1 Yohanes 2:25 - Porjanjian Boharu Torjomahan Baso Dilakng Soari-ari

²⁵ Ongko ninam inyo udah Sio janjian ko kito, ia'an hidup inyo somanah-manahnyo.

1 Yohanes 2:25 ပူးပေါင်းရင်းမြစ်များ

Yohanes 10:28

Aku moonji'i sia' hidup inyo somanah-manahnyo. Sia' cokalo bonaso sampai somanah-manahnyo. Conyiant ado siku' urakng pan inyo ulih morobut sia' doi' jari-Ku.

Titus 3:7

Agatn ubo nian, kito inyo dipulah bondar obai koboi'an Allah, bohak monorima' hidup somanah-manahnyo inyo kito harapan.

Yudas 1:21

Tuhatn kito, Yesus Kristus, paca'an monunju'an kasih sayang ko kito, ia'an Sio paca'an moonji'i kito kohidupan somanah-manahnyo. Kapikng kaitn monantian nantai, kaitn gola' totap hidup dalapm kasih Allah.

1 Timotius 6:12

Samo sama'an urakng bouyuh-jorih dalapm potandikan, kolai pan gola' bouyuh-jorih oca' kolai pagutn pocayo lalu mondapat'an hidup inyo somanah-manahnyo di sorugo. Pakai' hal nantaiam kolai udah ditingkau huatan udah mongatoan di hadapan urakng banya' obai kolai pocayo ko Yesus.

1 Yohanes 1:2

Sio inyo moonji'i hidup somanah-manahnyo ado bosamo Allah Bopai. Apo timpu Sio datakng di dunia, koi ulih moniant-Nyo. Hidup somanah-manahnyo nantai ditunju'an-Nyo ko koi huatan watu ni'in, koi boritoan ko kaitn mongona'i hidup somanah-manahnyo nantai.

Roma 5:21

Komai, dosa inyo bokuaso. Jadi, somuo urakng gola' mati. Apo watu ni'in, pakai' kito inyo pocayo, koboi'an Allah inyo bokuaso. Yesus Kristus, Tuhatn inyo bokuaso dipucu' kito, mombulah kito monjadi bondar di hadapan Allah huatan moonji'i kito hidup inyo kokal.

Roma 2:7

Allah paca'an moonju' kohidupan kokal ko urakng inyo kinyo monyorah pakai' bulah koboi'an, ia'an urakng inyo bulah koboi'an obai moncari' komulia'an huatan hormat doi' Allah, huatan honda' dionji'i hidup kokal doi' Sio.

Yohanes 12:50

Aku tohu obai pomandiran-Nyo nantai moonji'i hidup kokal. Nantai sobabnyo Aku mongatoan sosuai agatn pomandiran inyo udah Bopai sampaian ko aku.”

Yohanes 6:68

Timbas Simon Petrus, “Tuhatn, conyiant ado siku' urakng bukai inyo koi paca'an tuyut! Pomandiran Duatn moonji'i hidup inyo somanah-manahnyo.

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.

1 Timotius 6:19

Aman sia' molabuhan somuo nantai, sia' paca'an mondapat'an kodampuan di sorugo. Kodampuan nantai pasti huatan kinyo paca'an rusa', samo sama'an rumah agatn pondasi inyo kuat co paca'an rusa'. Sia' gola' molabuhan somuo nantai oca' sia' mondapat'an hidup inyo somombondarannyo.

Yohanes 6:54

Sotiap urakng inyo bopua' isi-Ku huatan minum darah-Ku, sia' paca'an monorima' hidup somanah-manahnyo. Aku paca'an mombulah sia' hidup agi' watu ahir joman.

Yohanes 6:47

Pondinga'an bobondarcam inyo Ku pandiran ni'in: Sotiap urakng inyo pocayo agatn Aku, sia' ado kohidupan inyo somanah-manahnyo.

Yohanes 6:27

Jangan bokorojo pakai' bogoyap pomakatn inyo copat buru' ongko habis. Apo bokorojocam pakai' mondapat'an pomakatn inyo tahatn sampai hidup somanah-manahnyo. Ana' Monsio inyo paca'an moonji'i pomakatn nantai ko kaitn. Obai, Allah Bopai udah mombutian obai Sionam moutus Ana' Monsio.”

Yohanes 5:39

Kaitn bolajar Buku Suci obai kaitn monyangko obai ado hidup somanah-manahnyo di dalapmnyo. Apo Buku Suci nantai momadahan mongona'i Aku.

Lukas 18:30

sia' tajahan mondapat'an agi' doi' Allah jouh lobih banyaꞌ di dunia joman ni'in. Sia' pan paca'an mondapat'an hidup kokal di sorugo pado joman inyo tajahan datakng.”

1 Timotius 1:16

Apo malah nantaiam inyo monjadi alasan Yesus monunju'an kasih-Nyo ko aku, oca' Sio ulih monunju'an kosabaran-Nyo. Agatn ubo nian hal ni'in paca'an tojadi jam ko boko urakng bukai inyo nononyo pocayo ko Sio, huatan mondapat'an hidup somanah-manahnyo di sorugo.

Galatia 6:8

Urakng inyo hidup sosuai agatn kohonda' dirinyo siku' paca'an bonaso. Apo urakng inyo hidup sosuai agatn kohonda' Roh Allah paca'an mondapat'an hidup somanah-manahnyo doi' Roh Allah.

Roma 6:23

Upah doi' dosa ia'an kito gola' mati topisah doi' Allah. Apo Allah monunju'an koboi'an-Nyo ko kito. Sio moonji'i hidup kokal ko kito obai kito bosatu agatn Kristus Yesus, Tuhatn inyo bokuaso dipucu' kito.

Yohanes 3:15

oca' somuo urakng inyo pocayo ko Sio, sia' mondapat'an kohidupan somanah-manahnyo.

Yohanes 6:40

Obai, ni'in kohonda' Allah Bopai-Ku: ia'an oca' somuo urakng inyo moniant Ana' huatan pocayo ko Io, sia' paca'an mondapat'an hidup somanah-manahnyo huatan Aku paca'an mombulah sia' hidup agi' watu ahir joman.”