1 Yohanes 2:9 - Porjanjian Boharu Torjomahan Baso Dilakng Soari-ari

⁹ Urakng inyo bopandir obai io udah hidup di dalapm torakng, apo io bonci'an somadikannyo, boroti io ija' hidup di dalapm kogolapan sampai watu ninam.

1 Yohanes 2:9 ပူးပေါင်းရင်းမြစ်များ

1 Yohanes 4:20

Aman ado urakng inyo bopandir, “Aku mongasihi Allah,” apo urakng nantai bonci'an somadikannyo, jadi urakng nantai bulah kotumbukan. Obai, urakng inyo co mongasihi somadikannyo inyo kotiat'an, co mungkitn io ulih mongasihi Allah inyo kinyo kotiat'an.

1 Yohanes 2:11

Apo urakng inyo bonci'an somadikannyo, boroti io ija' hidup di dalapm kogolapan. Io samo sama'an urakng inyo bojalatn di dalapm kogolapan. Io co tohu ko mono io bojalatn obai kogolapan nantai bulah io buto.

2 Petrus 1:9

Apo, urakng inyo kinyo molabuhan nantai, io samo sama'an urakng buto, damo urakng inyo bayo ulih moniant boko hal inyo di pohadapannyo mo. Io culih moniant boko hal doi' Allah, io tongkolupatn obai boko dosanyo komainyo inyo udah diamputi.

1 Yohanes 2:4

Urakng inyo bopandir, “Aku mongonal Allah,” apo io co monuruti boko porintah-Nyo, urakng nantai bulah kotumbukan. Kobondaran conyiant di dalapm io.

1 Yohanes 1:6

Aman kito bopandir obai kito bosatu agatn Sio, padohal kito hidup dalapm kogolapan, boroti kito tumbukan. Kito co hidup sosuai agatn kobondaran.

Yohanes 9:41

Timbas Yesus agatn sia', “Soandainyo kaitn buto, kaitn co bodosa. Apo kaitn mongatoan kaitn ulih moniant. Jadi, ija' ado dosa kaitn.”

Kisah Boko Rasul 1:15

Lopas nantai boboropo ari, ado kiro-kiro soratus duo puluh urakng inyo pocayo ko Yesus bokumpul watu nantai. Petrus bodiritn di antaro sia' somuo. Katonyo,

1 Yohanes 3:10

Doi' tando ni'in kito mongotohu'i sopo poana'an Allah huatan sopo poana'an Rajo Sitatn: Urakng inyo co hidup bondar di hadapan Allah, urakng nianan bukainyo ana' Allah. Ubo nian jam, urakng inyo co mongasihi somadikannyo. Urakng nantai bukainyo ana' Allah.