1 Yohanes 3:23 - Porjanjian Boharu Torjomahan Baso Dilakng Soari-ari

²³ Ninam porintah-Nyo: Kito gola' pocayo agatn damo Ana'-Nyo, ia'an Yesus Kristus. Huatan kito gola' hala mongasihi sosuai agatn porintah inyo Sio onju' ko kito.

1 Yohanes 3:23 ပူးပေါင်းရင်းမြစ်များ

Matius 22:39

Samo sama'an porintah nantai, ado porintah koduo inyo samo pontikngnyo, ia'an, ‘Kasihicam sosamo kaitn sama'an kaitn mongasihi diri kaitn siku'.’

Markus 9:7

Lopas nantai, ado awatn datakng monungkau'i sia'. Ongko Allah bopandir doi' dalapm awatn nantai, “Ninam Ana'-Ku inyo kotakng kokidah Ku. Pondinga'ancam Io!”

Yohanes 1:12

Apo ko somuo urakng inyo monorima'-Nyo, ia'an somuo urakng inyo pocayo ko Sio, Sio moonji'i hak ko sia' pakai' monjadi boko poana'an Allah.

Yohanes 13:34

Aku moonji'i porintah boharu ko kaitn: Kaitn gola' hala mongasihi siku'-monyiku'. Samo sama'an Aku udah mongasihi kaitn, sama'an nian jam kaitn gola' hala mongasihi siku'-monyiku'.

Yohanes 14:1

Lalu Yesus bopandir ko boko murid-Nyo, “Jangannam hati kaitn golisah! Pocayocam ko Allah. Pocayocam ko aku.

Yohanes 15:12

Ni'in porintah-Ku: Kaitn gola' totap hala mongasihi, samo sama'an Aku mongasihi kaitn.

Yohanes 17:3

Ninam hidup inyo kokal, ia'an obai sia' mongonal ongkah Duatam Allah inyo bondar, huatan pan obai sia' mongonal Yesus Kristus inyo udah Duatn utus.

Yohanes 2:23

Somanah Pogai Paskah nantai dirayoan, Yesus ada'an di Yerusalem. Sio mombulah boko mujisat sobagai tando inyo monunju'an sopo Sio sobondarnyo. Jadi, banya' urakng pocayo ko Sio obai sia' moniant boko mujisat-Nyo nantai.

Yohanes 3:18

Boko urakng inyo pocayo ko Sio, sia' co dihukupm. Apo boko urakng inyo co pocayo ko Sio, udah ado koputusan sia' paca'an dihukupm, obai sia' co pocayo ko damo Ana' Allah inyo tunggal.

Yohanes 6:29

Timbas Yesus ko sia', “Ni'in pokoroja'an inyo dikohonda'i Allah: ia'an oca' kaitn pocayo ko Io inyo udah diutus Allah.”

Kisah Boko Rasul 16:31

Kato sia', “Pocayocam ko Tuhatn Yesus, ongko kolai paca'an disolamant'an. Ubo nian jam soharusnyo dilabuhan ulih somuo urakng inyo tinggal di dalapm rumah kolai.”

Efesus 5:2

Kaitn gola' mongasihi urakng bukai samo sama'an Kristus udah mongasihi kaitn ia'an Sio monyorahan diri-Nyo monjadi kurbatn posombahan pakai' monanggukng hukupan dosa kito. Sio monjadi posombahan harupm inyo monyonangan Allah.

1 Tesalonika 4:9

Ni'inan, mongona'i hal mongasihi boko somadikan bukai inyo pocayo ko Yesus. Koi kinyo pontikng monulis surat agi' mongona'i hal nantai obai Allah udah mongajar kaitn pakai' hala mongasihi.

1 Timotius 1:15

Pomandiran ni'in memang bondar huatan gola' dipocayo bobondar: Kristus Yesus udah datakng ko dunia ni'in pakai' monyolamant'an boko urakng bodosa. Di antaro boko urakng bodosa, aku ninam inyo kotakng jahat.

1 Petrus 1:22

Obai kaitn monaati kobondaran, kaitn udah monjadi suci di hadapan Allah. Jadi, kaitn dapat mongasihi somadikan kaitn inyo sosamo pocayo, agatn hati tulus. Obai nantai, kaitn gola' bobondar hala mongasihi agatn soponuh hati.

1 Petrus 4:8

Inyo kotakan pontikng, kaitn gola' bobondar hala mongasihi. Obai, urakng inyo mongasihi ulih moamputi boko kosalahan.

1 Yohanes 2:7

Boko somadikan inyo ku kasihi! Inyo ku tulis ko kaitn bukatnnyo porintah boharu. Apo porintah ni'in ia'an porintah inyo udah manaham disampaian ko kaitn doi' mulonyo. Porintah nantaiam Pomandiran Allah inyo kalo kaitn dinga' komainyo.

1 Yohanes 3:11

Ninam borito inyo udah kaitn dinga' tangga'i mulonyo, ia'an nantai obai kito gola' hala mongasihi.

1 Yohanes 4:15

Urakng inyo mongaku'i Yesus nam Ana' Allah, jadi Allah bosatu agatn urakng nantai huatan urakng nantai hidup bosatu agatn Allah.

1 Yohanes 4:21

Nianam porintah inyo kito torima' doi' Sio: Urakng inyo mongasihi Allah, io gola' mongasihi somadikannyo.

1 Yohanes 5:13

Aku monulis surat ni'in ko kaitn inyo pocayo ko damo Ana' Allah. Ku tulis oca' kaitn tohu obai kaitn udah bodapat kohidupan kokal.