1 Yohanes 3:15 - Porjanjian Boharu Torjomahan Baso Dilakng Soari-ari

¹⁵ Urakng inyo bonci'an somadikannyo samo agatn pombunuh. Kaitn tohu obai somuo urakng inyo mombunuh kinyo mondapat'an hidup kokal.

1 Yohanes 3:15 ပူးပေါင်းရင်းမြစ်များ

Wahyu 21:8

Apo boko urakng ponggola'an, boko urakng inyo kinyo pocayo, boko urakng inyo jahat, boko urakng pombunuh, boko urakng inyo bodosa pombotina', boko tukakng sihir, boko urakng inyo monyombah lompatukng, boko urakng tumbukan, somuo sia' paca'an ditikapan ko dalapm loutan api inyo tongahan bonyalo agatn bolerang. Nantai damonyo komatian koduo, ia'an mati pakai' somanah-manahnyo.”

Yohanes 8:44

Kaitn ninam boko poana'an Rajo Sitatn! Io nam bopai kaitn nan. Kaitn honda' monuruti kohonda' bopai kaitn nantai. Doi' mulonyo io nam pombunuh. Io co kalo ado hubukan agatn boko hal inyo bondar obai conyiant ado inyo bondar di dalapm dirinyo. Pas io bulah kotumbukan, nantai wajar, obai sipatnyo ongkah bulah kotumbukan nam. Sio nianam bopai boko tumbukan.

Kisah Boko Rasul 23:14

Jadi, sia' botula' ko boko imam kopala' huatan boko pomimpitn Yahudi inyo bukai. Sia' momadahan hajat sia' nantai. Kato sia', “Koi udah bosumpah ko Allah obai koi co paca'an makatn damo minum sobolupm koi bohasil mombunuh Paulus.

Yakobus 1:15

Aman ado urakng inyo monuruti hawa napsunyo inyo jahat nantai, jadi io bulah dosa. Lalu, aman io hala bulah dosa, io paca'an topisah doi' Allah, akibatnyo io mati.

Kisah Boko Rasul 23:12

Kohobu'annyo, ado lobih doi' ompat puluh urakng Yahudi inyo bulah hajat pakai' mombunuh Paulus. Sia' bulah hajat nantai socaro rahasia. Sia' somuo bosumpah ko Allah obai sia' co paca'an makatn damo minum sobolupm sia' bohasil mombunuh Paulus.

Yohanes 4:14

Apo sotiap urakng inyo minum ara'i inyo Aku onju' ko io, io co paca'an korahakan agi' somanah-manahnyo. Obai, ara'i inyo paca'an Aku onju' ko io paca'an monjadi ubo mato ara'i di dalapm dirinyo. Ara'i nantai paca'an torus-norus mongalir huatan moonji'inyo hidup somanah-manahnyo.”

Markus 6:19

Obai toguran Yohanes, Herodias mondondapannyo, honda' mombunuhnyo. Apo culihnyo molabuhan la'apoam

Matius 5:28

Apo Aku moonju' porintah ni'in ko kaitn: Jangan sampai lolaki borotian botina' ongko honda' bomporajoan agatn io inyo bukainyo bininyo. Aman lolaki nantai molabuhannyo, boroti io udah bomporajoan dalapm hatinyo.

1 Petrus 1:23

Obai, kaitn dionji'i kohidupan boharu ibaratnyo kaitn lahir agi'. Kaitn dilahiran agi' bukainyo obai monsio inyo ulih mati apo obai kaitn pocayo agatn Pomandiran Allah mongona'i Kristus. Pomandiran Allah nantai hidup ongko botahatn sampai somanah-manahnyo.

1 Yohanes 2:9

Urakng inyo bopandir obai io udah hidup di dalapm torakng, apo io bonci'an somadikannyo, boroti io ija' hidup di dalapm kogolapan sampai watu ninam.

1 Yohanes 2:11

Apo urakng inyo bonci'an somadikannyo, boroti io ija' hidup di dalapm kogolapan. Io samo sama'an urakng inyo bojalatn di dalapm kogolapan. Io co tohu ko mono io bojalatn obai kogolapan nantai bulah io buto.