1 Yohanes 3:17 - Porjanjian Boharu Torjomahan Baso Dilakng Soari-ari

¹⁷ Sopo pan inyo hidupnyo dampu, huatan io pan moniant somadikannyo jaro uyuh, apo io co honda' monulukng urakng nantai, ubo apo kasih Allah ado dalapm dirinyo!

1 Yohanes 3:17 ပူးပေါင်းရင်းမြစ်များ

Ibrani 13:16

Jangan kolupatn bulah koboi'an ongko monulukng urakng bukai, obai boko hal nantai samo sama'an kurbatn posombahan jam inyo monyonangan hati Allah.

1 Yohanes 4:20

Aman ado urakng inyo bopandir, “Aku mongasihi Allah,” apo urakng nantai bonci'an somadikannyo, jadi urakng nantai bulah kotumbukan. Obai, urakng inyo co mongasihi somadikannyo inyo kotiat'an, co mungkitn io ulih mongasihi Allah inyo kinyo kotiat'an.

Lukas 3:11

Yohanes monimbas, “Urakng inyo ado duo lambai' baju, gola' moonji'i solamba'i ko urakng inyo conyiant ado bajunyo. Huatan urakng inyo ado pomakatn, gola' bobagi ko urakng inyo conyiant pomakatnnyo.”

Yakobus 2:15

Umpamonyo, ado somadikan kaitn inyo kokurakan pomakatn agatn pakai'an soari-ari.

2 Korintus 8:9

Kaitn pan mongotohu'i obai Tuhatn kito, Yesus Kristus, monunju'an koboi'an-Nyo ko kaitn. Ia'an nantai, Sio moninggalan kodampuan-Nyo di sorugo lalu monjadi jaro. Sio monjadi jaro oca' kaitn ulih monjadi dampu agatn banya' borokat doi' Allah.

1 Yohanes 5:1

Urakng inyo pocayo obai Yesus nam Kristus, Rajo Inyo Dijanjian Allah, urakng nantai am ana' Allah. Urakng inyo mongasihi Allah Bopai, mongasihi poana'an Allah jam.

Yakobus 2:16

Lalu, ado di antaro kaitn inyo ongkah mongatoan ko io, “Solamant jalatn! Aku boharap kolai co kodinginan huatan co kolaparan.” Pomandiran kolai kinyo boguno aman kolai co monulukng urakng nian agatn kopontikannyo.