1 Yohanes 2:27 - Porjanjian Boharu Torjomahan Baso Dilakng Soari-ari

²⁷ Apo kaitn udah monorima' Roh Allah doi' Yesus Kristus. Roh Allah totap ado di kaitn. Obai nantai, kaitn kinyo pontikng diajari urakng bukai. Roh Allahmo moajari kaitn mongona'i boko la'apo pan. Ajaran-Nyo bondar, kinyo tumbukan. Jadi, sosuai agatn lapo inyo Sio ajaran ko kaitn komai, kohonda'nyo kaitn totap hidup bosatu agatn Kristus.

1 Yohanes 2:27 ပူးပေါင်းရင်းမြစ်များ

Yohanes 14:26

Apo nononyo Bopai paca'an moutus Roh-Nyo ko kaitn dalapm damo-Ku. Roh Allah nantai ia'an Ponulukng. Sionam inyo paca'an momadahi somuo la'apo pan ko kaitn. Sio jam paca'an moingant'an kaitn paca'an somuo inyo Aku udah pandiran ko kaitn.

1 Korintus 2:13

Watu koi mongajar, koi mongajar mongona'i somuo koboi'an Allah nantai. Koi momakai pomandiran inyo diajari Roh Allah, bukai pomandiran inyo diajari kopintar-corodi'an monsio. Koi monjolasan boko hal mongona'i Allah nantai ko boko urakng inyo udah monorima' Roh Allah.

Yohanes 16:13

Apo nononyo, timpu Roh Allah datakng, Sio paca'an moirikng kaitn oca' mongoroti somuo inyo bondar. Obai, Sio co paca'an mongatoan doi' diri-Nyo siku', apo Sio paca'an momadahan pomandiran inyo Sio dinga' doi' Bopai-Nyo. Sio pan paca'an momadahannyo ko kaitn boko hal inyo paca'an tojadi nononyo.

1 Tesalonika 2:13

Koi hala bosukur ko Allah obai timpu koi momboritoan Kabar Boi' ko kaitn, kaitn pocayo nantai bondar-bondar doi' Allah huatan bukainyo doi' pikiran monsio. Kopocaya'an kaitn nantai pan udah morubah caro hidup kaitn.

2 Yohanes 1:2

Obai kito sosamo pocayo agatn ajaran inyo bondar ongko kito paca'an pocayo somanah-manahnyo.

1 Yohanes 3:24

Urakng inyo monuruti boko porintah-Nyo, io hidup bosatu agatn Allah, huatan Allah hidup bosatu agatn io. Kito tohu obai Allah hidup bosatu agatn kito obai ni'in: Sio udah moonju' Roh-Nyo ko kito.

1 Yohanes 2:28

Jadi, poana'anku! Kaitn gola' hidup bosatu agatn Kristus, oca' Sio datakng nononyo agi', kito co gola' huatan co malu mohadap Sio.

1 Petrus 1:23

Obai, kaitn dionji'i kohidupan boharu ibaratnyo kaitn lahir agi'. Kaitn dilahiran agi' bukainyo obai monsio inyo ulih mati apo obai kaitn pocayo agatn Pomandiran Allah mongona'i Kristus. Pomandiran Allah nantai hidup ongko botahatn sampai somanah-manahnyo.

Kolose 2:6

Kaitn udah pocayo obai Kristus Yesus nantai Tuhatn kito. Obai nantai, totap ja' hidup bosatu agatn Sio.

Yohanes 14:17

Ponulukng nantai ia'an Roh Allah inyo monunju'an somuo inyo bondar. Boko urakng di dunia inyo co pocayo, sia' kinyo ulih monorima' Roh Allah nantai, obai sia' co moniant Sio, co mongonal Sio. Apo, kaitn mongonal Sio obai Sio ado bosamo kaitn huatan nononyo Sio bodiapm dalapm hati kaitn.

Efesus 4:21

Obai, timpu kaitn mondinga' mongona'i Sio, kaitn monorima' ajaran inyo bondar mongona'i Yesus.

Yohanes 4:14

Apo sotiap urakng inyo minum ara'i inyo Aku onju' ko io, io co paca'an korahakan agi' somanah-manahnyo. Obai, ara'i inyo paca'an Aku onju' ko io paca'an monjadi ubo mato ara'i di dalapm dirinyo. Ara'i nantai paca'an torus-norus mongalir huatan moonji'inyo hidup somanah-manahnyo.”

1 Timotius 2:7

Nianam Kabar Boi' inyo gola' aku boritoan. Nantaiam alasannyo aku diutus monjadi rasul pakai' momboritoannyo. Pomandiran aku ni'in bondar. Aku co bulah tumbukan. Aku dipilih pakai' mongajar boko urakng inyo bukainyo urakng Yahudi oca' sia' tohu la'apo inyo bondar mongona'i Yesus.

Matius 13:11

Timbas Yesus, “Kaitn udah dionji'i pongorotian mongona'i Koraja'an Sorugo inyo bolupm dikotohu'i urakng bukai. Apo urakng banya' ni'in bolupm dionji'i pongorotian nantai.

Yohanes 6:45

Di dalapm Buku boko nabi, ado tulisan ni'in: ‘Allah paca'an moajari sia' somuo.’ Jadi, somuo urakng inyo mondinga' huatan bolajar doi' Allah Bopai, sia' datakng ko aku.

Yohanes 14:16

Aku paca'an minto ko Bopai, lalu Sio paca'an moonji'i Ponulukng inyo bukai ko kaitn. Sio paca'an molabuhan nantai oca' Ponulukng nantai ado bosamo kaitn somanah-manahnyo.

1 Korintus 2:12

Jadi, kito kinyo monorima' roh inyo boasal doi' dunia ni'in. Molaitan kito monorima' Roh Allah. Agatn sama'an nian, kito ulih mongoroti somuo koboi'an inyo dionju' Allah ko kito.

2 Korintus 1:21

Allah inyo bulah koi ongko kaitn kuat bosatu agatn Kristus. Sio jam inyo momilih kito.

1 Tesalonika 4:9

Ni'inan, mongona'i hal mongasihi boko somadikan bukai inyo pocayo ko Yesus. Koi kinyo pontikng monulis surat agi' mongona'i hal nantai obai Allah udah mongajar kaitn pakai' hala mongasihi.