1 Yohanes 3:12 - Porjanjian Boharu Torjomahan Baso Dilakng Soari-ari

¹² Jangan kito sama'an Kain doi' joman komai. Sio nam ana' Rajo Sitatn inyo mombunuh adikngnyo. Hibo Kain molabuhan nantai? Obai somuo inyo io labuhan jahat apo somuo inyo dilabuhan adikngnyo bondar.

1 Yohanes 3:12 ပူးပေါင်းရင်းမြစ်များ

Ibrani 11:4

Obai Habel pocayo, jadi io momposombahan ko Allah kurbatn inyo lobih boi' tangga'i kurbatn inyo diposombahan Kain. Kopocaya'an Habel monunju'an io ia'an urakng inyo bondar di hadapan Allah. Obai, Allah monorima' posombahannyo. Biar pan Habel udah mati, io sama'annyo ija' bopandir ko kito obai io monjadi toladatn urakng inyo pocayo.

Yudas 1:11

Tuhatn paca'an mohukupm sia'! Obai, caro hidup sia' jahat samo sama'an Kain doi' joman komai. Sia' gala' bulah kosalahan oca' sia' dapat duit samo sama'an Bileam. Sia' pan sama'an Korah jam obai sia' momborontak molawatn Allah huatan boko pomimpitn inyo dipilih Allah. Sia' paca'an dibonasoan samo sama'an io jam.

Lukas 11:51

mula'i doi' mombunuh Habel sampai mombunuh Nabi Zakharia inyo tojadi di antaro mesbah; tompat monyorahan posombahan huatan Rumah Allah. Porotian, boko urakng joman ni'in pasti tajahan dihukupm obai somuonyo nantai.”

Matius 23:35

Obai nantaiam, kaitn paca'an monanggukng hukupan obai pombunuhan somuo urakng inyo co nyiant kosalahannyo, mula'i doi' pombunuhan Habel sampai ko pombunuhan nabi Zakharia, ana' Berekhya. Obai kaitn siku' udah mombunuh nabi Zakharia di antaro mesbah huatan Rumah Allah.

1 Petrus 4:4

Apo ni'in kaitn co hidup ubo nantai agi'. Boko urakng hiratn mapo kaitn co moikuti caro hidup sia' inyo bodosa. Obai nantaiam, sia' monjahai'-jahai'an kaitn.

Ibrani 12:24

Kaitn datakng mohadap Yesus inyo monjadi Porontaro inyo moadoan pojanjian boharu inyo Allah pulah agatn monsio, ongko ko darah-Nyo inyo momborosihi kaitn doi' dosa. Darah nantai bopandir mongona'i lou' inyo lobih boi' daripado darah Habel.

1 Yohanes 3:8

Apo urakng inyo totap bulah dosa, rotinyo io ia'an ana' Rajo Sitatn. Nantai udah jolas obai Rajo Sitatn hala bulah dosa doi' sobolupm dunia dipulah. Nantaiam alasan Ana' Allah udah datakng ko dunia, ia'an oca' Sio monongga'an pokoroja'an Rajo Sitatn.

Kisah Boko Rasul 7:52

Angki-bayatn kaitn monyisa somuo nabi Allah. Joman komai, sia' mombunuh boko nabi inyo mongabaran mongona'i kodatakan Rajo Inyo Dijanjian Allah, ia'an Hulutn Allah inyo hala hidup bondar di hadapan Allah. Sokarakng Rajo nantai udah datakng apo kaitn monyorahan Sio ko musuh-Nyo oca' Sio dibunuh!

Yohanes 10:32

Apo Yesus bopandir ko sia', “Kaitn udah moniant Aku molabuhan banya' pokoroja'an boi' doi' Bopai-Ku. Doi' somuo pokoroja'an nantai, inyo buai mono bulah kaitn honda' monikapm Aku agatn batu?”

Matius 27:23

Kato Pilatus, “Apo la'apo kojahatan-Nyo?” Apo sia' mongkitn borakng mondorah, “Bunuh Sio di kayu salib!”

Matius 13:38

Lakau nantai monggambaran dunia ni'in. Bonih gandupm inyo boi' nantai monggambaran boko urakng anggota Koraja'an Sorugo. Apo solalakng nantai monggambaran boko urakng inyo pongikut rajo Sitatn.

Matius 13:19

Bonih nantai samo agatn pomandiran Allah mongona'i Koraja'an Sorugo. Tanah jalatn nantai tontai monggambaran boko urakng inyo monorima' Pomandiran Allah ongkah mondinga'an ja'am apo kinyo honda' mongoroti. Lopas nian datakng Rajo Sitatn, mombulah sia' tongkolupatn agatn pomandiran Allah, sampai hati sia' kinyo pocayo.

Wahyu 17:6

Aku moniant botina' nantai komabu'an obai minum darah boko urakng kudus, ia'an boko urakng inyo dibunuh obai sia' momboritoan mongona'i Yesus. Pas aku moniant botina' nantai, aku kotakan hiratn.

1 Tesalonika 2:14

Butinyo ia'an kaitn sonjumpat'an caro hidup inyo samo sama'an boko urakng inyo pocayo ko Kristus Yesus di doerah Yudea. Lopas kaitn monjadi pocayo, kaitn didorako'i boko urakng doi' banso kaitn siku'. Sama'an nantai jam, lopas boko urakng Yahudi di doerah Yudea monjadi pocayo, sia' didorako'i boko urakng doi' banso sia' sikuꞌ.

Matius 5:37

Aman kaitn bopandir ‘Au’, padahan ‘Au’ ja'am. Aman kaitn bopandir ‘Cado’, padahan ‘Cado’ ja'am. Jangan momadahan lobih doi' nantai obai inyo lobih doi' nantai boasal doi' Rajo Sitatn.”

Yohanes 8:40

Aku monyampaian kobondaran ko kaitn, ia'an kobondaran inyo Ku dinga' doi' Allah. Apo kaitn honda' mombunuh Aku. Abrahapm co kalo molabuhan sama'an nian!

Yohanes 8:41

Jadi, kaitn kinyo bondar ana' Abrahapm, obai kaitn tuyut bopai inyo bukai.” Timbas sia', “Koi bukainyo boko ana' kampakng. Siku' mo Bopai koi, ia'an Allah!”