1 Yohanes 2:13 - Porjanjian Boharu Torjomahan Baso Dilakng Soari-ari

¹³ Pombopaian! Aku monulisan ni'in ko kaitn obai kaitn udah mongonal Yesus Kristus, ia'an Sio inyo udah ado sobolupm dunia dipulah. Boko urakng muda'! Aku monulis ni'in ko kaitn obai kaitn udah mongalahan inyo jahat.

1 Yohanes 2:13 ပူးပေါင်းရင်းမြစ်များ

Matius 11:27

Ongko Yesus bopandir ko boko urakng, “Bopai-Ku udah moonju' somuo hal ko Aku. Co nyiant siku' pan inyo mongonal Ana' solaitn Bopai, nyiant siku' pan inyo mongonal Bopai solaitn Ana', huatan boko urakng inyo dipokonalan Ana' agatn Bopai.

Matius 13:19

Bonih nantai samo agatn pomandiran Allah mongona'i Koraja'an Sorugo. Tanah jalatn nantai tontai monggambaran boko urakng inyo monorima' Pomandiran Allah ongkah mondinga'an ja'am apo kinyo honda' mongoroti. Lopas nian datakng Rajo Sitatn, mombulah sia' tongkolupatn agatn pomandiran Allah, sampai hati sia' kinyo pocayo.

Matius 13:38

Lakau nantai monggambaran dunia ni'in. Bonih gandupm inyo boi' nantai monggambaran boko urakng anggota Koraja'an Sorugo. Apo solalakng nantai monggambaran boko urakng inyo pongikut rajo Sitatn.

Matius 5:37

Aman kaitn bopandir ‘Au’, padahan ‘Au’ ja'am. Aman kaitn bopandir ‘Cado’, padahan ‘Cado’ ja'am. Jangan momadahan lobih doi' nantai obai inyo lobih doi' nantai boasal doi' Rajo Sitatn.”

Lukas 10:22

Lalu Yesus bopandir ko boko urakng banyaꞌ, “Bopai-Ku udah moonji'i somuo kuaso ongko pongotohuan ko Aku. Conyiant siku' pan inyo bondar-bondar mongonal Ana', solaitn Bopai. Conyiant jam inyo bondar-bondar mongonal Bopai solaitn Ana', huatan boko urakng inyo Ana' nantai pilih pakai' mongonalan Bopai.”

Yohanes 14:7

Aman kaitn mongonal Aku, rotinyo kaitn mongonal Bopai-Ku jam. Watu ni'in kaitn udah mongonal Bopai-Ku huatan moniant Sio.”

Yohanes 14:9

Timbas Yesus ko io, “Filipus, Aku udah cukup manah bosamo kaitn. Hibo sampai watu ni'in kolai bolupm mongonal Aku? Urakng inyo udah moniant Aku, rotinyo udah moniant Bopai jam. Jadi, hibo kolai bopandir sama'an nantai, ‘Pulah oca' koi ulih moniant Bopai agatn mato koi sikuꞌ’?

Yohanes 16:3

Sia' paca'an molabuhan boko nantai obai sia' kinyo mongonal Bopai boi' pan agatn Aku.

Yohanes 16:33

Aku momadahan somuonyo nantai ko kaitn oca' hati kaitn ado sonang-asau obai kaitn bosatu agatn Aku. Kaitn paca'an mondorita' di dunia ni'in. Apo, pontokuhancam hati kaitn! Aku udah mongalahan kuaso di dunia ni'in!”

Yohanes 17:21

Aku bodoa oca' sia' monjadi satu samo agatn Duatn di dalapm Aku huatan Aku di dalapm Duatn, oi Bopai. Agatn ubo nian sia' monjadi satu agatn Kito oca' boko urakng di dunia pocayo obai Duatam inyo udah moutus Aku.

Yohanes 17:3

Ninam hidup inyo kokal, ia'an obai sia' mongonal ongkah Duatam Allah inyo bondar, huatan pan obai sia' mongonal Yesus Kristus inyo udah Duatn utus.

Yohanes 8:19

Jadi, sia' bopandir ko Sio, “Di mono kironyo Bopai Duatn?” Timbas Yesus, “Kaitn co mongonal Aku damo Bopai-Ku. Soandainyo, kaitn bobondar mongonal Aku, pasti kaitn mongonal Bopai-Ku jam.”

2 Korintus 4:6

Obai, Allah inyo bopandir, “Kohonda'nyo ado torakng inyo bocohayo doi' kogolapan!” Sio jam inyo mombulah torakng bocohayo di dalapm hati kito. Ia'an, Sio mombulah oca' kito ngoroti agatn hal ni'in: Komulia'an Allah dapat ditiat di dalapm muho Kristus.

1 Timotius 5:1

Aman kolai moolikan siku' urakng lolaki inyo lobih tuho doi' kolai, jangan kolai moolikannyo agatn koras. Apo momadahinyo socaro hormat samo sama'an kolai bopandir ko Bopai kolai siku'. Onji'i nosihat ko boko lolaki inyo lobih muda' doi' kolai samo sama'an adikng kolai siku'.

Titus 2:6

Sama'an nian jam boko lolaki inyo ija' muda'. Padahicam ongko onji'i nosihat ko sia' oca' ulih monahan diri sia' dalapm hal la'apo pan.

1 Yohanes 1:1

Dalapm surat ni'in, koi monyampaian ko kaitn mongona'i Sio inyo disobut Pomandiran Allah inyo moonji'i hidup. Sio ado doi' mulonyo. Koi udah mondinga' Sio. Koi udah moniant Sio agatn mato koi siku'. Koi moniant Sio ongko koi udah moncanggapm Sio agatn jari koi siku'.

1 Yohanes 2:1

Boko poana'anku! Aku monulis somuo ni'in ko kaitn oca' kaitn jangan bulah dosa. Apo, aman ado di antaro kito inyo bulah dosa, kito ado siku' urakng inyo monulukng kito di hadapan Allah. Urakng nantai ia'an Yesus Kristus inyo adil.

1 Yohanes 2:12

Poana'anku! Aku monulisan ni'in ko kaitn obai dosa kaitn udah diamputi obai porbuatan Yesus Kristus.

1 Yohanes 2:14

Poana'anku! Aku monulis ni'in ko kaitn obai kaitn mongonal Allah Bopaiku. Boko pombopaian! Aku monulis ni'in ko kaitn obai kaitn udah mongonal Yesus Kristus, ia'an Sio inyo udah ado sobolupm dunia dipulah. Boko urakng muda'! Aku monulis ni'in ko kaitn obai kaitn pocayo agatn kuat. Pomandiran Allah ado di dalapm hati kaitn huatan kaitn udah mongalahan kojahatan.

1 Yohanes 3:12

Jangan kito sama'an Kain doi' joman komai. Sio nam ana' Rajo Sitatn inyo mombunuh adikngnyo. Hibo Kain molabuhan nantai? Obai somuo inyo io labuhan jahat apo somuo inyo dilabuhan adikngnyo bondar.

1 Yohanes 4:4

Apo, boko poana'anku, kaitn boasal doi' Allah. Kaitn udah mongalahan boko nabi palsu nantai. Obai, Roh Allah inyo ado di dalapm diri kaitn lobih bokuaso daripado roh Musuh Kristus inyo ado di dalapm dunia.

1 Yohanes 5:18

Kito tohu obai somuo urakng inyo monjadi poana'an Allah, sia' co hidup dalapm dosa. Sia' dilinduki Ana' Allah, ia'an Yesus Kristus. Rajo Sitatn kinyo ulih bulah la'apo pan agatn sia'.

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.

Wahyu 12:11

Boko somadikan kito udah mongalahannyo agatn darah Ana' Domba nantai, huatan agatn borito inyo bondar doi' Allah inyo sia' boritoan. Sia' sanggup mongurbatan diri sia' sampai mati.

Wahyu 2:7

Sopo pan inyo ulih mondinga', kohonda'nyo io momporhatian somuo pomandiran Roh Allah ko boko jomaat. Ko boko urakng inyo monang, Aku paca'an moijitan sia' makatn doi' kayu inyo moonji'i kohidupan inyo ado di kobutn Allah.”