1 Yohanes 2:3 - Porjanjian Boharu Torjomahan Baso Dilakng Soari-ari

³ Aman kito monaati boko porintah Allah, hal nantai monunju'an obai kito bondar-bondar mongonal Sio.

1 Yohanes 2:3 ပူးပေါင်းရင်းမြစ်များ

Lukas 6:46

“Kaitn co bondar aman ongkah moningkau Aku ‘Tuhatn’, apo kaitn co molabuhan la'apo inyo Ku siuh.

Yohanes 14:15

“Aman kaitn mongasihi Aku, kaitn paca'an monaati boko porintah-Ku.

Yohanes 15:10

Aman kaitn monuruti boko porintah-Ku, Aku pan totap hala mongasihi kaitn. Samo sama'an Aku monuruti porintah Bopai-Ku, huatan Sio pan totap hala mongasihiKu jam.

Yohanes 15:14

Kaitn nam boko pokawalan-Ku, ia'an aman kaitn molabuhan la'apo inyo Ku porintahan ko kaitn.

Yohanes 17:3

Ninam hidup inyo kokal, ia'an obai sia' mongonal ongkah Duatam Allah inyo bondar, huatan pan obai sia' mongonal Yesus Kristus inyo udah Duatn utus.

2 Korintus 4:6

Obai, Allah inyo bopandir, “Kohonda'nyo ado torakng inyo bocohayo doi' kogolapan!” Sio jam inyo mombulah torakng bocohayo di dalapm hati kito. Ia'an, Sio mombulah oca' kito ngoroti agatn hal ni'in: Komulia'an Allah dapat ditiat di dalapm muho Kristus.

Ibrani 5:9

Agatn caro nantai, Sio monjadi Ponyolamant inyo sompurna. Jadi, Sio ulih moonji'i kohidupan kokal ko somuo urakng inyo taat ko Sio.

1 Yohanes 2:13

Pombopaian! Aku monulisan ni'in ko kaitn obai kaitn udah mongonal Yesus Kristus, ia'an Sio inyo udah ado sobolupm dunia dipulah. Boko urakng muda'! Aku monulis ni'in ko kaitn obai kaitn udah mongalahan inyo jahat.

1 Yohanes 3:14

Apo kito mongasihi somadikan kito. Obai nantai, kito tohu obai kito kinyo dikuaso'i komatian agi', apo kito udah borubah. Kito mondapat'an hidup inyo sobondarnyo. Urakng inyo co mongasihi, rotinyo io ija' dikuaso'i komatian.

1 Yohanes 3:19

Aman kito bondar-bondar mongasihi sama'an nantai, jadi kito paca'an mongotohu'i obai kito boasal doi' kobondaran. Ubo nianam, hati kito tenang di hadapan Allah.

1 Yohanes 3:6

Jadi, urakng inyo hidup bosatu agatn Sio, co bulah dosa agi'. Apo urakng inyo totap bulah dosa, rotinyo urakng nian co kalo mongoroti mongona'i Kristus. Urakng nian co honda' mongonal Sio.

1 Yohanes 4:13

Ninam caronyo kito tohu obai kito bosatu agatn Allah, huatan Allah bosatu agatn kito: Ia'an nantai obai Allah udah moonju' Roh-Nyo ko kito.

1 Yohanes 4:7

Boko somadikanku inyo tokasih, marabo kito hala mongasihi. Obai, kasih boasal doi' Allah. Urakng inyo mongasihi siku'-monyiku' nianam ana' Allah, huatan io mongonal Allah.

1 Yohanes 5:19

Kito tohu obai kito boasal doi' Allah. Apo somuo urakng di dunia sia' ado di babah kuaso Rajo Sitatn inyo jahat.

1 Yohanes 5:2

Agatn caro inyo ni'in kito tohu obai kito mongasihi poana'an Allah: Ia'an nantai aman kito mongasihi Allah ongko monuruti boko porintah-Nyo.

1 Yohanes 5:3

Obai, aman kito mongasihi Allah rotinyo kito pan paca'an monuruti boko porintah-Nyo. Boko porintah-Nyo kinyo borat pakai' kito,

Wahyu 12:17

Ongko, nago nantai monjadi kotakng godi ko botina' nantai. Io botula' boparakng molawatn koturutannyo inyo bukai, ia'an sia' inyo monaati boko porintah Allah huatan pocayo agatn kuat ko somuo inyo Yesus pandiran.

Wahyu 14:12

Jadi boko urakng doi' umant Allah, ia'an boko urakng inyo monaati boko porintah Allah, boko urakng inyo pocayo ko Yesus agatn sotia, sia' gola' botahatn.

Wahyu 22:14

Sonang nyamanam cam somuo urakng inyo monopasi jubah sia'. Sia' paca'an dapat hak pakai' bopua' buah doi' kayu inyo moonji'i kohidupan. Sia' paca'an ulih mansu' ko dalapm kota nantai molalu'i boko pintu gerbakngnyo.