1 Yohanes 3:16 - Porjanjian Boharu Torjomahan Baso Dilakng Soari-ari

¹⁶ Apo kito udah mongotohu'i caro pakai' mongasihi urakng bukai doi' contoh ni'in: Yesus Kristus monyorahan hidup-Nyo pakai' monyolamant'an kito. Jadi, kito pan gola' rela monyorahan hidup kito pakai' boko somadikan kito.

1 Yohanes 3:16 ပူးပေါင်းရင်းမြစ်များ

Efesus 5:2

Kaitn gola' mongasihi urakng bukai samo sama'an Kristus udah mongasihi kaitn ia'an Sio monyorahan diri-Nyo monjadi kurbatn posombahan pakai' monanggukng hukupan dosa kito. Sio monjadi posombahan harupm inyo monyonangan Allah.

Yohanes 13:34

Aku moonji'i porintah boharu ko kaitn: Kaitn gola' hala mongasihi siku'-monyiku'. Samo sama'an Aku udah mongasihi kaitn, sama'an nian jam kaitn gola' hala mongasihi siku'-monyiku'.

Yohanes 3:16

Obai, Allah kotakng mongasihi boko urakng di dunia ni'in. Sampai, Sio udah monyorahan Ana'-Nyo inyo tunggal. Allah molabuhan nantai, oca' somuo urakng inyo pocayo ko Ana'-Nyo, sia' co bonaso di noraka, apo sia' dapat hidup somanah-manahnyo di sorugo.

Roma 5:8

Apo, Allah monunju'an kasih-Nyo ko kito agatn caro ni'in: Timpu kito ija' urakng bodosa, Kristus mati pakai' kito.

Wahyu 1:5

Ongko doi' Yesus Kristus, inyo monyatoan kobondaran Allah agatn sotia. Hoyu' Sio nam urakng inyo hidup agi' doi' komatian. Sionam Rajo inyo bokuaso doi' somuo rajo di dunia. Topuji am Yesus inyo mongasihi kito. Sio mombebasan kito doi' dosa kito, obai Sio mombayar agatn darah-Nyo siku' timpu Sio mati di kayu salib.

1 Petrus 3:18

Obai, Kristus udah mati sokali pakai' somuo dosa kito. Sio kinyo bodosa, apo Sio mati pakai' boko urakng inyo bodosa oca' Sio mombimbikng kito ko Allah. Sio inyo udah dibunuh dalapm koadaan-Nyo sobagai monsio, apo Roh Allah mombulah Sio hidup agi'.

Matius 20:28

Kaitn gola' tuyut toladatn Ana' Monsio. Sio datakng ko dunia ni'in bukainyo pakai' dilayati boko urakng, apo pakai' molayati boko urakng bukai. Sio paca'an monyorahan diri sampai mati. Agatn caro nantai, Sio monobus dosa urakng banya'.”

Kisah Boko Rasul 20:28

Kaitn gola' monjago diri kaitn huatan urakng bukai inyo udah pocayo agatn Yesus oca' totap pocayo. Allah udah monobus monsio doi' hukupan dosa agatn darah-Nyo sikuꞌ. Jadi, sia' udah monjadi umant Allah siku'. Kaitn udah dipilih Roh Allah pakai' momimpitn sia' nantai. Obai nantai, kaitn gola' monjago sia' samo sama'an gombala monjago kabatn dombanyo.

Efesus 5:25

Ko somuo lolaki inyo udah kawitn aku momandiran: kaitn gola' mongasihi bini kaitn samo sama'an Kristus udah mongasihi boko urakng pocayo. Sio monyorahan diri-Nyo sampai mati

Titus 2:13

kapikng kito monantian ari kodatakan Allah inyo Maho Kuaso ongko Ponyolamant kito, Yesus Kristus, ia'an ari inyo kito harapan agatn rindakng-rigah,

Roma 16:4

Sia' kalo hampir mati obai honda' monyolamant'an hidupku. Aku botorima' kasih ko sia'. Malahan, somuo jomaat urakng bukainyo urakng Yahudi botorima' kasih ko sia'.

1 Yohanes 2:6

Urakng inyo mongatoan obai io hidup bosatu agatn Allah, urakng nantai gola' hidup agatn caro samo sama'an Yesus Kristus.

Filipi 2:17

Apo, aku tajahan totap sonang-nyamanam aman aku dibunuh. Obai, kaitn pocayo ko Kristus ongko hidup molayati-Nyo. Kaitn monjadi samo sama'an kurbatn posombahan ko Allah. Aman aku dibunuh, rotinyo darahku ditumpahan di pucu' posombahan kaitn nantai. Jadi, aku sonang-nyamanam ongko aku tuyut sonang-nyamanam jam agatn kaitn.

Wahyu 5:9

Sia' monyanyian nyanyian boharu pakai' momuji Ana' Domba nantai. Kato sia', “Duatn inyo cucu' monorima' gulukan buku nian lalu molopasan boko segelnyo. Obai, Duatn udah disombolih; Agatn darah Duatn siku', Duatn udah mombayar hukupan dosa boko urakng doi' sotiap suku, sotiap baso, sotiap banso, sotiap negara. Duatn molabuhan nantai pakai' bulah sia' monjadi umant umputn Allah.

1 Petrus 2:24

Kristus siku' pan udah monanggukng hukupan dosa kito watu Sio mati di kayu salib. Sio molabuhan nantai oca' kito jangan bulah dosa agi', oca' kito dapat hidup agatn caro inyo bondar di hadapan Allah. Obai boko luko Kristus, kaitn monjadi nyamanam.

1 Petrus 1:18

Kaitn udah ditobus-Nyo oca' kaitn dibebasan doi' caro hidup inyo sia-sia, ia'an caro hidup inyo angki-bayatn kaitn ajaran ko kaitn. Tobusan nantai dibayar bukainyo agatn barakng inyo mudah rusa' sama'an pira' damo omas.

Filipi 2:30

Io hampir mati obai io bokorojo pakai' Kristus. Io rela mati somanah io mowakili kaitn pakai' monulukngku.

Yohanes 10:11

Aku ninam pongombolo inyo boi'. Pongombolo inyo boi' monyorahan hidupnyo pakai' monyolamant'an boko dombanyo.

1 Tesalonika 2:8

Koi kotakan mongasihi kaitn. Jadi, koi kotakan sonang momboritoan ko kaitn Kabar Boi' doi' Allah. Apo bukainyo bayo nantai. Koi pan kotakan sonang bulah la'apo aja' pakai' monulukng kaitn.

1 Yohanes 2:9

Urakng inyo bopandir obai io udah hidup di dalapm torakng, apo io bonci'an somadikannyo, boroti io ija' hidup di dalapm kogolapan sampai watu ninam.

2 Korintus 4:12

Jadi, rotinyo, koi mohadapi komatian di dalapm polayatan koi oca' kaitn mondapat'an kohidupan inyo somanah-manahnyo.