1 Yohanes 2:18 - Porjanjian Boharu Torjomahan Baso Dilakng Soari-ari

¹⁸ Poana'anku! Joman ni'in am ari-ari toahir. Kaitn udah mondinga' obai Si Musuh Kristus paca'an datakng. Ongko watu ni'in banya' musuh Kristus udah ado. Ni'inam tandonyo, joman ninam ari-ari toahir.

1 Yohanes 2:18 ပူးပေါင်းရင်းမြစ်များ

Matius 24:11

Banya' nabi palsu paca'an datakng huatan monyosat'an urakng banya'.

Matius 24:24

Obai paca'an ado boko urakng datakng inyo mongaku' obai dirinyo nianam Rajo Inyo Dijanjian Allah. Apo sia' co bondar. Paca'an ado boko nabi palsu jam. Boko rajo palsu huatan boko nabi palsu nantai paca'an bulah bomacapm mujisat jam. Tujuan sia' oca' monyosat'an somuo urakng, huatan soandainyo mungkitn tomansu' boko urakng inyo dipilih Allah jam.

Matius 24:5

Obai banya' urakng paca'an datakng inyo mongaku' dirinyo sama'an ubo Aku. Sia' paca'an bopandir, ‘Aku ninam Rajo Inyo Dijanjian Allah!’ Sia' paca'an mongontumbuki urakng banya'.

Markus 13:6

Obai banya' urakng tajahan datakng inyo mongaku' dirinyo Aku. Sia' tajahan bopandir, ‘Aku nam Rajo Inyo Dijanjian Allah!’ Sia' tajahan monipu urakng banya'.

Yohanes 21:5

Kato Yesus ko sia', “Oi boko pokawalan, bulih cadonai kaitn ikatn?” Timbas sia', “Cado!”

Roma 13:11

Kaitn gola' molabuhan somuo nantai obai kaitn mongotohu'i joman ni'in ninam boko ari toahir. Ari pakai' kito disolamant'an udah mongkitn dampikam. Jadi, kaitn gola' siap huatan bulah koboi'an samo sama'an urakng inyo huas tidu'.

Roma 13:12

Malapm udah hampir laluam ongko sobontar agi' matoari tajahan moncara'. Jadi, kito gola' botongga' bulah kojahatan ongko kito gola' bulah koboi'an pakai' molawatn kuaso golap. Samo sama'an kito molongkapi diri kito agatn sonjato inyo dipakai pakai' boparakng bagi torakng.

Ibrani 1:2

Apo, watu ari-ari toahir ni'in Allah bopandir ko kito molalu'i Ana'-Nyo. Allah udah monotap'an Ana'-Nyo inyo bohak momuku'i somuo hal. Molalu'i Sio, Allah mombulah sogolintaran alapm.

1 Petrus 1:20

Allah udah momilih Sio sobolupm dunia dipulah. Apo, hoyu' ari toahir ni'in, Kristus udah datakng monyatoan diri-Nyo. Sio molabuhan nantai pakai' kaitn.

1 Petrus 1:5

Obai kaitn pocayo ko Yesus, jadi Allah molinduki kaitn agatn kuaso-Nyo oca' kaitn ulih disolamant'an. Kosolamant'an kaitn nantai udah siap ditunju'an Allah watu ahir joman nononyo.

1 Petrus 4:7

Boko somadikan ahir dunia ni'in udah dampikam. Obai nantai, kaitn gola' kondalian diri kaitn, ongko hala siap oca' kaitn ulih bodoa.

2 Petrus 2:1

Apo, pado joman komai ado boko nabi palsu jam di antaro boko urakng inyo pocayo ko Allah. Samo sama'an nantai, di antaro kaitn paca'an ado boko guru palsu. Sia' paca'an monipu urakng agatn boko ajaran salah inyo mombonasoan urakng. Malah sia' paca'an monyangkal Tuhatn Yesus inyo bokuaso atas sia', padohal Sio inyo udah monobus oca' sia' dapat dibebasan doi' hukupan dosa sia'. Obai porbuatan sia' siku' nantai, jadi sia' paca'an copat bonaso.

2 Petrus 3:3

Inyo palikng utamo gola' kaitn kotohu'i ia'an: Pado ahir joman, paca'an ado boko urakng inyo gala' mohayam kaitn. Sia' nantai dikuaso'i hawa napsu inyo jahat.

1 Yohanes 2:22

Sopo kironyo urakng inyo tumbukan nantai? Io nam urakng inyo bopandir obai Yesus bukainyo Rajo Inyo Dijanjian Allah, ia'an Kristus. Urakng inyo bopandir nantaiam musuh Kristus. Io monula' Allah Bopai huatan Yesus Kristus, Ana'-Nyo.

1 Yohanes 4:1

Boko somadikanku inyo tokasih, udah ado banya' nabi palsu di dunia ni'in. Obai nantaiam, jangannam pocayo agatn somuo urakng inyo mongatoan obai Roh Allah ado di inyo. Apo poriso'icam lobih holu ajaran sia' nantai pakai' mongotohu'i aman roh inyo ado di inyo boasal doi' Allah kata'an cado.

1 Yohanes 4:3

Apo aman urakng nian co moaku'i obai Yesus udah datakng ko dunia ni'in monjadi monsio, rotinyo roh inyo ado di dalapm dirinyo nian kinyo boasal doi' Allah. Roh nianan doi' Musuh Kristus. Kaitn udah mondinga' obai roh Musuh Kristus paca'an datakng. Timpu ni'inan, roh nantai udah ado di dunia ni'inan!

2 Yohanes 1:7

Aku momadahan somuonyo nantai obai, di mono-mono di dunia ni'in udah ado banya' boko urakng inyo moajaran boko hal inyo salah. Sia' co pocayo obai Yesus Kristus udah datakam ko dunia ni'in monjadi monsio. Urakng ubo nantaiam musuh Kristus inyo hala monyosat'an monsio.

Yudas 1:18

Kato boko rasul nantai, “Timpu ahir joman, paca'an ado boko urakng inyo hala mohayam kaitn. Boko urakng nantai dikuaso'i kohonda' bukakng inyo jahat.”