1 Yohanes 3:11 - Porjanjian Boharu Torjomahan Baso Dilakng Soari-ari

¹¹ Ninam borito inyo udah kaitn dinga' tangga'i mulonyo, ia'an nantai obai kito gola' hala mongasihi.

1 Yohanes 3:11 ပူးပေါင်းရင်းမြစ်များ

Yohanes 13:4

Jadi, watu Yesus tongahan makatn bosamo agatn boko murid-Nyo, Sio bodiritn, momucul jubah-Nyo, lalu mongobatan handok ko punggukng-Nyo.

Yohanes 15:12

Ni'in porintah-Ku: Kaitn gola' totap hala mongasihi, samo sama'an Aku mongasihi kaitn.

Galatia 6:2

Kohonda'nyo kaitn gola' hala bontulukan, monulukng kosusahan urakng bukai. Nantaiam kaitn hidup sosuai agatn porintah Kristus pakai' salikng mongasihi.

Efesus 5:2

Kaitn gola' mongasihi urakng bukai samo sama'an Kristus udah mongasihi kaitn ia'an Sio monyorahan diri-Nyo monjadi kurbatn posombahan pakai' monanggukng hukupan dosa kito. Sio monjadi posombahan harupm inyo monyonangan Allah.

1 Tesalonika 4:9

Ni'inan, mongona'i hal mongasihi boko somadikan bukai inyo pocayo ko Yesus. Koi kinyo pontikng monulis surat agi' mongona'i hal nantai obai Allah udah mongajar kaitn pakai' hala mongasihi.

1 Timotius 1:5

Aku moonji'i nosihat ni'in oca' boko urakng inyo pocayo hala mongasihi agatn hati inyo jujur, agatn saro hati pakai' bulah koboi'an, huatan bondar-bondar pocayo ko Yesus.

1 Petrus 1:22

Obai kaitn monaati kobondaran, kaitn udah monjadi suci di hadapan Allah. Jadi, kaitn dapat mongasihi somadikan kaitn inyo sosamo pocayo, agatn hati tulus. Obai nantai, kaitn gola' bobondar hala mongasihi agatn soponuh hati.

1 Petrus 3:8

Kosimpulannyo, kaitn somuo gola' bosatu dalapm hati huatan pikiran, hala mohibur inyo bukai, hala mongasihi agatn boi' hati ko boko somadikan kaitn inyo bukai, huatan jangan buhau.

1 Petrus 4:8

Inyo kotakan pontikng, kaitn gola' bobondar hala mongasihi. Obai, urakng inyo mongasihi ulih moamputi boko kosalahan.

1 Yohanes 1:5

Ninam borito inyo udah koi dinga' doi' Yesus Kristus lalu koi padahan ko kaitn: Allah nantai torakng. Conyiant kogolapan samo sokali di dalapm Sio.

1 Yohanes 4:11

Boko somadikanku inyo tokasih, obai Allah kotakng mongasihi kito, jadi kito pan gola' hala mongasihi.

1 Yohanes 4:21

Nianam porintah inyo kito torima' doi' Sio: Urakng inyo mongasihi Allah, io gola' mongasihi somadikannyo.

1 Yohanes 4:7

Boko somadikanku inyo tokasih, marabo kito hala mongasihi. Obai, kasih boasal doi' Allah. Urakng inyo mongasihi siku'-monyiku' nianam ana' Allah, huatan io mongonal Allah.

2 Yohanes 1:5

Watu ni'in, aku minto ko Indai oca' kito hala mongasihi. Porintah nantai bukainyo porintah boharu inyo hoyu' ku tulis ko kaitn. Porintah nantai ia'an porintah inyo udah ado doi' mulonyo.