1 Yohanes 2:11 - Porjanjian Boharu Torjomahan Baso Dilakng Soari-ari

¹¹ Apo urakng inyo bonci'an somadikannyo, boroti io ija' hidup di dalapm kogolapan. Io samo sama'an urakng inyo bojalatn di dalapm kogolapan. Io co tohu ko mono io bojalatn obai kogolapan nantai bulah io buto.

1 Yohanes 2:11 ပူးပေါင်းရင်းမြစ်များ

Yohanes 12:35

Kato Yesus ko sia', “Torakng nantai kinyo manaham ado di antaro kaitn. Jadi, kaitn gola' bojalatn somanahan Torakng nantai totap ado, oca' potakng co monguaso'i kaitn. Urakng inyo bojalatn di dalapm potakng kinyo tohu ko mono io botula'.

Yohanes 12:40

“Tuhatn udah mombulah mato sia' buto. Sio udah mombulah hati sia' koras. Oca' jangan sampai ni'in tojadi: sia' moniant agatn mato, sia' mongoroti agatn hati, lalu moninggalan boko dosa sia', oca', Tuhatn moamputi sia'.”

2 Korintus 3:14

Pikiran sia' udah totutup. Sampai ari ni'in pan, sama'an nian jam. Jadi, timpu urakng Israel mombaco Pojanjian Manah di Hukupm Torat nantai, ubo ado koitn ponutup mato-muho inyo mombulah pikiran sia' buntu'. Sia' co mongoroti sobondarnyo tujuan Hukupm Torat nantai, obai urakng bayo mongoroti aman io di dalapm Kristus.

2 Korintus 4:4

ia'an boko urakng inyo kinyo honda' pocayo. Rajo Sitatn, inyo monguaso'i dunia ni'in, udah bulah sia' co mongoroti. Io bulah mato hati sia' monjadi buto oca' sia' co moniant cohayo, ia'an Kabar Boi' mongona'i Kristus inyo mulia, Kristus inyo nianam samo agatn rupo Allah.

Titus 3:3

Komai sobolupm kito pocayo kito co tohu jam caro hidup inyo boi' sama'an sia'. Kito co taat jam agatn Allah. Kito dikotumbuki boko hal inyo jahat. Kohonda' ongko kosonangan di dunia ni'in monguaso'i kito. Kito hala bulah kojahatan ongko hala tungi agatn urakng bukai. Kito bonci' agatn urakng bukai ongko urakng bukai pan bonci' agatn kito.

2 Petrus 1:9

Apo, urakng inyo kinyo molabuhan nantai, io samo sama'an urakng buto, damo urakng inyo bayo ulih moniant boko hal inyo di pohadapannyo mo. Io culih moniant boko hal doi' Allah, io tongkolupatn obai boko dosanyo komainyo inyo udah diamputi.

1 Yohanes 1:6

Aman kito bopandir obai kito bosatu agatn Sio, padohal kito hidup dalapm kogolapan, boroti kito tumbukan. Kito co hidup sosuai agatn kobondaran.

1 Yohanes 2:10

Urakng inyo mongasihi somadikannyo, io nianam urakng inyo bondar-bondar hidup di dalapm torakng. Conyiant ado lapopan di dalapm hidup io inyo bulah urakng bukai sosat.

1 Yohanes 2:9

Urakng inyo bopandir obai io udah hidup di dalapm torakng, apo io bonci'an somadikannyo, boroti io ija' hidup di dalapm kogolapan sampai watu ninam.

1 Yohanes 3:15

Urakng inyo bonci'an somadikannyo samo agatn pombunuh. Kaitn tohu obai somuo urakng inyo mombunuh kinyo mondapat'an hidup kokal.

1 Yohanes 4:20

Aman ado urakng inyo bopandir, “Aku mongasihi Allah,” apo urakng nantai bonci'an somadikannyo, jadi urakng nantai bulah kotumbukan. Obai, urakng inyo co mongasihi somadikannyo inyo kotiat'an, co mungkitn io ulih mongasihi Allah inyo kinyo kotiat'an.

Wahyu 3:17

Kaitn bopandir, ‘Koi cukup dampu. Koi udah mongumpulan banya' kodampuan. Koi conyiant ado kokurakan la'apo pan.’ Apo kaitn co sadar obai sobondarnyo socaro rohani kaitn conyiant ado aponyo. Kaitn molarat, sonsaro, jaro, buto, kolanjakng!