obai boko luko Kristus, kaitn monjadi nyamanam.

1 Yohanes 2:1

Boko poana'anku! Aku monulis somuo ni'in ko kaitn oca' kaitn jangan bulah dosa. Apo, aman ado di antaro kito inyo bulah dosa, kito ado siku' urakng inyo monulukng kito di hadapan Allah. Urakng nantai ia'an Yesus Kristus inyo adil.

1 Yohanes 2:26

Aku monulis somuo nantai ko kaitn oca' kaitn boboi' cam ko boko urakng inyo bousaha monipu kaitn agatn ajaran inyo salah.

1 Yohanes 2:29

Kaitn tohuam obai Kristus hidup bondar di hadapan Allah. Jadi, kaitn pan tohu obai sotiap urakng inyo hidup bondar nian ia'an ana' Allah.

1 Yohanes 3:18

Poana'anKu! Jangannam kito bayo bopandir obai kito mongasihi urakng bukai damo bopandir mongona'i kasih ja'am. Apo kohonda'nyo kito bondar-bondar mongasihi agatn porbuatan ongko dalapm kobondaran.

1 Yohanes 3:3

Somuo urakng inyo yakitn moharapan obai Sio paca'an mombulah nantai tojadi, sia' monjago diri oca' co bulah dosa samo sama'an Sio co bulah dosa.

1 Yohanes 4:17

Agatn ubo ni'inan kito paca'an tohu aman kito bondar-bondar ado kasih Allah di dalapm hati kito: Ia'an nantai aman kito co gola'an Ari Ponghakipan nononyo. Kito jangan gola'am obai di dunia ni'in kito hidup agatn caro inyo samo sama'an Kristus.